تربيط السيارة في ورشة النويصر بالرياض

[فتى الوادي]

السلام عليكم
أمس رحت لورشة النويصر ابغى اعمل تربيط للسيارة (لاند كروزر 2000 ) وقالوا لي بعد فحص السيارة انه لابد يفكون الطبلون لأن فيه كسر من داخل ...
المهم شوف الأسعار :
فك الطبلون ولحام الكسر مع تربيط الطبلون = 1600 ريال
يايات استرالية وتركيبها مع تلبيسها لي = 800 ريال
تربيط عام للسيارة البواب والأنوار والزجاج والتربيط السفلي = 1400
المجموع = 3800

ايش رأيكم في السعر ... مع ان سعرت عند ورشة ابن مرضاح فعطاني سعر أغلى بكثير ..


سأقوم قريبا بإدراج بعض الصور ..
لكن ما عرفت أرفع الصور على مكشات ؟ هل فيه مركز تحميل الصور ؟؟؟؟؟؟

[abo-lma]

السعر مبالغ فيه

وسلامتك

[abo.a]

وين يابو الشباب التربيط بخمس ميه ان كثرت

[طحنون]

بغض النظر عن اسم الورشه وعن سمعتها لان راح ينط عليك بعض الاوادم ويجلس يمدح الى اخره يااخوان المبلغ مرتفع جداجدا الى حد
يتعدى المعقول فيه ورش تربيط يشيك على السياره واي عطل رايح يعطيك شغل يده تغيير المساعدات بــ 80ريال للجيب اي كان

[WAW]

سعر خيالي جداً والمعقول مايتعدى الـ 500 ريال عن اطلق مربط

[شمس المغيب]

800ريال اذا سيارتك خرده وكل عرق يطق ولكن الاسعار هذا اكيد فيه اشياء غير اللى ذكرته بيزينهن والقطع عليه كلهن

[سيف الظفير]

تبي الحق السعر غالي ولكن الورشة تسعر بسمعتها واليايات الاسترالية عند الرماية مع التركيب اقلمن سعرهم

[الساهر2003]

والله وانا اخوك السعر غويلي شوي ,, والرجال يحق له على السمعه اللي انتشرت عنه ..

لكن اذكر واحد من الربع راح له بجيب باترول وقال له بحدود 1700 .. وبعدها راح لورشه اخرى وعلى ما اظن ان اسمها السبيعي او حول هالاسم وربطه كامل بحدود 700 ريال ,, فأنت رح وشف وافدنا بالجديد ..لان عندنا لاند 99 وودنا بتربيطه ..

واسف على الاطاله ,,

[فتى الوادي]

قضى الله وما شاء فعل ...

ربطناها عند النويصر وأخذ 3728 ريال .. مع قطع غيار بقيمة 700 ريال . وبدون اليايات الأسترالية .

حتى السليكون حاسبه علي ! والأسفنج !
الحقيقة السعر غالي جدا لكن وش اسوي بكم يا أعضاء المنتدى .. تمدحون النويصر وشغله حتى وصل سطح القمر ... قلنا واحد يمدحونه الربع هنا اخير من عشرة ما ندري عنهم .
الحقيقة شغلهم تمام جدا والسيارة ماشاء الله تبارك الله مركبها كأنها جديدة ماعاد اسمع لا طقطة ولا شخشخة ولا صرصرة ...
مع اني وجدت تربيط بـ 250 ريال في الصناعية لكن ما اعرف عنهم شيء !
والفلوس معوضة إن شاء الله واهم شيء سيارتي سيارتي وصليني ديرتي ...

قريبا غن شاء الله بعض الصور ...
شكرا للجميع على الردود والمشاركة ..

[فتى الوادي]

بعض الصور :





http://www.mekshat.com/pix/upload03/images116/mk213_motn1.jpg


http://www.mekshat.com/pix/upload03/images116/mk213_motn2.jpg

[atamami]

فتي الوادي ..
الله يعيك العافية على هذاالموضوع ..
وصراحه لي مدة وانا جالس ابحث عن ورشة تربيط ممتازة ..

