الفرق بين جيب المازداcx-9 و ايدج و اكسبلورا (( طلب مشورة وما خاب من استشار)

[khdd33]

السلام عليكم ورحمة الله وبركاته : وبعد
اخواني انا ارغب في شراء سيارة واحترت بين هذه السيارات(( مازداcx-9 وفورد ايدج وفورد اكسبلورا ))

ايهم افضل من ناحية :

1- الشكل الخارجي .
2- التجهيزات الداخلية ( لون المراتب، حساسات، المقصورة الخ...)
3- السعر مقارنة بالتجهيزات.
4- اتساع مقصورة الركاب.
5- اسعار قطع الغيار.
6- خدمة ما بعد البيع ( الوكيل والصيانة ).
7- قوة السيارة وتحملها للمناخ والتضاريس :D

آآآآآآآآآآمل منكم افاااااااااااااااااادتي باقرب وقت
اخوكم / خالد

[khdd33]

انا في انتظاااااااااااار مشورتكم

[حراثة]

مسه بالخير
انا في اعتقادي انهو الاكسبلورا احسن من نواحي وهي :
- قطع غيار متوفرة ومعقولة السعر .
- شكل مناسب وافضل من المازدا من الداخل والخارج
- سيارة صالحة للبر والمدينة
- وكيله معروف وخدماته جيدة بعد البيع
- اقل حساسات من المازدا واصبر منها
- وذات محرك قوي ويتحمل الاجواء الخليجية .
تمنياتي لك بالتوفيق .

[قلب الاكورد]

اخوى اذا تبي اكسبلورر عطني خبر 2008

[الآسيف2]

اللي اعرفة ان الدبل في الاكسبلورر يختلف عن السيارتين الاخرى حيث تاتي دفع رباعي مستمر

[ZIAD_KSA]

طيب حط لنا صور لهم ومواصفاتهم عشان نقول لك وش الافضل

[مطاول الليل1]

انصحك بالمازدا ماشاء الله مووتر خيااال
وهو دفع رباعي مستمر الى 120
بس مشكلته يقطع عل 160 كم
وداخليه فخم جدا ومن برى شكله جذاب
على العموم انا ما امتلك السياره للمعلومي
لكن مع احد اقاربي وانا معي فتك وهو افضل

[بو خليفه]

ابتعد عن المازدا و الافضل فورد اكسلبورر

و الأفضل اشتر ياباني مثل الباجيرو والباثفندر والبرادو

[الهوى جنوبي]

مازداcx-9 وفورد ايدج وفورد اكسبلورا لو خيرت بين هذه السيارات اختار الاكسبلورر سياره شعبيه وقطع غيارها متوفر

[براءة طفل]

عن تجربة

الايدج معي من رمضان وهو سيارة اعتبرها خيالية من ناحية الطرقات والسفر

رساوتها بالخط معبية عيني

من ناحية طلعات البر فهي دفع ربعي مستمر وما لك تدخل بشبك الدبل

بس مشكلتها انها نازلة يعني للبر تبي مدارات وما تبرد كبدك اذا انت راعي طعوس

لكن تقضي اللزوم من ناحية الطلعات الخفيفة والمتوسطة ومو لازم تنطح الطعوس وممكن تلف حولينها

سيارة تنفع لأسرة صغيرة مع انها واااااسعة للركاب ولكنها صفين مقاعد

والركاب في الخلف مرتاحين في اي رحلة اقرب شي لها الكابرس بالسعة

شنطة الامتعة متوسطة الحجم لاكن تاخذ ما فيه الكفاية من الاغراض من الشنط وشنطة العدة الكبيرة وبعض الاغراض التي تحتاجها في الرحلات المتوسطة والقصيرة


شكرت الله كثيراً اني لم اخذ برآي الكثيرين في اقتراحهم لي بالاكسبلورر

طبعاً هذا من وجهت نظري ولكل وجهة نظره فهي سيارة معبية عيني من جميع النواحي


قطع الغيار لا علم لي بها لاي لم احتاجها حتى الان والصيانة الدورية متابع معاهم وخدمتهم مرضيتني الى حد ما


ملاحظة

السيارة مو على شكلها الخارجي انها صغيرة فهي اقل بالطول من الباترول 4 ابواب بحوالي 20 الى 30 سانتيمتر

الي معاي يعتبر ستاندر بس مواصفاته كثيرة اهمها حساس لضغط الاطارات

بس خسارة ما فيه مقياس لدرجة الحرارة الخارجية

[khdd33]

يعطيكم العافية وما قصرتوا
وانا بانتظار اراء اخرى """"""""""""

[khdd33]

وين اصحاااااب الخبرة بانتظار آرآؤهم

[ناصر H3]

أخوي لا يوجد وجه شبه في المقارنة

المازدا والفورد ايدج سيارات فئة كروس أوفر يعني بدون دبل وإنما هي دفع رباعي مستمر يعني ما تصلح للبر وتعتبر سيارات للمدينة والسفر وطلعات بر خفافية جداً

الـ اكسبلورر يتوفر به الدبل الثقيل والخفيف والأوتو يعني بتاع كله

أرشح اكسبلورر بلا منازع لأن الخيارات الأخرى سيارات سيدان بتصميم جيب

[khdd33]

يعطيكم العافية وبانتظار آرآآآآآآآآآآآء اخرى