ماهي السرعه العاديه عندما تكون في خط طويل .... 110 زينة ؟

[شفر 10]

السلام عليكم ورحمة الله
يا ليت الموضوع ما يكون مكرر


من فضل الله علي إن سيارتي مقطوع سلك العداد حقها وفكني الله من مطالعة العداد كل شوي "والله يا هي راحة نفسية"


لكني أعرف السرعة من الخطوط البيضاء اللي بنص الخط


وصراحة أفضل سرعة عندي 110 مريحة لي وللسيارة


ولا لزم الأمر وصلتها 120


يا ليت كل واحد يعطينا السرعة اللي يمشيه بكل صراحة والسبب اهم شيء السبب حتى يصير الموضوع له فايدة

[~EmPeRor~]

والله يالغالي على حسب
انا من الناس اذا كتم وكنت الحالي وانا مسافر احيان اصل الى 180 او 200 واتعداها بعض الاحيان الى 230 بدون ماشعرالا اذا فصلت السيارة او وقفت عن التزايد سيارتي كابريس << طبعا اعتبرة تهور وانتحار ولا انتبة الا متاخر :(
ولا اذا كان احد معاي ويسوالف علي ياحلاوت الخط زين اذا وصلت 120 اعتبرة سرعه
8888
كلامي هذا وانا مسافر لمسافات طويلة اكثر من 500 كيلو
<< عسى مايكون نقاش لاعضاء
ننتظر باقي الاعضاء
تقبل مروري

[جزاء الشمري]

إذا صرت مسافر ومع خط طويل أثبت السرعه على 160 .
بالخطوط العادية 120 .

[abo.a]

والله انا على فصلة السياره ووذا صار معي سيارت اخوي 240معي احد ولا ما معي الا اذا كانت الوالده او الوالد

[أبوسعود711]

والله وانا واخوك سرعتي من 120 الى 140 واذا كنت مستعجل 160

[جاسر2009]

140 بعدها اشوف انه انتحار وقبلها احس بالنعاس

[VXR.2007]

الصراحه 160 واذا كان احد معي 120 الي 140

[القناص]

لايمكن اتعدا 120

الا في ديرة ((دويتشلاند))

وعسانا نسلم من مقلعي الخطوط الطويله

وسلم لي على ساهر يا هو بيقحش دراهمنا قحش

www.saher.gov.sa (http://www.saher.gov.sa)

http://www.saher.gov.sa/images/FullPage-Nationality-3.jpg

تحياتي

:)

[abo.a]

هل تعلمون ياخوان باروبا بالطرق الي من دوله الى دوله تمشي اقل من 160 قسميه وسيرات الشرطه على هذاك الشارع فقط فراري واودي ونبر قيني

[جبال الهملايا]

أنا سواقه شيبان 120 ـــ وعند التهور أصل أحياناً 140

[مرات عشقي]

..والله ياخوك انا من الي يحب السرعه الله يكفينا الشر امشي 160 الى 180 سواء كان معي احد او مامعي احد والسبب الطريق ملل والرحلة طويلة ..

[قناص خلاوي]

الله يهديكم يالربع
السرعة مافيها خير
ولا تنسى انك راكب حديدة
لو ضمنت موترك وكفراتك ماضمنت الطريق والسيارات اللي فيه والبهايم ....الخ

تفضلوا هالفتاوى عساها تنبه الغافل :

؛؛؛ الســلام عليكم ورحمة الله وبركاته ؛؛؛


سائل يسأل الشيخ عبد الرحمن السحيم:

هل تجاوز سرعة السير بالسيارة التي حددها القانونُ في بلدنا بـ 80 كم / الساعة محرَّم

من باب عصيان وليّ الأمر فيما سنّ للعباد من أجلِ استقامة مصالحهم ؟!

