مشكلة حقيرة الله يجيركم منها

[Riyadh City]

السلام عليكم ورحمة الله


قدر الله على أخوي وأشتراله بيت في شرق الرياض ما كان عندهـ مشاكل أول ما سكن لكن الحين بعد

ما شرى ثلاث سيارات لعياله صار يواجه مشكلة حقيرة للغايه .

كل فترة وقزاز حدى السيارات منكسر تخيلوا السيارات كلهن تعرضت درايشهم للكسر ومحاولة سرقة ما خف

وزنه وثقل ثمنه ..

اليوم وخلال اربعة وعشرين ساعه كاسرين قزاز سيارتين شل الله إيديهم والغبنه إن السيارهـ الأخيرهـ وش سارقين منها ؟؟

سارقين شماغ :mad: يعني قمة الإستخفاف والحقارهـ والمشكلة إن الشرطة لا حياة لمن تنادي رغم إن الدوريات

تحوم بالشوارع كنها ليموزين لكن حيهم ما قد شفت فيه دورية وإذا رحت تبلغ عن الحادثه يكبون بودرة كيرم على

السيارهـ ويقولون لك توكل ..

سؤالي للي عانوا من هالشيء :

ما هي الحلول الممكنه ؟؟؟

تحياتي

[قناص خلاوي]

وعليكم السلام ورحمة الله وبركاته
الله يكون بعونكم ويعوضكم خير
الشرطة وتوابعها لا ترجي منها خير

مالك الا ثلاث حلول :
اذا تقدر دخل السيارات داخل البيت وريح راسك خصوصا وقت الظهر والليل

أو شف لك افغاني أو باكستاني متعافي وخله يسبر السيارات
واذا جو (هالسلق) الله يكرمكم قله يمسكهم و يمردغهم بالارض وإن حصل معه كريك تراه ماهيب شينة وطمعه بالاكرامية عشان يتوصى بهم .
لا تقوله يمسكهم عشان تسلمهم للشرطة ترى كلها ساعة ساعتين وتعهد ثم يطلعون وكأنك يابو زيد ماغزيت

والحل الاخير وهو الأصعب :
دوروا لكم حي غير هالحي واسكنوا فيه

[Riyadh City]

هلابك يالقناص ونعم الشور يالغالي لكن ..

الكراج ياخذ سيارة وحدهـ بس والبلا في الي برى ..

أما تغيير الحي العود معند ويقول منيب طالع من محلي ..

أعجبتني فكرة الأفغاني وأظن بيوافق منها يغسل السيارات ومنها يحرسهم لكن المشكله وانا أخوك إنهم

يسرقون السيارهـ في لمح البصر يعني تدخل البيت وتنزل بعد خمس دقايق تلقى الدنيا منقلبه ولا لهم أوقات محددهـ

كان ما أهتدوا الله ياخذهم ويفك المسلمين من شرهم

تحياتي

[WAW]

في حالتك اعتقد الكــاميـــرا هي افضل الحلول

ركب كاميرا على سور البيت او من على السطح وركزها على مقدمة المنزل بما فيها مواقف السيارات

وستشاهد الحرامي بالألوان

[Riyadh City]

يعطيك العافيه عزيزي واو

فكرهـ ممتازهـ وعملية وإذا تخبر لي محل كاميرات تنصحني فيه أكون ممنون

تحياتي

[زنكي]

فيه حل طال عمرك بعد ما تركب كميرات وهذي اسمها أسباب
الحل هو انه كل ما ينزل واحد من سيارته يقول " استودعك الله الذي لا تضيع ودائعه " موقناً من قلبه إن الله خير حافظاً وهو أرحم الراحمين .

[Riyadh City]

صدقت اخوي زنكي والله خير الحافظين ...

المشكلة ان العيال مراهقين وتعرف المراهقين ما يتنبهون لمثل هالأمور لكن صدقت من الواجب تنبيههم

مشكور وجزاك الله خير

[زايــ ابومحمد ــد]

اخوي00
حطولكم كمرات مراقبه صغيره ما تنشاف وبنفس الوقت تسجل باشرطه مضغوطه0000
تحيــــــــــــــــاتي000

[عاشق السناف]

أخوي تمركز على سطح البيت وخذ لك خرازة برنو وإذا شفته

أرمه في رجله ولا ساقه ولا من شاف ولا من درى وخل الكلب ينقع في دمه

طريقة مجربة لمثل هولاء الحثالة

ولا عاد يقرب شارعكم نهائي


لااااا عشان يروح يشتكيك وتصير مشكله ثانيه

ماا مثل الافغاني بس

ولا خلهم ثنين مسنترين ودسم شواربهم

لمدة سبوعين بسس جرب

[shaheenshah]

