غيرت البواجي وياليتني ما غيرته سؤال للخبراء تكفون الإجابة ضروري

[بـــدون نـــك]

السلام عليكم ورحمة الله وبركاته

اخواني الكرام

اول مره اضع مشاركه هنا

وبالأصح اول مره ادخل هالقسم

خلينا نجرب

لي ثلاث أيام وانا محتاس مره

عندي سيارة نيسان (سني ) 2001 كانت تفتف معي شوي

فقلت خليني اضيف مع البنزين مادة اللي هي تشيل الأوساخ مثل ماقال ولد عمي اللي مسوي فيها خبير (البنزين نوعه 95)

موجوده هالمادة في اكثر المحطات لكن مشكلتي عليمي ما اعرف حتى اسمها

المهم قدر الله بعدها بساعة وأغير البواجي

<< فلوسه زايده :eek:

وبعد ماغيرت البواجي ما شفت الخير

السيارة صارة تفتف بشكل مو طبيعي

متى تفتف ؟؟

شوفو الصوره معي

http://www.gulf4cars.com/vb/attachment.php?attachmentid=14075&stc=1&d=1183921571

طبعأ الصوره منقوله

هذي صورة عداد الضغط

لاحظو معي

لما ادعس بالسيارة ويوصل الإنبير لـ رقم 2 ونـصـف تبداء تفتف وتقطع

وما اشوف السيارة الا ترقص مع الخط

لازم اغير نمره عشان تنزل تحت 2 ونصف

رحت اليوم وغيرت صفاية البنزين قلت يمكن منها

غيرت الصفاية ونفس الوضع ما تغير شيء ؟؟

تكفووووووووووووووووووووووون اللي يعرف الحل لا يبخل علينا

[عاشق وسم]

السلام عليكم أخوي

هل السيارة ما تتعدى سرعتها 90 أو 100 ؟؟
أنا صارت لي من قبل نفس موترك وصارت المشكلة (( تنضيف بخاخات )) طبعاً زي ما قلت لك الموتر ما يتعدى 90 ابد ..
والنمر صارت قصيرة لازم أغير على طول ..
نضفت البخاخات بـ 150 ريال على ما أعتقد وزبط ولله الحمد
. رد علينا باللي يصير معك .
الله يسهل أمرك يارب ..

[الثائر]

هل البواجي مطابقة لبواجي الوكالة ؟
لاحظ رقم البوجي القديم تجده مسجل على الكرتون... هل هو متطابق مع رقم البوجي الجديد؟

[مهوس صيد]

ممكن الي غير البواجي قطع سلك من اسلك البواجي لنها صارت معي شي انت افصل سلك وامشي لين ما تعرف اي سلك

[shaheenshah]

اذا كانت البواجي نفس بواجي الوكالة شيك على اسلاك البواجي يمكن فيها واحد ما انشبك زين والا ان السلك منمصع يبي له تغيير

[بـــدون نـــك]

السلام عليكم أخوي

هل السيارة ما تتعدى سرعتها 90 أو 100 ؟؟
أنا صارت لي من قبل نفس موترك وصارت المشكلة (( تنضيف بخاخات )) طبعاً زي ما قلت لك الموتر ما يتعدى 90 ابد ..
والنمر صارت قصيرة لازم أغير على طول ..
نضفت البخاخات بـ 150 ريال على ما أعتقد وزبط ولله الحمد
. رد علينا باللي يصير معك .
الله يسهل أمرك يارب ..



وعليكم السلام

خيو والله ما ادري هل البخاخات نفس الصفاية وإلا لا ؟؟

المهم انا غيرت الصفاية حقت البنزين كامله

المشكله عندي ماهي قصة انها ما تتعدى 90 أو 100 وهي اكيد ما تتعدى هالرقم عندي

لكن المشكله مثل ماقلت اشوفه بالضغط

يعني كل ما أتعدى 2 ونصف السيارة تبدأ ترقص وتطرب كأني مشغل شريط غربي

ياليت اعرف هل البخاخات نفس الصفاية ؟؟

انا غيرت الصفاية هل تكفي عن البخاخات وإلا لازم انظف الخاخات ؟

[بـــدون نـــك]

هل البواجي مطابقة لبواجي الوكالة ؟
لاحظ رقم البوجي القديم تجده مسجل على الكرتون... هل هو متطابق مع رقم البوجي الجديد؟

اخوي انا قلت ان هذي المشكله حلو ...

