عندي مشكله لو سمحتم عطوني حل

[قلبي بريده]

السلام عليكم ورحمة الله وبركاته

أعضاء مكشات المحترمين

تحيه طيبه كل واحد باسمه

عندي صوفة الدفرنس تهرب زيت وغيرتها يمكن اربع مرات ولا فاد تهرب مره ثانيه وش الحل ياجماعه

الموتر جيب جكسار ثمان وتسعين

ردوا الله لا يهينكم

[قلبي بريده]

الأعضاء الكرام

أرجو ان تبينوا لي اسباب تهريب صوفة الدفرنس غيرتها اربع مرات وتهرب الله لا يهينكم

[الدوسري دت كم]

غريبه تسئل وانت من أهل بريده اوشي السلام عليكم ثاني شي انت من عيال جيراننا حنا من الشماسيه.
أسمع ثاني شي الصوفه الي تهرب عندك وين مكانه بالضبط يعني الدفرنس الخلفي ولاالا مامي ؟
ثالث شي الجنوط عندك وشي اصليه ولالا والكفرات وشي بعد ترا كل هذولي لهن دخل ردعلي

[ابوسعودد]

ميه ميه عندك انحراف بسيط في العكس من صدمه او ضربه قويه جايه الموتر من طعس او عقم او ماشابه ومادام تقول ( قلبي بريده ) يعني انك من بريده مر على محمد الصمعاني في التشليح وراح تلاقي عنده الحل .

[راعي المجهم]

أخوي الكريم تهريب صوفة الدفرنس بسبب عدم تركيبها بالطريقة الصحيحة

يبيلها مكيانيكي فاهم وتركب كبس

أغلب الميكانيكية يركبونها بالدق بالشاكوش حتى تركب وتهرب بعد فترة وتخرب

تركيبها الصحيح يكون بزرقينة معينة تكبس الصوفة مع جميع الجهات في وقت واحد

[قلبي بريده]

غريبه تسئل وانت من أهل بريده اوشي السلام عليكم ثاني شي انت من عيال جيراننا حنا من الشماسيه.
أسمع ثاني شي الصوفه الي تهرب عندك وين مكانه بالضبط يعني الدفرنس الخلفي ولاالا مامي ؟
ثالث شي الجنوط عندك وشي اصليه ولالا والكفرات وشي بعد ترا كل هذولي لهن دخل ردعلي


الدوسري دت كم

ألف شكر لك ياغالي على تجاوبك الكريم والله والنعم بجيرانا اهل الشماسيه

الصوفه قدام يمين هن ثنتين

الجنوط جنوط زينه والكفرات دنلوب

تحياتي لك

[قلبي بريده]

ميه ميه عندك انحراف بسيط في العكس من صدمه او ضربه قويه جايه الموتر من طعس او عقم او ماشابه ومادام تقول ( قلبي بريده ) يعني انك من بريده مر على محمد الصمعاني في التشليح وراح تلاقي عنده الحل .



ابو سعودد

الف شكر لك يابو سعود على اطلالتك المفيده والمشرفه بنفس الوقت

الله لا يهينك نبهتنا على اشياء ما نعرفها الله يجزاك خير اخي

وشكراً على النصيحه والله لايهينك

تقبل مني اطيب تحيه

[قلبي بريده]

أخوي الكريم تهريب صوفة الدفرنس بسبب عدم تركيبها بالطريقة الصحيحة

يبيلها مكيانيكي فاهم وتركب كبس

أغلب الميكانيكية يركبونها بالدق بالشاكوش حتى تركب وتهرب بعد فترة وتخرب

تركيبها الصحيح يكون بزرقينة معينة تكبس الصوفة مع جميع الجهات في وقت واحد



راعي المجهم ( والله والنعم )

كلماتك ذهب وكلها خبره وإن شاء الله هي اللي تبي تصيب

الله لا يهينك اخوي راع المجهم على إفادتك لي من غير قصور بباقي الاحباب اللي ردوا على تساؤلي

الله يرضى ويوفقك ومشكور للمره الألف وتسلم ياغالي

[راعي المجهم]

راعي المجهم ( والله والنعم )

كلماتك ذهب وكلها خبره وإن شاء الله هي اللي تبي تصيب

الله لا يهينك اخوي راع المجهم على إفادتك لي من غير قصور بباقي الاحباب اللي ردوا على تساؤلي

الله يرضى ويوفقك ومشكور للمره الألف وتسلم ياغالي



حياك الله أخوي في أي وقت وحنا حاضرين للي مثلك وشرواك

[الدوسري دت كم]

هلا اخوي...
ياسلام سلم تصدق كنت اول احسب اني احسن ميكانيكي ولقيت الشباب ماشاالله عليهم وش زين معلوماتهم طلعت معلوماتي الي انافرح بهن خرطي عنكم؟؟؟
اسمع وناخوك اول شي لازم يكون الجنط والكفرسليم مره من اي رجه.
ثاني شي لاتكون مراية الصوفه عندمتأكله وهذي مشكله لازم يا انك تفك العكس وتوديه للمخرطه ويسوي له جلبه مكان الي متأكل. اوتغيرمرايه الصوفه كامله وهذي تبي شوي زياده فلوس.
اوانه زي ماقال احدالشباب اذا الموترجايه صدمه اوضربه تراه مشكله اكبرمن الاوله يعني ان توازن المقص مع بضعه غيرسليم تلقاه يسبب تأكل الكفروحرارة الرمان وتهريب الصوف...
الحل عندي هوانك تركب فرات وتبي ترتاح مره وش لك بالذيب وشجرته.لانك اذا ركبت فرارمايدورالعكس الااذا شغلت الفرارهذا الي عندي والسلام ختام...