لخبراء الترهيم والتعديل بالنيسان باترول ( عسول عنده مشكله ) [الأرشيف]

التعـ King ـديل

27/05/2009, 02:15 AM

السلام عليكم ورحمه الله وبركاته

يمكن البعض يعرفني والبعض لا بس مو هذا موضوعنا انا مدمن شي اسمه باترول وموتري كان كربريتر وقلبته بخاخ لقيت لي مكينه باترول خليجي ماشي 80 الف

طبعا الموتر مخزن وله 3 سنوات مااشتغل ولا تحرك من مكانه يعني محركاته نظيفه جدآ المهم مالكم بالطويله انا ركبت المكينه عند كراج بالامارات واشتغل الموتر معي

وانا راجع للسعوديه بعد يومين من تركيب المكينه وانا ماشي حوالي 160 بالخط وقفت لاني سمعت صوت بالكفر قلت بشيك عليه اول ماوقفت الابنص كان مرتفع مره

وصل لحد ال 3 كني داعس عليه دعست له دعستين ابيه ينزل مانزل تركته شوي وبعدين كملت مشواري ويوم جيت اوقف عند محطه اشتري اغراض ومويه

وانا بوقف الموتر طفى شغلته واشتغل بس الابنص ( الضغط ) يلعب يطلع لرقم 1 وينزل لحد الصفر ويطفى الموتر وقعدت على هالحاله لين وصلت الرياض وانا كل

ماوقفت طفى الموتر وديته لكم ورشه ومحد عرف علته والى كتابه هالموضوع والموتر على حاله الابنص يلعب مابين الصفر والواحد واذا مشيت يمشي معي عادي

بس اول مااوقف يطفى الموتر وارجع اشغله يشتغل معي عادي ممكن احد يفيدني وش المشكله ووين حلها ؟؟؟؟؟

.. PATROL ..

27/05/2009, 02:46 AM

الله يعينكم ماعندي علم والله

شمالات نجد

27/05/2009, 03:18 AM

كل مشكله ولها حل

الله يوفقك لما فيه الخير

عاشق البسيتين

27/05/2009, 04:01 AM

الحل وانا اخوك شف تلقا فوق الماكينه حساس حق الانبص اللي يتحكم بالعداد اول شي افصله ورجعه وانت مطفي الموتر وبعدها شغل الموتر وجرب الحركه هذي والموتر شغال بتلاحظ ان الانبير يبي يثبت مابين الواحد والاثنين اول شي وبعدين حركه الحساس شوي ودس له دوسه خفيفه بس لانه مع الدوس الكثير والمطارد خاصه للباترول اذا قلبته من كلبليتر الى بخاخ يالغالي وماعليك من احد انا اعرف واحد معه باترول ربع موديل 92 فك مكينته وحط عليها مكينت فتك وماشالله مافي مكان ماقنص فيه جرب اللي قلتلك وماعليك انشالله

طلآل

27/05/2009, 08:15 AM

السلام عليكم ..

اول شي راعي الموتر حر بحلاله وموتره لو يركب مكينة لانسر وش تطلبونه !! والله العقوبه بعض هالناس لا اسلوب في رد ولاهو الي حل مشكلتك

عسول الله يعطيك من خير الموتر ويكفيك شره بالنسبه للموتر اتوقع انه يبي له تصفيه

هالمشكله صارت معي مره لكن بفكسار بالضبط مثل الي صاير معك وطلع السبب ان فيه هوز كبير حق الهوى من المكينه ماني عارف اسمه بالضبط اتوقع هوز الشوته كان فيه شق ويهرب الهوى وكان الامبير يلعب من 1 لصفر ويطفي شيك على هالسببين يمكن منهن والله يسهل امورك ويحل مشكلتك باقرب فرصه

دفي الوقت

27/05/2009, 10:54 AM

السلام عليكم ورحمه الله وبركاته

يمكن البعض يعرفني والبعض لا بس مو هذا موضوعنا انا مدمن شي اسمه باترول وموتري كان كربريتر وقلبته بخاخ لقيت لي مكينه باترول خليجي ماشي 80 الف

