ابرز عيـــــوب البوالين والكفرات الحجريه ×33×

[مطاول الليل1]

السلام عليكم
ب
س
م
ا
ل
ل
ه
يا اخوان انا ابشري كفرات وانتم بكرامه
ومحتاار بين البوالين والكفرات الحجريه
مقاس 33 ( كبيره ) قصدي من تركيب
هالكفرات ابرفع الموتر لانه طامن وبالبر
يسبب مشاكل في ايهن تنصحونن ؟
مع اني اميل للكفرات الحجريه لانه كشكل
روعه ولان البوالين يرجن’ لكن ما ادري عنهن
بالرمل (الحجريه )
ففضلا لا امرا نبي ابرز العيوب والمميزات
لكل نوع
والاسعار
تحياتي واسف على الاطاله

[مهوس صيد]

ما حبيت اطلع من الموضوع بدون ما ارد انا خبرتي قليله لكن يجي على كل كفر مكتوب حق شنو وانا جربت الحجريه في البر ما عليها كلام

[أبو عامر 2002]

التنسيم دوا الحجريه ,,,

خذ الحجريه وتوكل على الله .. لك ول الزمن :)

[abo.a]

علمي علمك ان شالله احد يفيدك

[راس المال]

وعليكم السلام والرحمه ..

الكفرات الحجريه جربها احد الزملاء .. يمدحها في النفود لان جرتها غويطه .. وبالشعبان مايحتاج


الكفرات المجربه دنلوب .. قيمة الكفر الواحد 500 .. الكلام قبل 3 شهور ..

[سيف الظفير]

عليك بالبالون تراه طيب على الجيب ويرفع السيارة اذا 900

[راع النيسان]

اذا كان الموتر قوي ما عندك مشكلة بالحجري بس الله يعينك على السوالف الزينة

[خيام الندم]

أنصحك بكـــفر برجستون مقاس 235 /85 / حجري دعسه ناعمه ماله صوت أبد / 8 غــــــــــــاط وبالرمل حط 15 أو 10 وأسبح ...
جنب قوووي جداً والهوى بالكفر بالبـــــــلد والخطوط أحط 30 ممتاز . كفر للمهمات الصعبه , وبالخط آنواع الثبات .
وبالنسبه للبالون مايعيش ويتعـــب نفســيتك ورجةالدركسون المقلـــقه لن تفارقك أبداً ,, لاتهمك رزته ونصبته لأنه كفر لإستعمال مخصص المقناص مثلاً وترجع تفكه .. أما داخــــل البـــلد والخطوط متعب ويآكل من الكلتش والكارونه والدفـــرنس والدوده .
ويسبب ثقل شديد للجيب.. خصوصاً ال 900 .... لكن مقاس 255 /90 بالون دنلوب فهو إرتفاع مثالي يوازي إرتفاع / ال 85 تماماً لاكن لايعدو كونه بالون نايلون يرج مثل غيره من البوالين ...................

[مطاول الليل1]

ارخص نوع (الاندونيسي بكم سعر الكفر ؟ )للكفرات الحجريه 33 ا
اللي يعرف لا يبخل علينا
اخوي خيام الندم بيض الله وجهك ولايهونون الشباب

[مخاوووي الليل]

اذا كان الموتر قوي ما عندك مشكلة بالحجري بس الله يعينك على السوالف الزينة

والبالون برضو حلو من ناحيت رفع السياره اما بلخط ماتنفع لانه ماهي راسيه

[عاشق z71]

شف سلمك الله بالحجري انا جربت اغلب الانواع بس قلي مقاس الجنط الي بتركب عليه وابشر بالاسعار بعد
الحجري رهيب بمعنى الكلمه شكل وبالبر ولايغرك اسمه حجري معناته مايصلح بالنفود

اقسم بالله بالنفود يطرب طرب

وبالشعبان عاد حدث ولا حرج

العيوب
ازعاج ع الخط
ايظا يطيح عزم من السياره

نصايح :

حاول تبعد عن الحجري الماكسس قد ماتقدر ثقيل لدرجه خياليه
وعشان تتاكد رح المحل وحاول تشيلها بيدك ان تهد حيلك كفر ثقيل بمعنى الكلمه

اذا قدرت لاتاخذ الا امريكي ويفضل بي اف قودرش او بروكومب او ميكي تومسون هذي ميزتها تجي خفاف وزنها معقول جدا

هذي لو تركب فيها الجنط وتجي تقارنه بماكسس بدون جنط تلاقي الماكسس اثقل وهالكلام قدام عيني صاير

ايظا حاول تاخذ شي مكتوب عليه اول ترين يعني لكل الطرق هذا مايجي عليه ازعاج بالخط او بالاصح صوت بسيط لايذكر اول ترين بعظ الاحيان تجي مختصره (a/t)


