المساعد الشخصي الرقمي

مشاهدة النسخة كاملة : يا أهل السفاري افيدوني تكفوووون


داود الحمد
26/05/2009, 11:11 PM
عندي جيب سوبر سفاري موديل 99 قير تماتيك
اذا وقفت لمدة خمس دقايق وانا مشغل المكيف وصلت الحرارة فوق النص ومجرد ما امشي تشوف الانبير وهو ينزل لين يصير على الربع ولله الحمد ؟ تكفون شوفو لي حل انا خايف على المكينه اذا صرت واقف عند الاشارة انها تروح فيها لأن الحراره تخوف وانتم ابخص وش السبب وكيف الحل ؟؟

تكفون يالنشامى
التعـ King ـديل
26/05/2009, 11:13 PM
ياغالي شيك على تماتيك المروحه والموضوع سهل ان شاء الله
ابو سفيان 09
26/05/2009, 11:21 PM
يلغالي مساك الله با لخير عندك الرديتر يبي تسييخ
خشمً طيب
27/05/2009, 12:00 AM
مادام انه يبرد اذا تحرك فالسر بالمراوح و فيه مروحة تماتيك تشتغل اذا وقف الموتر واحتر انا ملاحضها عند الاشارة احياناً فجأة تشتغل مجرد ما ترتفع الحرارة
هذا اللي اقدر افيدك فيه و عندي سؤال انا عندي نفس موترك تماتيك و عندي مشكله بالمكيف يقولون ان المشكلة ضعف بالكمبرسر و لقيته غاااالي سعره هل مرت عليك هذه المشكلة وهل يوجد كمبرسر بديل يركب عليه لسيارة ثانية او اي شي يفيد بحل المشكلة وشكراً لك سلفاً
التعـ King ـديل
27/05/2009, 02:05 AM
خشم طيب مر على الصناعيه القديمه واسئل عن اسحاق حق المكيفات او دق على جوالي اوصفلك محله عنده علاج لمشكلتك
خشمً طيب
27/05/2009, 02:08 AM
اخوي عسول وين اسحاق بأي منطقة بارك الله فيك
التعـ King ـديل
27/05/2009, 02:19 AM
اسحاق بالصناعيه القديمه بالرياض
خشمً طيب
27/05/2009, 02:22 AM
اسحاق بالصناعيه القديمه بالرياض

اسم المحل الله يجزاك الجنة ادري اني طولتها بس تحملني
التعـ King ـديل
27/05/2009, 02:31 AM
يالغلا اعرف وصفه لكن اسمه ماعرفه

وانت جاي من مخرج 17 ووجهك غرب يجيك نفق علي بن ابي طالب وبعده اشاره حقين القزاز تتعداها لين تجيك الاشاره الثانيه تدخل معها يسار اول تقاطع تدخل يسار يصير وجهك
شرق تمشي حوالي 500 متر بتلاقي محل المنيوم لوحته زرقاء اسمه العمودي ابد هو الورشه اللي عقبه علطول المحل بيجيك يسار والورشه بعده
أبو طلال-نقوه
27/05/2009, 02:41 AM
أخي العزيز,
عندي سفاري 99 تماتيك و نفس المشكله فيه, ركبة راديتر جديد و تماتيك مورحه و مروحه جديده و تأكد من رأس المكينه بالوكاله و غيرة الثيرموستات و تأكدة من الديلكو,وغيره وغيره... مأخذ مني أكثر من 250دينار=3000ريال تقريباً ومااااااا نفع شئ, الحراره ترتفع بالحيل إذا موقف و مشغل السنترال و تروح فوق النص و إذا خليت التكيف الأمامي فقط تكون تحت النص بشوي و تنزل الحراره إذا مشيت أو طفيت التكيف..... هذا عيب الباترول من98 إلى 2001التماتيك و يشرب البنزين بالهبل و العزم لو إنك على جحش عزك الله تطلع عليه.... الجيب فاااااشل... والله يعينك!
اذاني
27/05/2009, 05:36 AM
يا شباب انا معي 98 سوبر سفاري

يوجد في الشبك مروحتين الي علي اليسار وانت مواجه الموتر هاذي تشتغل مع المكيف

الثانيه تشتغل بعد ماتوصل الحراره الثلث واذا اشتغلت تنزل الحراره علي طول

تاكدو منها هل هي شغاله ولا لا

الاخ خشم طيب

انا موتري الان في الورشه نفس مشكلتك اذا وقفت عند اشاره يبدا يضعف المكيف لين يقلب هواء
حار قالو لي الفريون صيني وغيروه الي فريون اصلي ورحت عليه ونفس المشكله ورجعته لهم قبل امس قالولي عندك ضعف في الكمبرسر وشريت مستخدم ياباني ب 600 ريال وديته لهم طلعت الفتحات تختلف

رجعته ومريت الوكاله وشريت جديد ب 2200 ريال وديته طلع ما يركب لان صاحب السياره
قبلي مغيره الي كمبرسر نيسان شاص ومغير المواصير قلتلهم بغير المواصير قالو يكلفك كثير ....................

اقترح علي راعي الورشه انه يوضب الكمبرسر علي ضمانته ووافقت والله يستر


اخي العزيز اذا لقيت كمبرسر ياباني مستخدم وسعره زين وضمان 5 ايام وفوق توكل علي الله ولا تنسي حط بكره السير القديم علي الجديد لان فيه اختلاف في بكره الياباني وانتبه لا يكون حق نيسان شاص بكب
ابوعراده
27/05/2009, 09:30 AM
ياالحبيب شيك على تماتيك المروحه ومراوح التبريد الأماميه يمكن تكون شغاله بس ضعيفه
ناصر الدهمشي
27/05/2009, 10:30 AM
عندي نفس الجيب ونفس المشكلة فجأه تحتر المكيف اعرف ان الحرارة بترتفع
هالمشكلة بس بالوقوف ولا بالممشى ماعليه
وصار معي امس وارتفعت الحرارة
واكتشفت من صاحب الورشة ان مروحة التبريد حقت المكيف ماهي مضبوطه
واليوم ابوديها ان شاء الله وعساها تضبط
وبنرد لك الخبر
داود الحمد
28/05/2009, 01:39 AM
اولا اصبح عليكم جميعا بالخير والمسرات

والله ثم والله يالنشاما إن اللسان يعجز عن التعبير بالشكر والثناء لكل من مر على موضوعي
وافيدكم بأنه يوجد من بلاده مروحه وحده فقط وعلى يسار السيارة زي ثلاجة التبريد بدل المروحة الثانيه
والمروحة الثانيه ملغيه وقايم مقامها هالمبرد من شريته وهو كذا وأنا من النوع اللي ما أحب أحرك اي شئ في السيارة عن شد بلدها .
وأما تماتيك المروحة سليم جدا وكذلك الرديتر ما صار لي 4 شهور من سيخته

أما بالنسبة لك يا خشم طيب فأنا عندي نفس المشكله بالمكيف اول ما أشغله يأخذ له وقت ما يبرد حوالي 7 دقائق وبعدها يثلج ولله الحمد أما العزم فأنا أعاني منه معاناة حدث ولا حرج خصوصا إني ما ركبت فرارات

اما بالنسبة للكمبرسر البديل فما عندي خلفيه عن هالموضوع

ولكم التحيه والتقدير جميعا