تبريد المكيف ياجماعه ضعيف:(

[الوافي99]

السلام عليكم

انا الماطور حق المكيف جاه سيل من 6 شهور تقريبا وبدا يطلع صوت من الرمان قلت للكهربائي غيرهن قام وغيرهن رمانه وحده الظاهر وعباه فريون اعتقد صيني المهم التبريد ماهو زي اول اقصد وكالته بالظهر تقل صحراوي :no: قمت اليوم ورحت لكهربائي وطلع الفريون السابق الصيني وحط امريكي انا قريت على الكرتون USA الدبه بكرتونه ماطلعه من غليه بحول الـ 500 ريال وراني فاتورته عبيناه لاكن ماش احس انه زي الاول يقول الكهربائي لانك واقف تبريده ضعيف انا ما افهم بالشغله ابي رايكم وخبراتكم يالذيابه :) لاهنتوا .

علما انه يقول الماطور لك عليه يمكن هو السبب مايدفع زين وانا ودي الف على الماصوره اللي عند القزوز بعازل يمكن من حرارت القزوز يحتر المكيف وانا ما ادري .

وشكر لكم

[Nasser-ahah]

وشي السيارة يمكن ترى فلتر المكيف

[واطي الجمرة]

ياخوفي يكون الصيني عمل عمايله وفات الأوان؟؟

[الوافي99]

ناصر الموتر باترول صالون 99 بخاخ

واطي الجمره الله يستر خوفتنا

[خشمً طيب]

و الله انا عندي نفس المشكلة في نفس الموتر 99 بخاخ
و تكفى اذا لقيت حل اكتبه بنفس ها الموضوع جعل و لديك للجنة

و اطلع على موضوعي هذا بعد يمكن نلقى حل

http://www.mekshat.com/vb/showthread.php?t=205382

[~EmPeRor~]

ياشباب
تاكد من مراوح الكهربائية حقت المكيف انها شغالة
بالتوفيق

[الوافي99]

ياشباب
تاكد من مراوح الكهربائية حقت المكيف انها شغالة
بالتوفيق
انا وحده طافيه فيها رجه شوي وفاصلها من 5 شهور وشبكتها اليوم واللحمد لله دورانها زين لاكن التبريد بكره الظهر نحكم عليه .

[راعي الطلعات]

والله انا مثلك باترول 99 فل بخاخ

وتبريده لك عليه اذا كان على رقم واحد لكن اذا حطيته على رقم ثنين ممتاز لكن البلاء اني لما اروح للاند كروزر رقم واحد بقوة رقم ثنين في الباتورل ولحس مخي هل اصلاً هذي قوة المكيف بالباترول

ومن ناحية الممشى اكيد لابد ان الموتر يمشي علشان يبرد علشان يتحرك الدينمو

ان شاءالله الشباب يحصلون لنا حل :)

[خشمً طيب]

نرفع الموضوع لعل و عسى

[سطام vip]

بسم الله الرحمن الرحيم

اخوي انا بتكلم بشكل عام ما راح اتكلم عن الباترول

انا معي سيارتين وخصوصا هاليومين احس تبرد المكيف لك عليه

فورد ماركيز معروف بقوه التكييف ما شاء الله بس في عز الظهر

احسه ما يبرد الكبد وترجع الامور للكثير من الاسباب اولها توقيف السياره

اذا انت تحط سيارتك تحت الشمس يبيلها فتره طويله على بال يبدا التبريد الفعلي

لان المواصير وموزعات الهواء تلاقيها حاره الله يكفينا الشر

وقبل امس نتناقش انا وواحد من الربع اقول له مكيف سيارتي مضيق صدري

اقصد السياره الباجيرو الثانيه قال لا يارجال حتى انا سيارتي مكيفها مدري وش فيه

وسيارته هوندا . الكل يشتكي

المهم انت شوف كفاءت التبريد العصر او المغرب اذا المكيف ثلج اعرف

ان المشكله من الحراره الزائده وضلل سيارتك

--------------------------------------

مشاكل التكييف تبدا بالكمبروسر اذا ضعيف ضغطه هذا اهم سبب في قل كفاءه التبريد

والفريون ونوعيته المواصير بعضها يكون مكشوف ويتعرض للحراره وحلها تركب له لباد

او عازل والافضل عندنا هنا انك تعزل جميع التمديدات البارد مراوح التبريد مهمه جداً

اكشف عليها عندك الله يسلمك بلف المكيف قبل القاروره يجب تغييره كل فتره

وعندك الله يسلمك فلتر المكيف اذا كان دفع الهواء ضعيف يجب تنظيفه

ومن رائيي لا تستعجل اشوف اغلب الاخوان يشتكون من التبريد وهذا من حراره الجو

الله يكفينا الشر

يمكن ما قدمت لك الحل المباشر بس ما ابي افتي في شي ما اعرفه

دمت بحفظ المولى