وهل ينسحبُ هذا الحكم على جميع القوانين التي يسنها وليّ الأمر كلبس حزام الأمان

وغيرها من القوانين العامة والخاصة التي لا تخالف نصاً من كتاب الله أو من سنة رسول الله ؟

فكان جوابــــه:

يَحْرُم تجاوز السرعة إذا غلب على الظّن وُقوع الحوادث وتعريض الناس للخطر ، سواء كان ذلك

بسبب عدم معرفة السائق بأصول القيادة وطيشه ، أو كان لرادءة السيارة ، أو بعض أجزائها .
وكان الشيخ الألباني رحمه الله يُفتي بنحو ذلك .

والله تعالى أعلم .



المصــــــدر
http://al-ershaad.com/vb4/showthread.php?t=7176

[aooa]

انا السرعه عندي 120 داخل المدينه
و140 اذا مسافر


واحس ان 140 مريحة للسائق وللسياره
والله يعين الراكب


ودك ان اقصى سرعة عند المرور في الطرق السريعه 140 كان ما تشوف حوادث


لان 120 كتمه حرية من جد


واللي يتعداها قسيمه وما دام انه مخربها اذا تعدى الــ 120 ما تفرق لو وصل 200

[سيف المنايا]

انا والله اذا خط طويل 140 الى 150

بس فيه شايب من الشيبان يقول امش 110 احسن شى المسرع يسقط عليك والى يمشى شوى شوى تسقط عليه
ويصير الخط فاضى

[سعدالسعود]

عني ..
140 المتوسط والأغلب ..
وأحياناً أقول بالطلبون كل أبووووه خاصة إذا كنت لحالي ..
والله يكفينا الشر ..

[هواي الصين]

140 الى 160 ممتازة

بشرط ان الكفرات مهيب مكروفة والموتر نظيف

[جيبي جايزلي]

والله السرعه زينه بس اهم شي تصير مركز تمام
و120 في الخطوط السريعه احباط ان شاء الله يغيرونه لانه نظام وليس من الكتاب والسنه

[مخاوووي الليل]

اذا كنت لحالي 160
واذا كان معي احد من اهلي 120-140
لان السرعه والله مافيها خير

لو تمشي 200
وانا 160 او140 تبي تاصل قبلي بس والله الفرق مابين نصف ساعه او ثلث ساعه
مثلا تبي تروح للقصيم وانت في الرياض تبي تاصل في ساعتين ونص
وانا ثلاث ساعات والله مافيه فرق

شكر على طرح الموضوع محد يتعدى 140

[سسته]

بحكم خبرتي ... ان صاحب الموضوع فاااااااضي وماعنده شغل ...

وبعد كم يوم يبي ينزل موضوع ويقول ابي كهربائي يشبك سلك العداد ؟؟؟؟؟

[كاشت وحداني]

سرعتي 140 على الخط اذا معاي احد او ناويها تمشيه وكشته ولا وراي شغل .
اما اذا صار عندي شغله ومستعجل والا بروح صد رد
والله ان كاشف الرادار شغال وامن الطرق ما يشوف الا غبار بس .

[مجنون باترول4800]

بالنسبة لي في خطوط السفر 160او الى قطعت السيارة ام باليديرة اقصى سرعة100اكلونا بالمخلفات والله اني اعرف واحد مسدد ٤٠٠٠واكثر الشباب على 2000 الف الله يعين بس

[sameer_1798]

كنت أمشي بسرعات عاليه ,,,, ولكن الآن سرعتي بين 120 و 130
السبب : سيارتي لاندكروزر يعني رفيعة .... مرة كنت ماشي 120 و إنفجر علي الكفر الأمامي ... والحمدلله تحكمت بالسيارة إلى أن أخرجتها عن الخط بكل سهولة .
وبعدها عرفت أن آمن سرعة هي 120 ,,,, ولازلت عليها .

[Ababidoo]

أنا ممن يستمتعون بالسفر براً ... شاهي وعصير وسندويشات واتأمل الطبيعة التي خلقها الله ... ولولا خوفي من مضايقة ومشاكل الشاحنات الضخمة ، كان مشيت 60 الى 80 كيلو بالساعة وفي أقصى اليمين ....