الكل يعاني من هالظاهرة
كنت اعاني من هالشي والحمد لله بعد ما صرت استودعها الله والله ان ما احد جاها

الحل النهائي انك تدخلها في البيت
ولكن تقدر تركب انذار يكون صوته عالى يقلل من عملية السرق وانا متأكد ان الشخص اللي كسر قزاز سياراتكم هو نفس الشخص

[قرقاع]

الله يعينك

تبي حل صح اشتر كلب الله يكمرك ويكرم السامعين واربطه بسلسله طوله على قد موقف السيارات مايتعداها

واذا واحد قرب من السياره يبنح واحد اعرفه مسويها لاكن فالت الكلب مايروح من عند السياره

[الدربشي]

انا اوافق اخوي قناص واخوي waw في فكرة الباكستاني والكاميرا بس لو انا مكانك كان اصيدهم بيدي من كثر القهر يعني تراقبهم من بعيد وتقول لخوك تعال انت وقف سيارتك وادخل البيت وانت وقف سيارتك باخر الشارع او جمب بيت جاركموخلك بالسيارة وراقب وحط عينك على السيارة وشوف مين الي يكسر الزجاج .

[هدد688]

في حالتك اعتقد الكــاميـــرا هي افضل الحلول

ركب كاميرا على سور البيت او من على السطح وركزها على مقدمة المنزل بما فيها مواقف السيارات

وستشاهد الحرامي بالألوان


اتوقع هذا حل ناجح من ضمن الحلول

واقعد راقبه واول مايوقف انطلق عليه وارمغه رمغ

الله يكون بعونك .

[ابو نايف 111]

الله يكون بعونك
الكميرات فيه بل البطحاء صغيره جدا سلكي ولا سلكي
150 ريال اشبك الاسيفر حق الكميره بل الفديو مضغوط
ملاحضه خل الكميره مكان واضح تصور السياره او الاوحه
الحرامي ورح لم الشرطه
على ما فهمت من كلامك ..... ترا الدعوه عنصريه فقط
مثال صرقت الشماغ ... هاذي معناها توصيل رساله فقط

[شاقي القميري]

الله يعيننا وياه

[شنطة عده]

السلام عليكم ورحمة الله





قدر الله على أخوي وأشتراله بيت في شرق الرياض ما كان عندهـ مشاكل أول ما سكن لكن الحين بعد


ما شرى ثلاث سيارات لعياله صار يواجه مشكلة حقيرة للغايه .


كل فترة وقزاز حدى السيارات منكسر تخيلوا السيارات كلهن تعرضت درايشهم للكسر ومحاولة سرقة ما خف


وزنه وثقل ثمنه ..


اليوم وخلال اربعة وعشرين ساعه كاسرين قزاز سيارتين شل الله إيديهم والغبنه إن السيارهـ الأخيرهـ وش سارقين منها ؟؟


سارقين شماغ :mad: يعني قمة الإستخفاف والحقارهـ والمشكلة إن الشرطة لا حياة لمن تنادي رغم إن الدوريات


تحوم بالشوارع كنها ليموزين لكن حيهم ما قد شفت فيه دورية وإذا رحت تبلغ عن الحادثه يكبون بودرة كيرم على


السيارهـ ويقولون لك توكل ..


سؤالي للي عانوا من هالشيء :


ما هي الحلول الممكنه ؟؟؟



تحياتي


قسم بالله اني حاس فيك
لا تشكي فابكي:(
اليك قصتي
قدر الله وسكنت في شرق الرياض (ايجار)
في البداية كان الوضع عادي ولكن انه الهدوء الذي يسبق العاصفة
في البداية وجدت في مفتاح الباب سكروب كان يحاول فتح باب السياره لسرقتها او سرقة محتوياتها
بعدها بفتره وجدت الزجاج الجانبي حق السواق مكسور ومسروقة كل الاغراض الشخصية الي في السياره
بعدها بفتره كسر نفس الزجاج بقصد سرقة مسجل السياره
طبعاً من غير محاولات العبث بالسياره
كسر التمثال حق السياره
كشط البوية باداة حاده

المهم بعت السياره وشتريت سياره ثانية
هذه المره لم يتم سرقة السياره او تحطيم زجاجها بل
اصتدم بها شاب مراهق وهي متوقفة في اسفل العماره
فتسبب في تلفيات كبيره بالسياره
المهم حضر المرور وكان الخطاء عليه 100 % بــ100%
تصالحنا بمبلغ مالي متفق عليه مع ابو الورع

في اليوم الثاني طلعت من البيت علشان اودي السياره للورشة لقيت السياره محطم زجاجها الامامي والخلفي والبدي مهشم بالحجاره

طبعــاً عرفتو من الي سواها
(الورع المراهق)

الله لا يسامحه لادنيا ولا اخره

[أحمد محمد الشمري]