طبعا الموتر مخزن وله 3 سنوات مااشتغل ولا تحرك من مكانه يعني محركاته نظيفه جدآ المهم مالكم بالطويله انا ركبت المكينه عند كراج بالامارات واشتغل الموتر معي

وانا راجع للسعوديه بعد يومين من تركيب المكينه وانا ماشي حوالي 160 بالخط وقفت لاني سمعت صوت بالكفر قلت بشيك عليه اول ماوقفت الابنص كان مرتفع مره

وصل لحد ال 3 كني داعس عليه دعست له دعستين ابيه ينزل مانزل تركته شوي وبعدين كملت مشواري ويوم جيت اوقف عند محطه اشتري اغراض ومويه

وانا بوقف الموتر طفى شغلته واشتغل بس الابنص ( الضغط ) يلعب يطلع لرقم 1 وينزل لحد الصفر ويطفى الموتر وقعدت على هالحاله لين وصلت الرياض وانا كل

ماوقفت طفى الموتر وديته لكم ورشه ومحد عرف علته والى كتابه هالموضوع والموتر على حاله الابنص يلعب مابين الصفر والواحد واذا مشيت يمشي معي عادي

بس اول مااوقف يطفى الموتر وارجع اشغله يشتغل معي عادي ممكن احد يفيدني وش المشكله ووين حلها ؟؟؟؟؟

هلا اخوي انا عندي نفس المشكله وهذي ياطويل العمر ماتخوف كل ماعليك تلقى حساس البخاخ اللي فوق فلتر الهواء وانت مشغل السياره افصله وركبه بسرعه قبل تطفي السياره تلاحظها صفت بس الاحسن تغير هالحساس لان المشكله والله واعلم منه خربان تلقاه بالتشليح بحوالي 800 ريال لانه غالي بالوكاله

ومشكله الباترول البخاخ وانا اخوك هي الحساسات لاتلعب بالموتر وتوديه لاي واحد موترك زين والمشكله هي بس اللي قلت لك لانها مبهذلتني بالباترول حقي يعني ضغط الهواء يطلع وينزل لين يطفى الموتر ويمكن يطلع من الشكمان بعد دخان اسود مع هالحركه صح؟؟؟؟

والحل الثاني ارفع على الابنص شوي وترتاح يعني ماتجيك الا نادر

شاهين تميم

27/05/2009, 11:01 AM

الله العالم مثل ما قالوا الشباب حساس الهواء
بس انا اقول شيك على الاسلاك حقت الحساسات يمكن تلاقي فيها مفصول والا منقطع

راعي الطلعات

27/05/2009, 11:08 AM

الله يعينك على البخاخ وبلاوي الكمبيوتر حقه بس ما عليه اذا صرة حريص عليه وتوديه ورشة مضبوطه تعرف في الكمبيوتر والحساسات راح ان شاءالله تفيدك فيه ورشه عند مخرج 17 معروفه في اصلاح الكمبيوتر والحساسات خاصه جيوب الباترول لائنه مو كثير يعرفون لها

اذا عرفة بس اسم الورشة راح ارسل لك رساله لائن تعرف الكمبيوتر مو سهل وقيمته 1800 تقريابا

وبالتوفيق

التعـ King ـديل

27/05/2009, 03:34 PM

اشكر كل من علق على الموضوع وبالنسبه للي قالي ليش تغير المكينه وكتب لي كلام حلو اقوله بيض الله وجهك

الشغله الثانيه انا ابي البخاخ لاني بعدل فيه شغلات ماتجي على الكربريتر

ابوفيصل السهم

27/05/2009, 07:35 PM

السلام عليكم
شف حساس الهواء اللي قالو الشباب عنه وانتبه للاسلاك لاتصير مفصوله وكذالك خرطوش الهواء الكبير اللي بين الحساس والثلاجة لايصير منشق والله يوفقك

التعـ King ـديل

29/05/2009, 02:18 AM

اخواني الاعزاء اللي يبي يساعد بحل المشكله حياه واللي بيتلفظ مثل الاخوان اللي فوق ترا لي لسان واقدر ارد عليه

