يا أهل الخبرة في اللآندكروزر Vxr / Gxr

[راكان 11]

السلام عليكم ورحمة الله وبركاتة


يالربع عندي إستفسار بخصوص الفرق بين النوعين المذكورين من ناحية :


الأعطال / التحمل / الأنطلاق ( خفة القومة )


مع العلم أن الموديل اللذي أنوي شراءة هو 2004

فأي النوعيين أختار


ولكم جزيل الشكر

[راكان 11]

ويين الربع
20 مشاهده ما أحد رد !!!!

[ملك الإحسآس]

وعليكم السلآم ورحمة الله وبركاته ..

والله أتوقع ان الفي اكس آر حساس شوي ~ ويصرف آكثر

وكل سياره مع الوقت تطلع بها اعطال خفيفه الا اذا كنت تعتني بها

الأعطال / التحمل / الأنطلاق

الفي إكس والجي اكس قوة التحمل فيهم ممتازه
الفي اكس يقوم على الجي اكس لأنه 8 سلندر > يصرف بنزين
واتوقع مكينة الفي اكس أفضل بكثير من ناحية الراحه وكل شي

بالتوفيق

[&كاتم الونات&]

والله كلها قويه وتحمل للي يحافض عليه
ولكن انا افضل الفكسار على الجي كسار
وارجو اني فتك بشي اخوك كاتم الونات

[shaheenshah]

انصحك بالفي اكس ار افضل من الجي اكس ار
الفي اكس 8 سلندر وأنشط من الجي اكس 6 سلندر بمراحل

اما الاعطال وقوة التحمل ما اقدر افيدك

[Nasser-ahah]

لا يهمك هو فكسار أو جكسار
أهم شي 8 سلندر
ونش فتحة ديف لوك وبس

[أبو لينا]

إذا كنت تبي تستخدم داخل المدينة خذ GXR
وإذا كنت تبي تستخدم للسفر و الطرق السريعة خذVXR

gxr أقل صرفية للبنزين داخل المدينة من VXR

[VXR.2007]

مايحتاج تفكير يالغالي vxr لاتدور غيره

[ابن عكاش]

شف يالغالي إن كنت تبي قير تماتيك الفكس آر افضل وإن كنت بتشتري عادي الجكس آر افضل ومن ناحية الأعطال اتوقع السته سرندل 4500 افضل لأنه اقل تعقيد ومكينته مافيه الأنظمة الجديده
طبعاً في الخطوط الفكسار اريح لأن مكينه 8سرندل
الله يوفقك ويسر امرك

[الذيب مصلوخ]

gx أو gxr للكد والكرف أما ال vxr يبيله تدليع وهداوة بالعربي يبيلة شايب عمرة 60 """"

[الدوسري دت كم]

ياهلى بالمحتاراول شي السلام عليكم جميعا.
ثاني شي اهنيك انك محتاربين سيارتين ياسلام سلم .ماانت مثل بعض الناس تلقاه محتاربين جيب هونداي اوديراومن هالسيارات الي مالهاوالله داعي.
اما ادامك طلبت الشورفالشوروالله انه عندي اسمع وانااخوك زي ماقال واحدمن الشباب اذاكنت تبي الموترقيرتماتيك على طول ولاتفكراصلا خذ فكس ار مره مره مره اماوالله اذاكنت تحب الموترقيرعادي الافضل فكس ار لاكن تراالجكس ار معقول قيرعادي .اناجربتهن كلهن ترا الجكس ار عله ثقيل
ماهوب معقول تركه التايوتا بسببه اذاكان قيرتماتيك خصوصا
انصحك ياخوي بكل الحالات تاخذ فكس ار والله يعينك على التدويربالمعارض بتتعب والله مالقيت النضيف. اما الجكس ار
بتلقاه متوفروسعره زين لان قليل طلابه..
فيه واحدمن الشباب ردعليك يقول مكينة الجكس ار ماهي معقده اقوله كلهن يشتغلن على نضام واحد ونضام اشعال واحد
وتراللمعلوميه الي يبي يستغرب منه الكثيرمن الشباب وهي ان
الفكس ار اقل صرف بنزين من الجكس ار والسبب يرجع الى البودي حقهن واحدوالهيكل والدفرنسات يعني الوزن واحد وهو مايقارب 2600كيلوجرام فأذاكان المحرك قوي زي الفكس ار صارتحريك هالبودي سهل عليه التسارع به ايضا سهل عشان كذايكون الاستهلاك اقل من محرك يحرك هالبودي ويتسارع به وهومحمل غيرمرتاح هذا هوالفرق الي انا اعرف والسلام على الجميع...

[راكان 11]

بيض الله وجيهكم
علمكم غانم
كفيتوا ووفيتوا
الله لآيهينكم

[بحر القصيد]

Vxr بدوووووووووووووون كلام

وللعلم اللي ما استعمل الـvxr لايفتي ويقول ان صرفيته اكثر من الـgxr

للعلم : صرفية البنزين في الــvxr اقل بكثييييييييييييير من الـgxr وهذا من تجربتي الشخصيه

وتجربة أكثر الأصدقاء مع العلم ان الvxr 8 سلندر ولكن كـ صرفية (اقل بكثير من الـgxrال6سلندر)

الـ Vxr على مر السنوات من إستعمالي له (ماقد نقص زيته ابدددددددد)

وفي إمكانك تستفسر من اي محل تغيير زيت عن ندرة نقص زيت الـvxr ال8 سلندر

اما الgxr والgx وووووووووووكل الله ممكن كل اسبوع ينقص زيته ومن غير جلد البلوف اللي تنتهي بسرعه

وغير هذا وذاك (((((((((( كــ قوة الـ Vxr متفوق بالقوه ولايقااااااارن بالـgxr ال6سلندر ابد ))))))))))


اتمنى اني افدتك

تحيتي

[راعي الطلعات]

انا مستخدم جي اكس ار وما شاءالله في القومه والصرفيه عز الله انه بيض الوجه

الفكس ار يقولون انه ثقيل شوي ويصرف والله اعلم

[الدوسري دت كم]

حنى ماحنى في يقولون اوسمعنا حنى في تجارب اي واحدمن الشباب يمدح الجكس تراه والله ماجرب الفكس وترا معه حق يمدح الانه زين بس مايقارن بالفكس ابد...

[alrmth]

الفكس صار معي له 9 سنوات ومشى290 الف ولا يطلب شيء مثل الجديد اذا كان المستعمل واحد وهو رقم 2 موديل 2001
والبنزين مثل الجيكسار اواقل لكن من يقود فكسار ثم يقود جكسار يرى الفرق لصالح الفكسار بكل شيء الا الجنزير كل150 الف يغير في االفكسار واللكسس والجكسار الديزل
ولا يعيب الفكسار الا سعرة الغالي وهو جديد

[khh]

السلام عليكم

اذا عبيت الجي اكس التانكي فل كم يمشيك

واذا عبيت الفي اكس التانكي فل كم يمشيك

وشكرا

[بعض البشر]

vxrاخف واحسن ممشا والمواصفات احسن

[النجم الطائر]

وشف الغالي منهم وتحكم