:mad: :mad: :mad: الحل جدع اليد من المعصم وتشوف الأمن والأمان . :mad: :mad: :mad:

[راعي الركيات]

:mad: :mad: :mad: الحل جدع اليد من المعصم وتشوف الأمن والأمان . :mad: :mad: :mad:



اناشهد انه الحل لكل من تسول له نفسه يعبث بممتلكات الناس

[ابو زكي]

:mad: :mad: :mad: الحل جدع اليد من المعصم وتشوف الأمن والأمان . :mad: :mad: :mad:




من امن العقوبه اساء الادب
هذا هو الحل الوحيد
لو كل شخص سرق وطبقو عليه الحد والله ماكان شفنا السرقات بهالظاهره المتفشيه بالمجتمع
اذا ان الشغله سرقه وكلها كم يوم اذا ماكانت كم ساعه ويطلع وش اللي يمنعه من السرقه مره ثا نيه
بس لو فيه رادع وفيه عقوبه (تطبيق الشرع ) والله ماكان شفنا هالامور وكان الواحد منهم يحسب الف حساب.
والله يا جماعه الخير انسرقت سيارتي بالشارع العام بشارع مزدحم وقفتها خمس دقايق نزلت لمحل ورجعت ووقتها كان فيه رجل مرور كلمني قال لي ممنوع الوقوف مزدوج بحكم الزحمه قلت خمس دقايق ورجعت للسياره لقيت القزاز مكسور ومسروقه الاغراض اللي بالسياره مكلفه وانا كنت مستأمن عليها ومابيني وبين رجل المرور بسيارته خمس امتار جالس بالدوريه معقوله وصلت الامرو لدرجه الاستهتار وعدم المبالاه طبعا مشيت وطلبت العوض من الله
يعني لا تستغرب اذا ان السياره تنسرق وهي واقفه عند البيت اذا ان سيارتي انسرقت قدام الناس وكلن يشوفه
والادهى والامر قدام رجل المرور وهو واقف بدوريته خلفي واعذروني على الاطاله بالكلام والله من اللي فيني من القهر وانتشار هالسرقات ولا حسيب ولا رقيب
لان الان صارت بلاغات السرقه روتين عادي يعني تتعب نفسك على الفاضي

[Riyadh City]

أخوي تمركز على سطح البيت وخذ لك خرازة برنو وإذا شفته

أرمه في رجله ولا ساقه ولا من شاف ولا من درى وخل الكلب ينقع في دمه

طريقة مجربة لمثل هولاء الحثالة

ولا عاد يقرب شارعكم نهائي


أنا أشهد يالذيب مايبيلها الا كذا وآخر العلاج الكي طال عمرك

[Riyadh City]

الكل يعاني من هالظاهرة
كنت اعاني من هالشي والحمد لله بعد ما صرت استودعها الله والله ان ما احد جاها

الحل النهائي انك تدخلها في البيت
ولكن تقدر تركب انذار يكون صوته عالى يقلل من عملية السرق وانا متأكد ان الشخص اللي كسر قزاز سياراتكم هو نفس الشخص



المشكلة الكراج ما يشيل الا سيارهـ وحدهـ بس والا كان انحلت المشكلة وأنا أخوك

[Riyadh City]

الله يعينك

تبي حل صح اشتر كلب الله يكرمك ويكرم السامعين واربطه بسلسله طوله على قد موقف السيارات مايتعداها

واذا واحد قرب من السياره يبنح واحد اعرفه مسويها لاكن فالت الكلب مايروح من عند السياره


مجربه هالفكرهـ طال عمرك بس والله من الإزعاج كل الحي يدعون عليك

[Riyadh City]

انا اوافق اخوي قناص واخوي waw في فكرة الباكستاني والكاميرا بس لو انا مكانك كان اصيدهم بيدي من كثر القهر يعني تراقبهم من بعيد وتقول لخوك تعال انت وقف سيارتك وادخل البيت وانت وقف سيارتك باخر الشارع او جمب بيت جاركموخلك بالسيارة وراقب وحط عينك على السيارة وشوف مين الي يكسر الزجاج .



والله عليهم خفه غير طبيعية وبعدين يعطونك الأمان يعني يخلونك ترتاح كم اسبوع وتنسى ومن بعدها تجيك غارهـ

[Riyadh City]

اخوي00
حطولكم كمرات مراقبه صغيره ما تنشاف وبنفس الوقت تسجل باشرطه مضغوطه0000
تحيــــــــــــــــاتي000


الظاهر اخوي زايد ما يبيلها الا كاميرات مراقبه وإن شاء الله تفيد

[Riyadh City]

لااااا عشان يروح يشتكيك وتصير مشكله ثانيه

ماا مثل الافغاني بس

ولا خلهم ثنين مسنترين ودسم شواربهم

لمدة سبوعين بسس جرب


اي والله صادق يالعاشق هالأيام لا صرت تاخذ حقك بيدك تصير مجرم والمشكلة

الحكومة ما خذت حقك ,, وش الدبرهـ !!!

