استخدام الجلب لرفع السيارة ( بك اب ) الإيجابيات والسلبيات ،، عطنا رايك

[أبو يوسف]

السلام عليكم ورحمة الله وبركاته

وبعد

لرفع السيارة ايجابيات عديدة

منها ان الموتر يطول ماغطس :p

ويفكك من ضرب الوجهية للأرض

وهناك طريقتين لرفع السيارة من الخلف

الاولى

بتفصيل ما يسمى باللعابات
وهذي سمعت انها خطرة عند انفجار الكفر او تسلخه
ففيها احتمال الانقلاب لاسمح الله


والطريقة الثانية

الجلب :good:

وهي سهلة التركيب والفك
ولا تأخذ وقتا

الا ان المشكلة عند المطبات الاصطناعية :(
لاحتمال سقوطها
وتطلع كأنك باكستاني محمل اسمنت :p

وتبقى طريقة الجلب انفع
ومن لديه طريقة لمسك الجلب عن السقوط يعطيناها
ولانستغني عن ارائكم

وسامحوني على الاسلوب المزدوج ( فصيح + عامي ) :rolleyes:



تحياتي


أبو هديل

[تبريزة]

اخوي ابو هديل


اولا احب ابين لك اني انا مركب لعابات وجلب في نفس الوقت

والحمدلله لم يحصل لي شيء مما ذكرت

طريقة تركيب الجلب

ارفع السيارة من اي جهه من الخلف بحيث انه مايكون هناك ضغط على السست المراد وضع الجلب فيها
اذا رفعت السيارة هات عتلة او صيخ ودخله بين السستتين اللي تبي تحط بينهم الجلب
وخل واحد معك يوقف على العتله على شان تنفتح السست وبعدين دخل الجلب
ولا هيب طايحات انشاءالله
الطريقة هذي مجربه للهايلكسات فقط
وماادري عن الانواع السيارات الثانية هل هي خطيرة عليها ولا لا؟

ودمتم
اخوكم
تبريزة

[أبو يوسف]

مشكور اخوي تبريزة


بس السؤال

ليش الثنتين ( جلب ولعابات )


ممكن تبين لنا الحكمة

ومشكور مرة ثانية

[أيمن]

وعليكم السلام ورحمة الله وبركاته ..

الله يعطيكم العافية جميعا ..
أخوي أبو هديل وش سبب خطورة اللعابات، أقصد وش السبب في أنها أقرب للانقلاب، هل بسببها بحد ذاتها أم بسبب ما تؤديه من رفع لخلفية الموتر وفي هذا تستوي مع كل طريقة لرفع خلفية الموتر .. أفدنا بارك الله فيك ..

هناك طريقة أخرى أميل إليها في رفع الموتر من الخلف لم تذكر ضمن الطرق وأجدها أفضلها وهي طريقة تقويس السست، فهناك من يقوم بتقويس السست لديك ويرفع لك الموتر بأي طول تريد ..

تحيتي

[أبو يوسف]

مشكور اخوي ومشرفنا ايمن على مرورك بالموضوع

أما خطر الانقلاب
والله يالغالي ما أدري
بس اتصور لأن الموتر مايكون راسي مثل حطت الوكالة


اما تقويس السست
فسمعت انها مع مرور الوقت تنعفط وتتكسر
ولا أدري عن هالكلام

عموما مشكور مرة ثانية على مرورك بالموضوع


تحياتي

[تبريزة]

اسف على التأخير اخواني


بالنسبة لسؤالك اخوي ابو هديل
عن سبب وضع اللعبات وجلب مع بعض
اولا بالشتاء اركب هنقلين وتوانك وعزبة واغراض واجد يعني السيارة اتزل من ورا غصب
حطيت هالاشياء على شان تكون اذا نزلت ماتنزل بزيادة

وبالنسبة اخوي ايمن لتقويس السست بصراحة قليل تلقى احد يوزنها
واذا لقيت راح تنفعك بالبداية بس راح يميل شاصي السيارة وهذي مجربه
ومع الوقت راح تطبع السسته يعني راح تكون ممدودة وراح تكون السيارة انزل من اول
وبعض الاحيان راح تنكسر السسته


الله يعطيكم العافية
وانا بالخدمة في اي وقت

اخوكم
تبريزة

[أبو يوسف]

مشكور اخوي تبريزة على التعقيب


وياهلا فيك



تحياتي