وحاول تبعد عن الي مكتوب عليها ( مد ترين ) اختصارها يجي على بعظ الكفرات M/t

المد ترين هذي طينيه وهي غالبا تجي نقشتها كبيره

بس عندي ملاحظه

فوق انت كاتب لان موترك طامن وودك الكفرات ترفعه

ترا كفر 33 ماتوقع يركب على اي سياره بدون رفع لانه بيحك اكيد

وش موترك وقلي كم الجنط الي بتركبه

ونا انشالله اردلك رد وافي

[GMC79]

بعد اذن صاحب الموضوع

الاخz71
عندي جمس صحن ومليت من البالون عمرها قصير

وناوي اركب حجرية جنط 16

هي ارفع من البالون او البالون ارفع؟

هل صحيح ان 33 مقاسها =305/70

كم الاسعار تقريبا الله لايهينك؟

[التعـ King ـديل]

الحجريه مالي علم فيها ولا راح افتي

اما البالون من عرفت شي اسمه جيب وانا اركبها مافي احلا منها وانا راعي بر وسفر والحمدلله مرتاح

اخرتها توني مسافر الامارات والله لو تشوف الكفر ونظافته تقول توه مركب والحمدلله والشكر لله

مشيت عليها الان حوالي 10.000 كيلو منها سفرتين للامارات وصلاله والخليج عامه ولا اشكي منها ابد

[البرق2002]

تبي نصيحتي الصيف عندنا حوالي 8شهور وكفر سيارة البر اذا جلس سنة ياطيبه حطلك طقمين..........
البالون للبر وللمقناص لا يعلا عليه عذروبه ان عمره قصير بالكثير 6شهور ومن مزاياه موريح لسيارة بالصحرى
امابقية الكفرات فالدنلوب لايعلى عليه وهو افضلهن كلهن
وشكرا"

[مطاول الليل1]

اخوي الموتر اف جي
واساسا من اول انا عندي نيه
اني ارفعه بيايات لكن الكفرات عشان
ارفع تحتي الموتر يحك بالبر بالرمل
يعني ما عندك مشكله
الجنوط اللي ابركبه عليها الى الان
ما فكرة بها لكن شكله جي تي لانه
خفاف ووش تنصحن به انت ؟
وعلى جنوط البلد تركب ولا لا ؟؟
تحياتي

[مطاول الليل1]

اتمنى ما تتأخر علينا يالذيب لاني مستعجل

[wrs3975]

بعد إذنك ياصاحب الموضوع ..... تحية وتقدير للأخ أبو عامر 2002 أنشودة رائعة جدا .... تحياتي للجميع

[مطاول الليل1]

خذ رااختك ولو يا خوي

[راعي الطلعات]

البوالين حلوه ولكن عمرها قصير وترج الموتر

والحجريه طيبه لكن فيها صوووت مع الهواء

وعموما مافي كفرات تجي كامله ولا في شيبالدنياء يجي مكتمل

بالتوفيق

[عاشق z71]

بعد اذن صاحب الموضوع

الاخz71
عندي جمس صحن ومليت من البالون عمرها قصير

وناوي اركب حجرية جنط 16

هي ارفع من البالون او البالون ارفع؟

هل صحيح ان 33 مقاسها =305/70

كم الاسعار تقريبا الله لايهينك؟

شف سلمك الله في بعظها تجي ارفع من البالون واذا تبي ارفع لالتاخذ اقل من رقم 305 \ 75 \16
وبالنسبه لمقاس 33 هي نسبه وتناسب يالغالي

يعني ممكن تلاقي 305 على 65 هذي ماتجيلها ولا 31 ؟
لاكن 305 \70 \16 هذي تساوي 33 وهي انا مركبها حاليا على تاهو

الاسعار بتكلملك عن برو كومب امريكي 305\70\16 سعرها الواحد 850 تقريبا للواحد تختلف الاسعار على حسب المحل





اخوي الموتر اف جي
واساسا من اول انا عندي نيه
اني ارفعه بيايات لكن الكفرات عشان
ارفع تحتي الموتر يحك بالبر بالرمل
يعني ما عندك مشكله
الجنوط اللي ابركبه عليها الى الان
ما فكرة بها لكن شكله جي تي لانه
خفاف ووش تنصحن به انت ؟
وعلى جنوط البلد تركب ولا لا ؟؟
تحياتي

اخوي تركب على جنوط البلد عادي
لاكن حاول لاتركب جنط 10 انش ركب جي تي 8 انش

الحجم عندك مقاس 305 \70 \ 16 هذي حلوه بس عريظه مره هي عندي ع التاهو وطاللعه عريظه
الحجم الي انصحك به 285\75\16 مناسبه جدا