[عبدالرحمن الحربي]

أذكر في ألمانيا

كنت مسافر بتكسي من مدينة رئيسية إلى قرية مجاوره لها

تبعد عنها حدود ١٢٠ كيلوا

كان سائق التكسي من النمسا

وجالسين نسولف طبعا نوع التكسي كان فياقرا موديل ٢٠٠٢ تقريبا

المهم كان طول الطريق داعس فينيي مانزل تحت ١٧٠ ك

شوى كان في دورية مراقبة للطريق واقفة جوار الطريق


لما شفتها أنا قبل نوصل توقعت إنه راح يخفف السرعه حتى نتجاوز الدورية

الرجال كمل على سرعته ولا كأنه شاف دورية

أنا نظرت في الطلبون لقيته ماشي فوق ١٦٠

الحقيقة أنني صعقت و قلت له :

كم حد مخالفة السرعه هنا في ألمانيا

فأجابني بجواب صعقني أكثر

قال لي ليس هناك حد للسرعه بين المدن في ألمانيا

قال هذي العباره وأنا أناظر عن يميني إذا أشوف بي إم دبليوا

وعلى يسارنا أووودي


وسيارتنا فياغرا

يعني كله شغل ألماني

قلت في نفسي الله لا يلوم المرور عندكم مايحط حد للسرعة

إذا السيارات اللي تمشي بشوارعكم كله ألماني

سلمني على الألماني بالخط ياشيخ

عموما أنا عن نفسي سرعتي المعتادة غالبا بنسبة ٩٥ ٪

١٦٠ ك

[~EmPeRor~]

بحكم خبرتي ... ان صاحب الموضوع فاااااااضي وماعنده شغل ...

وبعد كم يوم يبي ينزل موضوع ويقول ابي كهربائي يشبك سلك العداد ؟؟؟؟؟

ههههههههههههههه

[سليمان911]

وعليكم السلااااااااام ورحمة الله وبركاته

والله سرعتي 80

فلل التانكي وانسى توقف في محطه

[الربذي]

انا السرعه عندي 120 داخل المدينه

و140 اذا مسافر


واحس ان 140 مريحة للسائق وللسياره
والله يعين الراكب


ودك ان اقصى سرعة عند المرور في الطرق السريعه 140 كان ما تشوف حوادث


لان 120 كتمه حرية من جد



واللي يتعداها قسيمه وما دام انه مخربها اذا تعدى الــ 120 ما تفرق لو وصل 200



:good: :good: :good:

انا واعوذ بالله من كلمة انا
بالسفر140كم الى 145 وهي انها لاتثبت السرعة اكثر من 145 واعتقد انها سرعه مثاليه باخر درجات المثاليه اكثر تهور...

[شاقي القميري]

وعليكم السلام ورحمة الله
اخوي120 السرعه اللي تريحك وتريح موترك وتريح خويك إلا إذاكان معك ألماني شي ثاني 120 تبي تنام هههههههه160 حلوه

[روثان]

السلام عليكم..

إذا كنت بطريقي للمدينة والديرة الممشى يكون 120 إلى 130 لسبب خوفي من التيارات الهوائية بين الجبال

والسرعة شينه نعوذ بالله منها..

[بـدر]

من 120 الى 140 وما بينهما

العمر مش بعزأه


والحافظ الله

[رحال300]

انا على حسب السياره اذا جديده وامنه 180الى200
واذا على سياره الله بلخير 140 زينه
وانا افضل 160 مناسبه جدا لى الخطوط السريعه

[ابو الجواهر]

انا ارى ان السرعة من 140الى160 في المسافات الطويلة ممتازة طبعاً تكون مشيك على السيارة والله الحافظ على كل حال000000000

[سرا]

اولا انصح الاخوه جميعاوذلك من واقع تجربه ان السرعه اذاتجاوزت 120 كم يفقدالسايق السيطره على السياره لانعدام وزنها ثانيا يجب عندالسفرالتاكدمن الهوافي كفرات السيارات حتى ولوكان الكفرجديدفهومعرض للانفجاراوالسلخ اذاكان ناقص هواء ثالثا في حاله السفرايام الصيف تجنب السيرفتره بعدالظهرحتى الرابعه عصرا رابعا لاتنسى دعاء السفر وان تكون شبعان نوم والبطن يفظل ان يكون شبه فاضي حتى لا ينعس السايق ودمتم سالمين واجازه سعيده ان شاءالله:no2:

