استفسار يااخوانى اهل الخبرة عن الشروكى

[اابو سعد]

يااخوان انا ناوي اشتري جيب شروكى موديل 2001ومتخوف اللى جرب الجيب يعطيني راية من ناحية التحمل والخرابات والحرارة

[سهيل تميم]

انا استعملت اكثر من شروكي الموتر سافرت عليه من الرياض للشمال والساحل الغربي
وقطعت به خط الرياض القصيم وطلعت عليه الجنوب الصيف الي راح..

الموتر ماعليه خلاف..اعطال بسيطه تسير باي سياره..

ماواجهت اي مشاكل بالحراره ولا بالدفرنس .القير كان يهرب صوف وصلحته ..

يمكن الي اكثر من مره غيرته ولا اسافر الا وهو معي ((الصليب)) خرب علي خلال السنه هذي 3 مرات..

اهم شي ابعد عن الجراند شروكي ..وتأكد ان قطعه موجوده بالمدينه الي انت به

ودور الشروكي النضيف

[شروكي ربع]

اذا رزقت بالنظيف فلن تغير فيه الا الزيت و البنزين تزيده فقط .

لكن دور النظيف , القطع الاستهلاكية رخيصة ومعقولة ..

والقطع الاخرى اذا كان الاصلي غالي عندك الامريكي مقارب جدا للجودة وبنصف السعر و تأتي بعده عدة صناعات اخرى ..

وايضا التشليح موجود وبكثرة المستورد ..

أبد اشتر و بتدعي لي

[هايبر]

اذا مقر إقامتك في حائل ما انصحك فيه لو كنت في القصيم او الرياض قلت لك توكل على الله .بحكم قيمة السياره اقل بكثير من الجيوب الاخرى لها ضريبه وهي ان السياره اقل جوده مقارنه مع تيوتا او نيسان و تعتبر خراباتها اكثر منهم و الورش المتخصصه قليله. اكثر اماكن متمكنين من اعطال الشيروكي الرياض و القصيم و هذا سبب كلامي في بداية الرد .بشكل عام السياره عزمها قوي و لايقارن في اي جيب اخر سواءا تيوتا او نيسان و مريح اكثر من غيره و قطع غياره رخيصه مقارنه بالجيوب الاخرى ولكن يعيبه كثرة اعطاله مقارنه بغيرها.بالنسبه للحراره حلها مقدور عليه و متوفر في القصيم و الرياض.
هذا مجرد راي شخصي من واقع تجربه للسياره