زيت وفلتر الأتوماتيك (((((( باثفندر ))))))) [الأرشيف]

مشاهدة النسخة كاملة : زيت وفلتر الأتوماتيك (((((( باثفندر )))))))

Abo Fhad

25/05/2009, 06:21 PM

اخواني بخصوص زيت وفلتر القير الأتوماتيك ... ماهي نصيحتكم اغير الزيت والا اغير الزيت والفلتر ...

مع العلم ان سيارتي ماشية 150 الف كلم وتوني شاريها .

لاندكروزر-83

26/05/2009, 12:41 AM

السلام عليكم
غير زيت وفلتر تلقا الفلتر في الوكالة ب70 ريال لان موترك ماشي فوق 100000

الاركان

26/05/2009, 10:17 AM

كل 40000غير زيت وفلتر القيربالتناوب
يعني اول 40000زيت وفلتر
الـ80000زيت فقط
الـ120000زيت وفلتر
وهكذا
بالتناوب

هذا الكلام ما هو كلامي كلام الوكالة الي بطريق خريص

وما دامك توك شاري الموتر اكيد ما تدري متى غيره راعيه الي قبلك
فغيره احسن لك

شروكي كلاسيك

27/05/2009, 08:08 AM

اخوي اذا كان الزيت منتهي اسود لا تغيره أبد احسن لك نصيحة عشان ما تغير أو توضب قير اما اذا كان ماشي حاله غير عادي

الساهر2003

27/05/2009, 12:32 PM

يالربع حسب اللي اعرفه ان فلتر القير للباثفندر مايغير الا في حال خلل في القير لاسمح الله او جاه طعجه او اي مشكله ,, مثل نظام الهوندا ,,

لكن اذا الوضع طبيعي فـ الدعوى تغيير زيت فقط وفيه نوع اللي علبته سودا والله مايحظرني اسمه لكن هو الافضل تقريبا لاني جربت اللي في الوكاله ولا ضبط وجربت زيت تويوتا وبرضو خفيف .. فـ رحت لورشة لواحد من الربع ويقول انه افضل نوع للقير ,,

ارجو الافادة واعتذر على الاطالة ,,,

الاركان

27/05/2009, 12:43 PM

شروكي كلاسيك

27/05/2009, 01:51 PM

لأن الزيت اذا كان اسود وغيرته يكون فيه شوائب من القير من التروس والكلتشات
ويسبب لك مشكلة الزيت الجديد بما انه خفيف والزيت القديم ثقيل وكله شوائب ولا ينزل كله إلا إلي مثل الفورد فيه طنجره هو إلي يقدر يفك الزيت إلي في الطنجره وينزل الزيت وبعدها يحط 12 علبة زيت
انا شريت شروكي 2001 قبل شهر ماشي 95000 وكان زيت القير منتهي اسود الظاهر راعيه من اول ما طلع من الوكالة ما غير زيت قيره يوم غيرته تغير على العزم وصار ينتق اذا عشق ثاني وثالث ومافيه عزم ابداً والزيت إلي غيرته قلب اسود مره ثانيه على طول وغيرت مره ثانيه ونفس الشي بس المره الثانيه بدون فلتر بعد اسبوع بس من أول تغييره ولا تغير شي فإذا الزيت اسود نصيحة لا تغيره خله لين ما يطق القير

Gm Bas Gm

27/05/2009, 03:06 PM

فلتر زيت القير ما يتغير الى اذا حصل مشكله في القير

تغير بس الزيت وحتى تحصل (صره) تغير للزيت مثل تغير زيت الكينه

Topstars

27/05/2009, 09:52 PM

وانا اخوك
الشهر الماضي
دخلت موتري صيانة بالوكالة(الفرع الاول)
الي بطريق خريص
وعلى حسب كلام المهندس المصري امين
الي هناك
هذا ما قاله لي واوردته لكم في ردي السابق

وتراني غيرته الفلتر مع الزيت والاربعين الجاية انشاء الله زيت بس

اما كلام الاخ الي يقول اذا الزيت اسود خله ولا تغيره؟؟؟؟
فانا استغرب هذا المنطق فلماذا لا يغيره

يا اخوان
من استشار دخل ذمتك

فلا تقول شيء الا متاكد منه 100%

معاك 100%.

لسببين :
الأول كتيب الصيانه يقول نفس الكلا.
الثاني الفلتر يفضل تغييره لأنه يمتلئ بالرواسب ومع الأيام يصير دوره عكسي ويتلف عليك القير وروح وضب..بمبلغ وقدره او غير قير ب 20 الف.

المهم الأمانه والحرص ولو اننا نعرف ان كل واحد يتكلم عن تجربة.

ولاكن الأفضل اتباع التعليمات حتى ما نخسر اكثر من الازم.

والسلام

Abo Fhad

28/05/2009, 01:38 PM

تم تغيير الزيت ( زيت فورد ميكرون دكسون iii ) والفلتر

وما شاء الله الأمور تمام 100%

Topstars

28/05/2009, 06:25 PM

تم تغيير الزيت ( زيت فورد ميكرون دكسون iii ) والفلتر

وما شاء الله الأمور تمام 100%

السلام هلح حسيت في تغيير؟

يعني القير صار في التعشيق من ال p لل D او من ال D لل R احسن..!

لأن القير عندي ناشف إذا جيت اغير من نمرة لنمرة..

وهل في احد عنده نفس الظاهرة..

والسلام..

الاركان

30/05/2009, 09:56 AM

عندي الامور تمام
بس الله يطلع موتري بالسلامة انشاء الله وييسر لي أمري
اسبوعين وهذا الثالث بدونه له وحشه:heart: :heart:

فنصيحة للاخوان نحن هنا
نتكلم عنفلتر جير الباثفيندر الاوتماتيك

يمكن هناك سيارات ما يتغير الفلتر بس الباث يتم التغيير بالتناوب كل 40000

ونااااسه

30/05/2009, 09:49 PM

السلام عليكم ..
مساكم الله بالخير ياخوان
راجعت كاتلوج الصيانه صيانة لقيت تبديل زيت القير بس مالقيت"تبديل الفلتر"
ياليت اذا احد يعطينا العلم نبدل الفلتر ولا لا؟
انا سويت صيانه لسيارتي عن الوكاله 40 و 80 ماغيرو الا زيت القير
موديل 2005
الله يعطيكم العافيه