[ضبيبان]

اما انا معي gxr2008 امشي 240 على الطرق السريعه

[ابويارا1001]

يعتمد على نوع السيارة وحالتها؟؟

ووقت السفر ليل او نهار؟؟

صيف او شتا؟؟

عموما احلى ممشا عندي بين 130 الى 150

ومرات ما اتعدى ال100



ليه السرعة ما راح تفرق معاي في نهاية المشوار اكثر من نص ساعة

والمشكلة الواحد يجيك طاير مع الكتف وبعد نص ساعة تلقاه واقف بالمحطة يسولف مع اخوياه ويشتري لهم شريط من التسجيلات ؟؟؟؟

ما الومهم شباب الله يهديهم ويحفظهم

مرحلة وتعدي

[الحربي 89]

أنـــــــــــــــا نزلت موضوع بعنوان 110 أتمنى تشوفونه وتردون عليه

[قناص خلاوي]

جدول يوضح فرق الوقت مع السرعات المختلفة للإخوة محبي السرعة :)

http://www.yabdoo.com/users/476/gallery/1410_p67846.jpg

[ابوفهد2001]

140 - 150 الصراحه انه بالثمنيات, وان خربته 160بس فيه نوع من التهور خاصه ان صار موترك رفيع ولا هوب راسي

[أبوسليم]

أنا ممن يستمتعون بالسفر براً ... شاهي وعصير وسندويشات واتأمل الطبيعة التي خلقها الله ... ولولا خوفي من مضايقة ومشاكل الشاحنات الضخمة ، كان مشيت 60 الى 80 كيلو بالساعة وفي أقصى اليمين ....



سلملي عليك

[الرسيفر]

أنا من قوم 120 وإذا تهورت 140

[شنطة عده]

السلام عليكم
السرعه على حسب الظروف
ليل+ نهار+ طريق سريع +اتجاه واحد او اتجاهين
_________________
في داخل الرياض لا اتجاوز 90


الطريق السريع من 140 الى 160 على حسب كثافة الطريق ووضوح الرؤية


المسافة
اجعلها تتناسب طردياً مع سرعة السياره


http://www.waraqat.net/2008/07/speed_car.jpg

[شفر 10]

يعتمد على نوع السيارة وحالتها؟؟



ووقت السفر ليل او نهار؟؟


صيف او شتا؟؟


عموما احلى ممشا عندي بين 130 الى 150


ومرات ما اتعدى ال100




ليه السرعة ما راح تفرق معاي في نهاية المشوار اكثر من نص ساعة


والمشكلة الواحد يجيك طاير مع الكتف وبعد نص ساعة تلقاه واقف بالمحطة يسولف مع اخوياه ويشتري لهم شريط من التسجيلات ؟؟؟؟


ما الومهم شباب الله يهديهم ويحفظهم


مرحلة وتعدي



كلام في الصميم هذا الفايدة اللي ندور وراها

[شفر 10]

جدول يوضح فرق الوقت مع السرعات المختلفة للإخوة محبي السرعة :)

http://www.yabdoo.com/users/476/gallery/1410_p67846.jpg


هذه أكبر فائدة ورسالة للي يزايد علي بهدف الموضوع

[شفر 10]

الحمدلله تفاعل ما كنت اتوقعه

والأعضاء ما شاء الله يمغطونها فوق ال140

ترانيم الوداع
جزاء الشمري abo.a
VXR.2007
مرات عشقي
سيف المنايا
سعدالسعود
هواي الصين
مخاوووي الليل
بروف مشعاب
روثان رحال300
ابو الجواهر
ضبيبان
ابوفهد2001
شنطة عده

