المساعد الشخصي الرقمي

مشاهدة النسخة كاملة : تكفون الفزعه يالربع


مسافر12
25/05/2009, 10:29 PM
مساء الخير للجميع


انا عندي مشكله في السياره واتمنى الا تبخلو علي برئيكم

عندي سياره فورد موديل 97 استخدام امريكي

ترتفع الحراره اذا شغلت المكيف واذا تطفيته تنخفظ وبدون المكيف اذا زت السرعه بعد 130 برضه ترتفع

هذا الكلام مستمر معي من ايام البرد الى الحين يعني مالها دخل بالصيف لاكن بدت تكثر الحاله هذي مع الصيف

سيخت اللديتر وغيرت بلف الحراره وغير تمتيك المروحه وغيرت طرمبة المويه

(( اشوف خرطوش المويه حق اللديتر اللي يركب فيه البلف منتفخ احس عليه ضغط ))

وكل ماروح ورشه يطلعون لي بسالفه

والله تعبت يالربع وش الدبره
مربط القعاسي
25/05/2009, 11:21 PM
وحده من ثنين والله اعلم
الاول انه يكون الخرطوش اذا دعست ينصفط ويقلل دخول الماء للمكينه وترتفع الحرارة هذا اذا كان الخرطوش تجاري ولا يوجد داخله السبرنق الى يخليه ماينضغط
الثانيه يكون الاديتر رصتين وهذا في الاستعمال الامريكي عام لذل غير الاديتر اكبر منه ولا شف لك احد من الربع معه نفس سيارك وفك اديترها وجربه على سيارتك هذا والله اعلم
تقبل مروري
التعـ King ـديل
26/05/2009, 12:23 AM
الراديتر حق الفورد غالبا رصتين ركب الكبير ابو ثلاث رصات

وغير الخراطيش وكاله وراح يصير تمام
ابو سويلم
26/05/2009, 01:47 AM
شف موضوع الاخ كبسولة2 يمكن يفيدك
http://www.mekshat.com/vb/showthread.php?t=161939
راعي المجهم
26/05/2009, 01:56 AM
أخوي السيارة أول مافيها شئ صح ؟

والمشكلة ضهرت قريباً صح ؟

يبيلك سلمك الله قبل كل شئ أنك تشيك على :

الرديتر إذا صيخته ولا نفع لازم تغيره بجديد زي رديتر الفورد السعودي

طرمبة الماء / بلف الحرارة / كلتش المروحة / مروحة المكيف الصغيرة

ثلاجة المكينة تسبب 80 % من حرارة الفوردات / دبة التلوث / الكنداسة

قد تكون مطعوجة

إذا شيك على هذا كله وغيرت التالف منه بأصلي أضمن لك ترجع السيارة

زي ماكانت وأفضل بعد
مسافر12
27/05/2009, 08:14 PM
الف شكر لكم يالربع

على الرد على الموضع والله يكتب لكم الأجر انشاء الله يارب
راح اسوي كم طريقه من اللي ذكرتو واقول لكم وش صار

ودي اقول لكم الطبلون اكتروني
اذا ارتفعت الحراره الى خمس خطوط
المكيف يصير مايبرد وش توقعون السبب