تحياتي

[بريق الغظار]

السلام عليكم أخواني
تعقيبا على ما تفظلتو
فأنا متعامل مع ورشة النويصر من عشرين سنه ولا أمدحهم ولا أذمهم ولاكن صارو مثل أبن مرضاح
يصلخك وما يسمي عليك وعلى قولة رجال لقيته في ورشة النويصر وانا بالصدفه اسعر عن شغله معينه
يقول :
وين تفوت ان رحت لأبن مرضاح رظح راسك وأن جيت للنويصر تنصر عليك.
يعني يا أخوان كلهم في الهواء سواء والشغل الي يسونه ما يستاهل الأسعار الي ياخذونها يعني الدعوه نصب في نصب.حسبنا الله عليهم وعلى غيرهم .
يا أخوان قد يكون كلامي قاسي شوي بس والله ماقلت الا الصدق.
شف المواد الي يستخدمون وتعرف ان ما عندك أحد أجل ليات مكيفات ولا ليات مويه المتر بريال يحسبه عليك بذيك العده...........ليش؟؟؟؟؟؟
لو كانو يستخدمون مواد مستورده من برى تكون مخصصه لترهيم او تضمين او تربيط السيارات كان قلنا لهم حق بس ليان وقطع ألمونيوم ولا سفنج مخاد.......:no2: معليش.
تقبلو تحياتي :rolleyes:

[رحال7]

السلام عليكم أخواني
تعقيبا على ما تفظلتو
فأنا متعامل مع ورشة النويصر من عشرين سنه ولا أمدحهم ولا أذمهم ولاكن صارو مثل أبن مرضاح
يصلخك وما يسمي عليك وعلى قولة رجال لقيته في ورشة النويصر وانا بالصدفه اسعر عن شغله معينه
يقول :
وين تفوت ان رحت لأبن مرضاح رظح راسك وأن جيت للنويصر تنصر عليك.
يعني يا أخوان كلهم في الهواء سواء والشغل الي يسونه ما يستاهل الأسعار الي ياخذونها يعني الدعوه نصب في نصب.حسبنا الله عليهم وعلى غيرهم .
يا أخوان قد يكون كلامي قاسي شوي بس والله ماقلت الا الصدق.
شف المواد الي يستخدمون وتعرف ان ما عندك أحد أجل ليات مكيفات ولا ليات مويه المتر بريال يحسبه عليك بذيك العده...........ليش؟؟؟؟؟؟
لو كانو يستخدمون مواد مستورده من برى تكون مخصصه لترهيم او تضمين او تربيط السيارات كان قلنا لهم حق بس ليان وقطع ألمونيوم ولا سفنج مخاد.......:no2: معليش.
تقبلو تحياتي :rolleyes:


كما ذكر احد الاخوان.اذا الموتر منتهى..يمكن نفكر بدفع هالمبالغ
اما 99% من المواتر فتربيطها بهذا الشكل هو نفسى! وا حساس بالتغيير!
اذا فيه اصوات فى الموتر فتتبعها وعالجها ولا تضيع وقتك!

[صقار شياهين]

اللي عنده مشكلة في موتره كما قالو الاخوان يتتبعها الين يحصلها ولو يغير عشر قطع غيرها صدقوني لن يدفع زي مايخذ النويصر والثاني

[فتى الوادي]

بعض الصور :


http://www.mekshat.com/pix/upload03/images116/mk213_mot3.jpg

http://www.mekshat.com/pix/upload03/images116/mk213_mot4.jpg

[التعـ King ـديل]

النويصر انا ماجربته بس ممكن يكون غالي زي ماتفضلو الاخوان ... بس السعر يحكمه الشغل قبل كل شي

الرمايه يركب لك طقم يايات استرالي ب 1400 ريال منها 1100 قيمه اليايات امامي خلفي

وسعر اليايات 1100 للطقم يعني 300 ريال شغل يد بس تركب الياي ولا تسمع له صوت ولا اي مشكله

انا مركبها على موتري ومجربها بينما سبق وان شريتها منهم على موتر ثاني وركبتها ب 100 ريال للطقم

والله ياجماعه الخير اني ثلاث ايام رايح جاي على الورشه مره ماربطو المساعد مره الموتر يحذف