[Riyadh City]

اتوقع هذا حل ناجح من ضمن الحلول

واقعد راقبه واول مايوقف انطلق عليه وارمغه رمغ

الله يكون بعونك .


صحيح اخوي هدد ووقتها طلع كل الي في خاطرك حط حرة كل السرقات على ظهرهـ مع إني متأكد إنه راح يكون ورع ما بعد خط شنبه كف ويبلل ثيابه تكرمون

[Riyadh City]

الله يكون بعونك
الكميرات فيه بل البطحاء صغيره جدا سلكي ولا سلكي
150 ريال اشبك الاسيفر حق الكميره بل الفديو مضغوط
ملاحضه خل الكميره مكان واضح تصور السياره او الاوحه
الحرامي ورح لم الشرطه
على ما فهمت من كلامك ..... ترا الدعوه عنصريه فقط
مثال صرقت الشماغ ... هاذي معناها توصيل رساله فقط



مشكور يابونايف على العنوان وجعلها في موازين حسناتك ..

أما سالفة عنصرية أنا أستبعدها لأن الحي خليط من عدة قبايل وكلهم ينشد بهم الظهر

أعتقد إن السارق يبحث عن السيارات الجديدهـ بس لأن ما بدت معنا هالمشكلة إلا

من بعد ما صار ياقف على الباب ثلاث مواتر جديدهـ ومرهـ صدفت معهم كان في حدى السيارات بوك وسرقوهـ والظاهر عجبهم الحال ,, الله المستعان

[عفجةالصريف]

مثل ماقالو الأخوان استودعها لله ( أستودعك لله الذي لا تضيع ودائعه ) واتحد ابن ابوه يقرب حوله مجرب

[.أبوعبدالرحمن]

أخوي اسأل مجرب ولا تسأل احد


وانا أخوك دعاء ( أستودعتها الله الذي لا تضيع ودائعه ) مع الايقين بأن الحافظ هو الله



جربها وأنا أقولك 100% بتنجح الفكر وكلي تأكيد

[zoom10]

هذا إبتلاء من الله أخي الكريم .

أين نحن وأين ماوصى به الرسول صلى الله عليه وسلم في الجار

فللجار مكانة مهمة في ديننا الاسلامي (قال رسول الله صلى الله عليه وسلم مازال جبريل يوصيني بالجارحتى ظننت انه سيورته) وكان ابراهيم الخليل عليه السلام يؤمن او يقر بان اربعين دارا ممن حوله هم جيرانه.
والقرءان الكريم يعلمنا من هو الجار فيقول (....والجار دي القربى والجار الجنب والصاحب بالجنب وابن السبيل وما ملكت ايمانكم).. النساء:36
وقال رسول الله صلى الله عليه وسلم ( من كان يؤمن بالله واليوم الآخر فليكرم جاره )
وقال :( والله لا يؤمن والله لا يؤمن . قيل: ومن يا رسول الله ؟
قال :( الذي لا يؤمن جاره بوائقه) , وحدد حقوق الجار فقال :
( إن مرض عدته وإن أصابه خير هنأته وإن أصابته مصيبة عزيته ولا تستطل عليه بالبنيان فتحجب عنه الريح إلا بإذنه ولا تؤذه بقتار ريح قدرك إلا أن تغرف له منها وإن اشتريت فاكهة فأهد له، فإن لم تفعل فأدخلها سرا ولا يخرج بها ولدك ليغيظ بها ولده ) وحدد العلماء دائرة الجيرة إلى مدى أربعين داراً من كل جهة من الأمام والخلف واليمين والشمال.
كما أكد الإسلام على البر بالجار وصلته وكف الأذى عنه وإيصال الخير إليه. عن أبي هريرة رضي الله عنه، أن رسول الله صلى الله عليه وسلم قال:(من كان يؤمن بالله واليوم الآخر فلا يؤذ جاره) وفي مسند الإمام أحمد، عن أبي هريرة رضي الله عنه قال: قيل يا رسول الله إن فلانةً تصلي الليل، وتصوم النهار، وفي لسانها شيء تؤذي جيرانها سليطة، قال: (لا خير فيها هي في النار).


ليتهم يوعون ذلك .

عليك أخي الحبيب بإرسال كتيبات عن حق الجار للجار لعل الله يهدي بك .

كان الله في عونك

[ولد الدواسر]

مالكم الا ترابطون عند السيارات هم 3 اخوان كل واحد يجلس
4 ساعات حراسة يعني بيحرسون 12 ساعة :good: :D