بس مثل ماذكرت وخرو عن الماكسس وانتو بخير




اتمنى ما تتأخر علينا يالذيب لاني مستعجل


معليش يالغالي ع التخير


هذا موقع تكتب فيه مقاس الكفر يطلعلك معلومات كامله

http://www.discounttiredirect.com/direct/brochure/info/tmpInfoTireMathNS.jsp#row1

تلاقي فوق اعلى الصفحه 6 مربعات خاليه ؟؟؟؟ انت املا الثلاثه الاولى من اليسار املاها بحجم الكفر
اكتب مقاس الكفر مثال تكتب من اليسار لليمين
16\70\305

بعد كذا اختر الاختيار الي تحت المربعات الثلاثه الاولى

بعد ظغطك على هذا الاختيار راح يمتلي جدول تحته بارقام ثالث مربع هومقاس الكفر بالانش

وبكذا تقدر تطلع الارتفاع



همسه اذا تقدرو تجيبو الكفرات من الامارات تاكد انه بيطلع عليك السعر باقل من هنا بكثير وبنفس اوقت بنوعيه افظل

[GMC79]

الاخ z71

يعطيك العافيه

ومشكور على الرابط

[speed6]

طيب الكفرات موجوده في الشرقيه ولا لا؟؟؟
285\75\16 برو كومب امريكي

[رحال300]

http://i247.photobucket.com/albums/gg135/ahmed255/Mastercraft%20Trres/07fbe175.jpg

جرب ها الكفرات ممتازه جدا وتعيش مده طويله
اسمه مستر كرافت امريكي وكيله الجمحان في الغرابي

وهاذي صوره طبع هو الى يسار

http://i247.photobucket.com/albums/gg135/ahmed255/Mastercraft%20Trres/6571e881.jpg

http://i247.photobucket.com/albums/gg135/ahmed255/Mastercraft%20Trres/901950e4.jpg

الميزة في كفر الماستركرافت انو عرض الدعسة (Tread Width) جداً كبير وأكبر من الكفرات الاخرى بنفس المقاس وحتى اكبر من مواصفات الكفر الرسمية نفسه !! المفروض وعلى حسب موصفات الكفر الرسمية يكون عرض الدعسة 8.75 بوصة (22.2 سم) وهذا اكبر حتى من عرض دعسة كفرات اخرى بعرض 275 وبعض كفرات 285 ايضاً ,, لكن بالقياس طلع عرض الدعسة الحقيقي 9.1 بوصة (23.2سم) !!!

عرض الكفر الأصلي كان 7.2 بوصة (18.3 سم) يعني الكفر الجديد اكبر في عرض الدعسة من القديم بـ 5 سم تقريباَ !! والكفر الجديد اكبر من القديم في الإرتفاع ايضاً حيث يرفع السيارة بمقدار 1.3 سم

بعض مواصفات الكفر الجديد من نوع Mastercraft Courser A/T 265/65/17 :

Service : 112T
112 تدل على اقصى حمولة للكفر وهي 1120 كلجم (القديم كان 975 كلجم)
T تدل على اقصى سرعة للكفر وهي 190 كم/س (القديم كان H اللي هو 210 كم/س)

Treadwear: 460
Traction:A
Temperature:B

قيمة الكفر 550 ريال مع التركيب واخذته من الوكيل في الغرابي في الرياض مؤسسة إسماعيل الجمحان

[عطيب الشمال]

انا مركب نوع شاهين هانكوك كوري
ممتازه مافيه رجه ولا شي ومريحة بعد

[سعد الشتيلي]

اخوي نصيحه من مجرب

لاتركب كفرات بوالين ابد

حسنتها الوحيده ترفع السياره

وفي النفود حلوه

لكن مع القار او في غير النفود تجيب لك الهم وتلعب في السياره

وعمرها قصير ورجه وبلاوي

نصيحه لاتركب كفرات البالون ابد

:(

[راعي النياسين]

سمعت الكثير عن البالون وفيه الي مدحها وفيه الي ذمها

والحمد لله عزمت وشريت طقم 5 كفرات ماكسس 900 8 غاط

قمه ماشاء الله مريحه لابعد حد وفيه رج خفيفه لكن اذا رصصتها ترصيص ارضي تختفي الرجه

هذا بالنسبه للبالون

اما الحجريه انا والله ودي اجربها واتوقع انها افضل من البالون

بالتوفيق يالغالي

[ابن البكيرية]

شكرا للجميع على افادتهم

[سيف الظفير]

البالون اهم شئ يالقرم تركبه على جنوط اصلية

[الشنه]

عليك بالبالون تراه طيب على الجيب ويرفع السيارة اذا 900

[هاوي سمر]

انا يا اخوي موتري حووض 2009 وجاي معه شد بلد كفرات حجريات دنلوب

جربتهن بالنفود حليلات بس لااااااااازم تنسم انا احط بهن 15 او 10 بعض الاحيان ويمشي الموتر