لكن اذا النويصر يشتغل شغل صح وغالي بسعره انا اشوف ان ابدى ماعليك موترك قبل كل شي

لكن بن مرضاح اعرفه زين ماعنده ماعند جدتي قصقص الناس وقصقص مواترهم وبس ولا هو من زين شغله

[قطب 999]

السعر مبالغ فيه اكثر من 500 يعتبر ضحك على الدقون

[محمد الشمروخي]

نصب في نصب 4يايات تركب ب 80 ريال بدون اي صوت عندي له سنه استرالي
والتربيط 200 وتجيب الجلب بدل الخربانه من 50 الى 600 تحتي الموتر

[صلفان.نجد]

نصب في نصب 4يايات تركب ب 80 ريال بدون اي صوت عندي له سنه استرالي
والتربيط 200 وتجيب الجلب بدل الخربانه من 50 الى 600 تحتي الموتر

الله يهديك لا تقول هالكلام ويشوفونه انصار( الحرامي) ويقولون انك ظالمه ولا احد غصبك عليه!
لان المفروض عندهم خله يلعب عليك وانت ساكت!!!!!!!!!!
عجبي!!!!!!!!!!

[الشنه]

اسمع مني اليايات الطقم ان كثرت 150 ريال حق التركيب
و لا تنسى اليايات الخلفيه فيها واحد اطول من الثاني
اذا موترك لاند كروزر الطويل يركب في اليمين
ومن دون لي ما له داعي


التربيط رح لورشه تربيط عاملها فلبيني دور لين تتعب
في الرياض 60 منطقه صناعيه
لا تربط عند بنقالي او يماني
اذا اتفقت مع الفلبيني وحقه من 700/800
قله ابعطيك 1000 ريال بشرط دبل الصواميل وحط صواميل نوعيه ممتازه مب صيني
ويحط وردات مفتوحه ( تجي فيه فتحه علشان ما تنحل الصاموله) ويحط لك ربل بين البدي والشاص


يمكن تكلفك الشغله 1300/1500 ريال
اهم شي لا يقرب موترك الا فلبيني او تايلندي
وموفق ان شاء الله

[العرمه]

مريت ابن مرضاح منذ مبطي ابي ارهم بطارية طلب 1000 الف ريال كاملة مكملة ما تخر ولا هلله


وجميع القطع علي هذا بس حق شغل يده مالت عليه قلت له خلاص مرني في المكتب وقدم معروضك وان شاء الله ما يصير الا كل خير وهونت كلش ما عاد ابي ارهم بطارية

[الشمطري]

اسعار خرافيـــــــــــــــــــــــــــــــــــــــــة

[.أبوعبدالرحمن]

شكل سكاريبهم ذهب!!!

[كبسولة2]

الله يالدنيا التربيط كنا نسويه أيام الجمسات الحوض 82 والكابرسات

والدداسن والقرانديات والكرسيدات نشتريها وندخلها الحوش عندنا

ونفكفكها قطعه قطعة ونربطها ونضمنها

هناك نوعين تربيط أي شد المسامير المرتخية

وتضمين ندبل الصواميل ونضع قطعة بلاستيك كفرات نقطعها صغاار دائرية ومربعات

ونضعها بين الحديدة والصامولة حتى مايطلع صوت زطزطة

الشغلة بسيطة جداً جداً يبيلها مفكات وعدة فقط أي واحد يسويها

[فتى الوادي]

مع مرور الأيام ... أتضح لي : أن تربيطهم خرطي في خرطي !
الليات اللي ركبوها في جلب الأبواب سببت صرصرة في الأبواب .. وشلتها وراح الصوت .
الصوت اللي حول الكفرات خلف طلع ما هو من التربيط طلع فحمات !
يعني وحتى ما اظلمهم افضل شيء هو تدعيم الصدامات والشمعات .
وهذا يقدر اي واحد يسويها .

[سهم قيادي]

مع مرور الأيام ... أتضح لي : أن تربيطهم خرطي في خرطي !
الليات اللي ركبوها في جلب الأبواب سببت صرصرة في الأبواب .. وشلتها وراح الصوت .
الصوت اللي حول الكفرات خلف طلع ما هو من التربيط طلع فحمات !
يعني وحتى ما اظلمهم افضل شيء هو تدعيم الصدامات والشمعات .
وهذا يقدر اي واحد يسويها .

