المساعد الشخصي الرقمي

مشاهدة النسخة كاملة : سؤال عن الGX-R


الضيغمي
11/06/2004, 02:42 PM
السلام عليكم ورحمة الله وبركاته


حياكم الله يالربع

عندي مشكلة سلمكم الله من كل شر

وهي ان الجيب GX-R كلبليتر

دائما ًيحتاج له تصفية

مرة يقطع
ومرة صعوبة بالتشغيل

وعد واغلط من المشاكل

واذا سويت له تصفية مثلاً بالوكالة يرجع للوضع الاول بسرعة

والمشكلة الثانية انه يأثر ( يدمر ) البواجي

ارجو منكم الافادة والحل لا أراكم الله مشاكل في سياراتكم

شكراً مقدماً للجميع
ذيب مجيرة
11/06/2004, 10:02 PM
كم مديلة ؟

وغريبه 00 يمكن البلا من المحطة اللي تعبي منها

ترا اغلب المحطااااااااااااااات دماااااااار وتربات وبلا وجلا

والجي اكس ار مهوب راعيها ابد

هذاك الشروكي والله
الضيغمي
11/06/2004, 11:00 PM
اخوي ذيب

هلا بك يالغالي


الف شكر على المرور والاهتمام


بالنسبة للموديل 97

اما المحطة ؟
ما اعتقد انها هي السبب لان ما احد شكى منها

ما زلت انتظر المزيد
مشغول
12/06/2004, 10:22 AM
هلا بالجميع

اعتقد ان التانكي مترب يعني مو نظيف يعني يبيله تنظيف

نظف التانكي وان شاء الله يزين معك والله يوفقك

وهلا بك
تبريزة
12/06/2004, 11:44 AM
بصراحة من اول ماقريت الموضوع قلت المحطة ويوم نزلت للردود

لقيت الشباب ماقصروا

غير المحطة وانشاءالله راح تلاحظ الفرق

ونظف التانكي بعد


مشكورين والله يجزاكم خير


وشكرا

اخوكم
تبرزة
الربذي
12/06/2004, 02:51 PM
اخو لاتنسى الصفايات حقات البنزين او قد يكون من الكويل وغير البويبينة قد يكون لها اثر لان نفس المشكلة عندي بس انا كويل عادي نيساان مو كهرب زي التايوتا
ذيب البر
12/06/2004, 03:04 PM
أنا اقول مستحيل البلا يصير من الكلبليتر اكيد من التانكي او البنزين


لان كان معي موديل قديم اسويله تصفية ويضبط ولا يقطع ولاهم يحزنون ويطول على ذا الحال

وهو تمام ما نشد عن تصفية لكن اقول تأكد من التانكي


تحياااااااااااااااااااااااااااااااااتي
الضيغمي
12/06/2004, 04:18 PM
السلام عليكم ورحمة الله وبركاته




ياحظ من هو رفيق ً للمكاشيت=لامن طرا له حاجت(ن)افزعوا له

الاخ مشغول

الف شكر على المرور وعلى الراي الطيب غفر الله لك ولوالديك




الاخ تبريزة

جزاك الله خير على المشاركة مرورك غالي يالغالي


الاخ الربذي

بارك الله فيك ما قصرت يالغالي



الاخ ذيب البر

الله يجزاك الجنة

بارك الله فيك على الراي المفيد من واقع تجربه


في آمن الله جميعاً
فتى شنه
13/06/2004, 11:42 AM
السلام عليكم ورحمة الله وبركاته

اخوي الضيغمي انا عندي نفس المشكلة وزياده على ذلك صرف البنزين
جيب تايوتا موديل 94 هناك عيب تصنيعي في الكلبليتر فكثرة الشكاوي على عبداللطيف جميل

وكان مبلغ الكلبليتر 3000 وعليها كسور فنزل الى 750 ريال
ارخص من كلبليتر الددسن كلبليتر الددسن 1100 ريال
وعلاوة على ذلك حتى التنظيف ماينفع شهر بالكثير وترجع المشكلة

حتى الجديد يكد اربع او خمس سنوات وترجع المشكلة ..................

وتبي النصيحة خذلك جديد ويكد اربع سنوات وغيررررررررررررة......................


وشكككككككككككككرا على مشاركة الشببببببببباب........



ارجوا الافادة والسلالالالالالالالالالام عليكم:D :D :D :D
العود الازرق
13/06/2004, 01:47 PM
كثير من الاصدقاء معهم لاند قديم وجديد ما سمعت واحد منهم اشتكى من الكلبليتر. لكن نظف التانكي ويزبط
عباث
15/06/2004, 04:16 AM
السلام عليكم ورحمة الله وبركاته
اخوي بعد تنضيف التانكي و الصفايات غير الكلبليتر كامل لانه اذا فك اكثر من مره ماعاد يصلح
خاصه ان كلبليتره الاصلي رخيص مايتجاوز 600 ريال وتنتهي باذن الله كل المشاكل
من بواجي ومن صرف بنزين زايد ومن تصفيه0
وكلاامي هذا من واقع تجارب

ولك تحياتي اخوك عباث
الربذي
15/06/2004, 11:41 AM
اثرك شاعر ماشاء الله عليك اتحفنا بالمزيد :good: :good:
الضيغمي
15/06/2004, 11:35 PM
السلام عليكم ورحمة الله وبركاته


الاخوه الاعزاء

فتى شنه

العود الازرق

عباث

شكراً جزيلً على مروركم واهتمامكم

وارائكم الطيبة اللتي تنم عن خبره

بارك الله بالجميع


الاخ الغالي الربذي

تكفى لا توهقنا:D



مانيـب لا شاعـر ولا مطربانـي=ولا ني على دروب القصايد بلحـاق
غير الخواطر يـوم قلبـي نخانـي=حيث ان قلبي للشعـر دوم عشـاق
مريقب العيفار
19/06/2004, 03:12 AM
أخونا الضيغمي

وش صار عليك مع الموتر

ضبط والا الى الآن

اخبرنا عن النتيجة لو سمحت

ان كان ضبط وش سويت فيه؟
الضيغمي
20/06/2004, 04:43 PM
السلام عليكم ورحمة الله وبركاته

مساك الله بالخير اخوي العزيز مريقب العيفار


الحقيقة الشباب ما قصروا وانا إن شاء الله

سوف انظف التانكي لاني اقتنعت بكلام الشباب

لاكن ظروف العمل ما تسمح !!!!

بس اول ماانظفة سوف ابلغكم إن شاء الله تعالى

شكراً اخوي

في امان الله
ابولينه
21/06/2004, 01:43 AM
اعتقد ان مشكلتك ياخوي من زيادة البنزين في الكربريتر ,
خصوصاً انك اتقول ان البواجي كمان تتاثر , لو كان التانكي به قشاريب ولا اغبار
الخلل ما يتعدا الكربريتر , وهذا ما يمنع انك اتتنضفه ,
واقول انك تحاول توزن عوامة البنزين في الكربريتر عند المهندس وطبعن هي مالها وزنيه ,
يظغط عليها باليد , وبعدها يوزن الهواء , وان شاء الله بيظبط الموتر ,
وعلى العموم كربريتر الجيب جبار والتنظيف ينفع فيه , بدون ما تغيرله اصلاح

والسلام