وجربت عقبهن هانكوك مقاس 16 والله يا فرررررق السماء عن الارض يعني الهانكوك احسن بالرمل

بس الحجريات ميزتهن انهن قاسيات يعني مهب مثل الهانكوك اي شيء يبنشره وايضا عمرها طويل

وشكلها حلووو بس انها ازعااااج بالطريق وسعر الدنلوب الحجري قبل اسبوع بــ490 بالقصيم

[أبو نـآيف]

البالون عيبه يلعب فالخطوط ماتمسك جاده

[النايف999]

البالون الماكسس ممتاز - انا مركبه على لاند 2008 على جنوط اصليه وماشفت منه شر لي الحين 4 شهور وماتغيير - وازودك من الشعر بيت الموتر عليه يايات استراليه صاير رفيع - وماتغير معي شي ابد - وانا راعي خطوط شبه اسبوعيه وماشفت رجه ولا عدم رساوه

وفي البر ماشاء الله مايردك شي ولا تهتم لشي الموتر رفيع يحمي نفسه

نصيحتي لك ركب يايات استراليه حقت نفس السياره وخذها من الرمايه وركب بوالين 900 وشوف الفرق - بس انا انصك بالماكسس لانه اخف واقل رجه

[عبدالله الضويان]

للرفع للي يبي يستفيد
لان بصراحه فيه معلومات مفيده
يعطيكم العافيه

[الستانس]

للرفع للي يبي يستفيد
لان بصراحه فيه معلومات مفيده
يعطيكم العافيه

اهنيك عللى الرفع

[سالم11]

http://i247.photobucket.com/albums/gg135/ahmed255/Mastercraft%20Trres/07fbe175.jpg

جرب ها الكفرات ممتازه جدا وتعيش مده طويله
اسمه مستر كرافت امريكي وكيله الجمحان في الغرابي

وهاذي صوره طبع هو الى يسار

http://i247.photobucket.com/albums/gg135/ahmed255/Mastercraft%20Trres/6571e881.jpg

http://i247.photobucket.com/albums/gg135/ahmed255/Mastercraft%20Trres/901950e4.jpg

الميزة في كفر الماستركرافت انو عرض الدعسة (Tread Width) جداً كبير وأكبر من الكفرات الاخرى بنفس المقاس وحتى اكبر من مواصفات الكفر الرسمية نفسه !! المفروض وعلى حسب موصفات الكفر الرسمية يكون عرض الدعسة 8.75 بوصة (22.2 سم) وهذا اكبر حتى من عرض دعسة كفرات اخرى بعرض 275 وبعض كفرات 285 ايضاً ,, لكن بالقياس طلع عرض الدعسة الحقيقي 9.1 بوصة (23.2سم) !!!

عرض الكفر الأصلي كان 7.2 بوصة (18.3 سم) يعني الكفر الجديد اكبر في عرض الدعسة من القديم بـ 5 سم تقريباَ !! والكفر الجديد اكبر من القديم في الإرتفاع ايضاً حيث يرفع السيارة بمقدار 1.3 سم

بعض مواصفات الكفر الجديد من نوع Mastercraft Courser A/T 265/65/17 :

Service : 112T
112 تدل على اقصى حمولة للكفر وهي 1120 كلجم (القديم كان 975 كلجم)
T تدل على اقصى سرعة للكفر وهي 190 كم/س (القديم كان H اللي هو 210 كم/س)

Treadwear: 460
Traction:A
Temperature:B

قيمة الكفر 550 ريال مع التركيب واخذته من الوكيل في الغرابي في الرياض مؤسسة إسماعيل الجمحان



يا رحال كم لها الكفرات معك مركبها وهل لها صوت في الزفلت وهل هي مريحه في البر وعطنا شوي هرج عنها

[بو يزيد]

يا رحال كم لها الكفرات معك مركبها وهل لها صوت في الزفلت وهل هي مريحه في البر وعطنا شوي هرج عنها

الرجال مقتبس النص و للأسف ما وضح

الموضوع الأصلي

تركيب كفرات Mastercraft Courser A/T على الكوماندر (http://www.assayyarat.com/forums/thread153854.html)

[سراي-01]

الحجري ثم الحجري ثم الحجري :good2: ,,,,, صح ان اسمه خــــــــشن لكـن في الـــــــــبر عموما والمدينه ما مثله (من واقع تجربه) على ربع2009 سابقاً وعلى هدد2010 حاليا ,,,,,, الله يوفقك.ً

[نجم4]

يا أخوان ابي أعرف شكل الحجري اللي تكلمون عنة
وهل يصلح على السفاري
وللي عندة صورة للحجري ياليت اينزلها

[yazan3]

في النوذ ما يطربك الى كفرات البالون