والله اهوجس بهم ذا الايام مع بدء الصيف والسفر لكن الحمد الله اني شفت موضوعك :eek:

[بيت الحصير1]

السلام عليكم يااخوان
فعلا النويصر غالي جدا هناك ورشة العتيبي جيدة انا ربطة عندهم موتري لاندكروزر لاسفل السيارة ومن الخلف وشغله جيد ودبلي ربلات القواعد اللي مع بدي السيارة مع التربيط وتظمين الصدام الخلفي بسعر 400 ريال الكلام هذا قبل تقريبا 8 اشهر
الموقع بعد الاشارة اللي عند زجاج السالم وجهك شمال يجيك بنك الراجحي يمين لف بعده مباشره يمين يجيك تقاطع لف يسار بعد تقريبا 300متر تجيك على اليمين ولهم مدخل خاص يعني كأنه حوش
طبعا رأي شخص واحد قد لايكفي ارجوا السؤال عنها قبل الذهاب علشان ماتدعون علي -ههههههههههههههه
ولكم تحياتي

[محب الفتك]

من خلال تجربة الربلات والاسفنج على الأبواب ، عند النويصر النصاب ، لم أجد فرقًا مع غلاء السعر ، وإن عاب كلامي من عاب .

[أبن ثعلي]

أخـواني بارك الله فيكم


انا معا اعرف شي عنه هالورشه الي تتكلمون عنها ولاكن ممكن افيدكم وادلكم على ورشه ارتحت لها


ونصحوني بها كثييير سويت تربيط عام بـ 700 ريال والقطع بـ 1000 ريال في ورشة مشعل العتيبي في الصناعية القديمه
ن
كان في السياره اصوات فالبدي ومن الحوض لاكن ماقصروا أبدعو اينما ابداع بعت السياره بعد سنه ما شاء الله عليها الي شراها اثنى عليها الله يبارك له فيها


طبعاً القطع بالفواتير وفيه اشياء اضفتها من عندي من القطع واضافات وهي الي وصلت سعر القطع الى الف ريال


بالتوفيق للجميع

[فتى الرفيعه]

السعرمبالغ فيه (غالي جداً وان كان الشغل نظيف)

[abo_azooz]

باخوان فيه ورشة بالكويت اسمهما ورشة السوري يربطون الاند ب200 دينار لاكن تربيط صح يرجع الموتر وكاله وضمان 3 سنوات اي صوت ترجع فلوسك
فيه واحد من الشباب معه باترول 92 ربط عندهم ماشاء الله الموتر وكالة
على العموم هذا رقم صاحب الورشه اللي يبي يستفسر 0096599215280

[شلشكو2011]

السلام عليكم ورحمه الله وبركاته
[B]قريت ردود الاخوان وتعجبت من بعضهم وقوله (( غالي ))
طيب والله اوافقكم الراي انه غالي بس هل هناك افضل او على الاقل بنفس الجوده بالشغل من النويصر
دلونا لا احد يقول 200 ريال او 300 ريال حدد اسم الورشه وهل جربتها ؟؟
يااخوان انا موتري سفاري 96 لا مشيت اسمع اصوات القرقعه من كل جهه اذا على الفلوس الله يعوض والاخوان اللي جربوا النويصر يمدحونها جداًاً وقريت هالكلام بكذا منتدى :good:
ادري كثير من الاخوان ماراح يعجبه كلامي !!:mad:
وانا مع كلام احد الاخوان (( نحن )) من جعل النويصر غالي الاسعار بالمدح بمنتدانا العزيز مكشات وغيره الكثير ؟؟
الخلاصه الله يعين بدفع الفلوس والله يعوضني .. والله لايحللهم اذا فيه تلاعب بقطع الغيار
واخيرا ..
تقبلوا مروري

[جمره]

اللهم من ولي شي من امور المسلمين فشد عليهم اللهم فاشدد عليه
ومن رفق بهم اللهم فارفق به

[ديفون]

يمكن السعر على حسب الموتر : لكن السعر جدا باهض