رجعت لصاحب الورشه وقلتله اسمع صديق رد البواجي حقتي القديمه

وردها لي ونفس الشيء ما كأنك يا بو زيد غزيت :(

[بـــدون نـــك]

ممكن الي غير البواجي قطع سلك من اسلك البواجي لنها صارت معي شي انت افصل سلك وامشي لين ما تعرف اي سلك

اخوي مهوس صيد
ياليتك موجود قريب

انا اخاف امسك سلك بالسيارة ما اعرف شي بالسيارة نهائياً

تبيني اشيل سلك وأركب سلك ؟


انا شاااااااك 90 في المية ان الشغلة من البواجي لأن السيارة ماكان فيها شيء لين غيرت البواجي عند أبو هنيد

وشاك 95 أنه مو مركب سلك صح أو قاطع سلك

بس كيف اعرف هنا المشكله

[بـــدون نـــك]

اذا كانت البواجي نفس بواجي الوكالة شيك على اسلاك البواجي يمكن فيها واحد ما انشبك زين والا ان السلك منمصع يبي له تغيير

حبيب ألبي شاهِ شانشاه (ملك الملوك) بلغة هالفرس

كيف اعرف انمصاع هالسلك ؟؟

[شفر 10]

اسمع أخوي المشكلة ماهي من البواجي ولا يحزنون

المشكلة من البلية هالبخاخ اللي يضحكون على العالم فيه والبنقالية شغالين بيع

البخاخ هذا يشيل الوساخة اللي بالتانكي وتعلق بالبخاخات أو الكربوريتر حسب موديل السيارة

خذ العلم مني وإن شاء الله راح تدعي لي

ودها ورشة ممتازة وقله ينظف البخاخات وأهم شيء تكون ورشة ممتازة واعتقد فيه جهاز عندهم للتنظيف
وقلهم يتأكدون من ترتيب أسلاك البواجي
وأنا مستعد أعطيك حق التنظيف اذا ما صلحت السيارة بعد التنظيف

[بـــدون نـــك]

اسمع أخوي المشكلة ماهي من البواجي ولا يحزنون

المشكلة من البلية هالبخاخ اللي يضحكون على العالم فيه والبنقالية شغالين بيع

البخاخ هذا يشيل الوساخة اللي بالتانكي وتعلق بالبخاخات أو الكربوريتر حسب موديل السيارة

خذ العلم مني وإن شاء الله راح تدعي لي

ودها ورشة ممتازة وقله ينظف البخاخات وأهم شيء تكون ورشة ممتازة واعتقد فيه جهاز عندهم للتنظيف
وقلهم يتأكدون من ترتيب أسلاك البواجي
وأنا مستعد أعطيك حق التنظيف اذا ما صلحت السيارة بعد التنظيف


بيض الله وجهك يالشفر

كتبت انا فوق في رد احد الاخوه هل الصفاية هي نفسها البخاخات ؟

لكن شكلها ماهي نفسها

انا بكره بروح واشوف هالبخاخات والله يكون بالعون

وانتظررررررركم هوووون لا احد يفر يسار أو يمين :no2:

[abo.a]

اسمع كلام الاخوان ونظف البخاخات

[ابوحماد]

اول شي تاكد من البواجي يمكن يكون واحد منهم سقط من الكهربائي على الارض وطاح على راس البوجي او واحد منهم غير مربوط صح على السنه

[شمالات نجد]

من واقع تجربة شيك على منظم الهوا و(اللي) الموصل له

شيك على الكويلات وأفياشها وصواميلها


معي سابقاً نفس السيارة ونفس الموديل

بالنسبة لتنظيف البخاخ استخدمت السيارة 7 سنوات وما نظفته والآن السيارة صار لها سنتين مع أحد الأقارب ولم يتم عمل تنظيف بخاخ (مجموع 9 سنوات تقريباً)

وفقك الله والجميع

سلام

[صوت الجزر]

اول شي تاكد من البواجي يمكن يكون واحد منهم سقط من الكهربائي على الارض وطاح على راس البوجي او واحد منهم غير مربوط صح على السنه :good: :good: :good: :good:

[الهوى جنوبي]

تأكد طال عمرك من اسلاك البواجي لا يكون توصليلها للكهرب ضعيف لأنها حصلت معي نفس المشكله وطلع البلا من اسلاك البواجي
الله يعينك وتحياتي للجميع

[مطر جدة]

السلام عليكم ..