انا عسول ارد على مشاكل الاعضاء بنفس طيبه فيما اعلم وعمري ماقلت لواحد انت خبل ولا انت ماتفهم والكل يشهد

علي ويعرفني زين لا بشرح ولا بمعالجه مشكله واللي عنده اعتراض على كلامي يرد علي الان هنا ويقولي وش براسه

للمره الاخيره اللي عنده كلمه طيبه يقولها ولا يصك فمه شغل الزحمه والكلام الفاضي ماله داعي خلونا حبايب واخوان

أبوالمثنى

29/05/2009, 09:45 AM

اخواني الاعزاء اللي يبي يساعد بحل المشكله حياه واللي بيتلفظ مثل الاخوان اللي فوق ترا لي لسان واقدر ارد عليه

انا عسول ارد على مشاكل الاعضاء بنفس طيبه فيما اعلم وعمري ماقلت لواحد انت خبل ولا انت ماتفهم والكل يشهد

علي ويعرفني زين لا بشرح ولا بمعالجه مشكله واللي عنده اعتراض على كلامي يرد علي الان هنا ويقولي وش براسه

للمره الاخيره اللي عنده كلمه طيبه يقولها ولا يصك فمه شغل الزحمه والكلام الفاضي ماله داعي خلونا حبايب واخوان

أنا أشهد أنك ترد على مشاكل الأعضاء وأنك رجال محترم

بيض الله وجهك ورفع الله قدرك

ابوطاقية

29/05/2009, 10:17 AM

فيه بتشليح النظيم ورشه لشباب سعوديين شغلتهم ترهيم باترول وبرمجه وغيره يمكن ينفعونك

التعـ King ـديل

29/05/2009, 05:27 PM

تسلم والله يابو المثنى نورتني طال عمرك

ابو طاقيه قصدك حق العنزي محمد اللي على الشارع العام ولا غيره وياليت تجيب لي رقم تلفون لهم لاهنت

ابوطاقية

30/05/2009, 10:32 AM

تسلم والله يابو المثنى نورتني طال عمرك

ابو طاقيه قصدك حق العنزي محمد اللي على الشارع العام ولا غيره وياليت تجيب لي رقم تلفون لهم لاهنت

للاسف موب عندي التلفون الحين لاكن بوصفلك
ثالث مدخل للتشليح وانت جاي من الرياض تحصل الورشه باخر الشارع على اليسار

ابو غلآ

29/07/2010, 12:44 AM

انا صارت معي نفس المشكله وانا طالع للكويت اذا هديت عن مطب ولا تقاطع يطفي الموتر وطلعت العله من الكويل بدلته والسلك حقه وصفائ موتري اتمنى اني افدتك

مخاوى ابوه

29/07/2010, 03:55 AM

اذكر صارت لى تقريبا نفس المشكله على باثفندر
الظغط قام يلعب
ثم شوي وطفى الموتر
وطلعت المشكله من هوز حق الهواء انقطع وجاب العيد :d

ودى اقولك عن المكينه بس شكلك شايش :d
الله يوفقنا واياك

فارس العيون

29/07/2010, 05:23 AM

اخوي عسول...

الحساس لاتشريه من التشليح ...

ان طلع منه ارسل لي رساله على الخاص اوصف لك محل يبيعه ب1000 ريال جديد مع القطعه اللي هو راكب عليها

ابو عود

29/07/2010, 02:06 PM

شيك على الحساس

وثاني شي شيك على اسلاك الديلكو والفيش حقه

واسلاك الديلكو

وردلي

سراب الوقت

29/07/2010, 06:24 PM

والله العالم ان عندك حساس الهواء فيه مشكله

بدوي جنوبي

29/07/2010, 11:56 PM

ينقل لقسم الاعطال

abo-lma

30/07/2010, 07:29 AM

ياهلا وغلا بعســـــــــــــــــــــــول

كرمآ وليس أمرآ ارسلي رقم مجالك على الخاص

أبيك لاهنت

موفق خير