الله يحفظهم ويهديهم

اما الاعضاء اللي مثلي "دقة شياب"
راعي قصاف
جاسر2009
القناص
جبال الهملايا
مرات عشقي

aooa جيبي جايزلي
كاشت وحداني
مجنون باترول4800
sameer_1798
Ababidoo

سليمان911
الربذي
شاقي
القميري
بـدر
الرسيفر

وأخيرا أنبهكم يا اخوان بمعلومة بغاية الاهمية إن سرعتك انت وانت جالس بالسيارة نفس سرعة السيارة يعني لو تمشي السيارة 200 بتكون سرعتك 200 ولا قدر الله لو خرجت من السيارة لأي سبب راح تنقذف بسرعة 200 وهذا اللي يفسر اغلب اللي يموتون عند انقلاب السيارة

وايضا ادعوكم تجربون سرعة 110 الى 120 والله العظيم اذا وصلت مشوارك تحس براحة كبيرة

بخلاف اذا كنت ماشي فوق ال140 توصل وانت مشدود مرة مرة أنا صكيت طبلون تاهو والله إلى الآن ندمان لأنها هبقة شيطان
وانتم اصحاب تجارب

أحد أخواني انقلب مرتين والحمد لله الله سلمه لكن السبب السبب يا اخوان سرعته 160 ومهما كنت ماهر وطارة
بالسواقة ما تضمن المفاجأت

الله يحفظنا وإياكم من كل سوء ومكروه
ودعتكم الله

السلام عليكم

[شفر 10]

بحكم خبرتي ... ان صاحب الموضوع فاااااااضي وماعنده شغل ...

وبعد كم يوم يبي ينزل موضوع ويقول ابي كهربائي يشبك سلك العداد ؟؟؟؟؟
هههههههه

الله يبارك فيك

سلك العداد غيرته بنفسي 3 مرات وكل مرة يقطعه عصا الكلتش
وآخر شيء اتعبني وطنشته وأحس اني مرتاح كذا

"جرب وافصل سلك سيارتك":D

[مشتاق للمطر 2]

الموضوع فيه قوائم خضراء وحمراء أجل بطلنا عن التصويت هههههه (امزح معك) الحقيقه عن نفسي داخل الديرة من90_120 بالخطوط الطويله من140_180 والله يجيب العواقب سليمه * تحياتي

[شنطة عده]

اما انا معي gxr2008 امشي 240 على الطرق السريعه

ارحم نفسك يا خوي هـذا انتحار
واذا انت صامل بيع الجيب واشتر طياره :D

[شنطة عده]

انا ارى ان السرعة من 140الى160 في المسافات الطويلة ممتازة طبعاً تكون مشيك على السيارة والله الحافظ على كل حال000000000
صبحت بالخير(حسب توقيت شنطة عده) يا ابو الجواهر

[زايــ ابومحمد ــد]

انا السرعه عندي 120 الى 140

[Magellan]

سرعتي على الخطوط الطويلة غالبا 130 وتنزل إلى 120 يعني عادة 125 ومافي حكمها ...
وأعتقد تجاوز 140 تهور ...
أما من يتجاوز سرعة 160 فأدعو له بالهداية لأن من يتعدى هذه السرعة هم من المراهقين نسأل الله يكفينا شرهم أو يهديهم

[hightech]

حسب السياره وحالتها

إذا جديده 140 وبعض الاحيان توصل 160 وإذا حالتها نص 120 الى 130

وإذا دردعه مثل اللي عندي (مقاطع) من 80 الى 90

[دلوع الهوى]

هلا اخوى كيف الحال يا شباب افضل السرعة من 120 لين 160

[الضرغام11]

من ناحيتي أفضل سرعه في الخطوط الطويله من 140 الى 150 ولا بأس في تجاوزها عن الضروره..

وذلك يرجع حسب الجو -الوقت- الطريق..

[مربط القعاسي]

بسم الله الرحمن الرحيم
انا السرعه العاديه 160 معي احد ولامامعي احد
اما لحالي اصل 170 او 180
وفي حاله ان يكون معي احد ويقول هد اهدي الى 140 لا كن 120 او 110 احس مستحيلة وتجيب النوم