اخوي .. ابيك تطبيق هالطريقة ..

انت وقف السيارة .. (لا تعشيق ) وادعس بنزين .. هل المشكله نفسها بعد ما يتعدى رقم الار بي ام ( ضغط الهواء ) سرعة 2.5 .. ..

وابيك تروح عند الشكمان وشم اذا كان في ريحه بنزين ولا لاء ... اذا كان في ريحه بنزين اذاً عندك ريحه بنزين يعني انه في سلك من اسلاك البواجي مفصول او مقطوع .. وإذا مافي ريحه بنزين نروح لـ الاحتمال الثاني وهو امسح باصباع يدك على فتحة الشكمان وناظر اصباعك .. ( انتبه من حرارة الشكمان ) اذا كان لونه اسود مرره يعني السيارة مكربنه ويبغى لها تنظيف بخاخ ..

هذا اللي اقدر افيدك فيه .. والله أعلم

[صلفيق]

السلام عليكم ورحمة الله وبركاته
اخوي ولا يوهنون الاخوان خذها قاعده عندك من تجربتي اذا السياره تقطع من اول ما تمشي و تاقف اذا ارتفع الضغط المكينه هذي كهرباء يعني شيك علي البواجي البليتين الفيوز يعني كهرب
واذا كانت تقطع علطول ما تاقف ولا العكس اذا ارتفع الضغط المكينه تقطع هذا بنزين شيك علي البخاخات او الصفايه او التانكي
واتوقع مشكلتك في البانزين يعني شيك علي البخاخ او الصفايه او التانكي

والله يعينك انشالله

[الدربشي]

أخوي على حسب خبرتي انو هذي المشكله لها اسباب :
1- قد يكون السبب من المادة الي اضفتها مع البنزين وسببت لك المشكة ووسخت البخاخ بعد ان اخذت الاوساخ من التانكي ونقلتها الى الصفاية والبخاخ والحل ان تنضف البخاخ ( تغسله )
2 _ قد تكون المشكلة من اسلاك البواجي والي ركبها لك ركبها غلط يعني لازم يركبها صح وهذه هي المشكلة المتوقعه 95 % .

[ابو خالد 1992]

اخوي الشباب ما قصرو وابدا وحدة وحدة وعند واحد ثقة ((( ثقة )))
1 - شيك على راس البوجي 2 - اسلاك البواجي 3- ترتيب اسلام البواجي 4 - نوع البواجي يفرق البخاخ عن الكلبليتر 5 - الكويلات ((( وهذا اكبر احتمال حصلت معي ))) 6 - الصفاي
ويمكن معبي من محطة تخلط البنزين مع مواد اخرى , او الخزان حق المحطة على وشك الانتهاء وشال الوسخ للتناكي وقفل البخاخات

[algreeb]

الله يعطيك العافية

انا عندي صني غيرت البواجي وبعد ما غيرتها صارت تطفي على السيارة لكن صرت استخدمها وهي كذا والان ذهبت المشكلة لوحدها انت اصبر يومين ثلاثة وشف كيف بيصير معك

والله يعينك

[بـــدون نـــك]

أبشركم حبايبي حليت المشكله

المشكله كانت في سلك لقيته مقطوع

وهو سلك دعس البنزين

أحب اقولكم بيض الله وجهكم

وربي ماقصرتم

ما اتوقعت هالردود

والله اني ما اعرف مكشات الا قسم الأمطار والطقس

ولا عمري دخلت غيرها

ابشركم من الحين اللي عنده اي مشكلة ان شالله اقدر اجاوبه

مشكلتي ما عندي خبرة بالسيارات ههههههههه

ما عليكم الحمدلله عندي خبرة كبيرة جداً في المواقع وتصميمها وتركيبها وحمايتها

يعني شي افضل من لاشيء

ربي يعطيكم الف الف عافية

[شمالات نجد]

الحمد لله

وحنا أخوان

وألف مبروك رجوع السيارة

سلام