مشكلة صوت في جيب باجيرو

[هارلي]

السلام عليكم ورحمة الله وبركاته
صبحكم الله بالخير ياخوان وعساكم بخير
عندي مشكلة في سيارتي الباجيرو 2005 وهي انه من تقريبا شهر طلع صوت في السيارة ما يطلع دايم باليوم مرة او مرتين او اكثر واحيانا يجلس كم يوم ما طلع
الصوت هو عبارة عن زي الاحتكاك او شيء ماسك ( مجيم ) وذلك بعد ما اتحرك ولما اوقف السيارة وقبل التوقف باجزاء من الثانية يطلع صوت طقة زي اللي فك ويروح الصوت واكمل خطي عادي
اتمنى اني القى عندك حل المشكلة لاني ماودي اودي السيارة لورشة ويتعبثون فيها والوكالة غالين ولا بيناضرون السيارة الا بعد كم يوم يعني تعطيل
ولكم جزيل الشكر

[هارلي]

الموضوع للرفع

[رجل كريم]

وعليكم السلام ورحمة الله وبركاته

ابدأ بأبو بلاش فك الصاجة الحديد اللي تحت الصدام والمكينة مباشرة. لاتربطها ولا شي فكها يوم وشوف اذا اختفى الصوت فالامر هين واذا ما اختفى غير ربلات التوازن الامامية وعددها 2 ربلة وسعرالحبة 25 ريال وشغل يد 20 الى 30 ريال . اذا استمر الصوت فشيك على كراسي المكينة ممكن يكون فيها قطع .

انا عندي باجيرو وسبق تعرضت لمثل هالموقف .

الله ييسر امرك .

تحياتي .,

[هارلي]

الله يجزاك خير على ردك وابشيك على اللي انت قلت واعطيك خبر وان شاء الله ينفع
شاكر لك ردك

[فهدالغيهب]

وأنا أخوك وين تحس الطقة تطلع منه من المكينة أو من الكفرات اومن وين؟

[هارلي]

والله الصوت احس انه من قدام من وسط السيارة بس بالضبط من وين هل هو من بين المكينة والقير او من العامود او من طرمبة الماء وما جاورها الي مربوطة بالسير

[هارلي]

مريت اليوم على ميكانيكي وقال يمكن انه الرمان بلي للكفرات الامامية او فحمات الفرامل اليدوية ( الجلنط ) بس يقول ما اقدر اسوي لك شيء لين اسمع الصوت لانه طلع معي تقريبا ربع ساعة ولا طلع الصوت ويقول اصبر لين يصير الصوت موجود ومستمر بعدين تعال ونحدد المشكلة وين هي فيه

[رجل كريم]

مريت اليوم على ميكانيكي وقال يمكن انه الرمان بلي للكفرات الامامية او فحمات الفرامل اليدوية ( الجلنط ) بس يقول ما اقدر اسوي لك شيء لين اسمع الصوت لانه طلع معي تقريبا ربع ساعة ولا طلع الصوت ويقول اصبر لين يصير الصوت موجود ومستمر بعدين تعال ونحدد المشكلة وين هي فيه

اذا كانت سيارتك تعدت الـ 300 الف كيلو متر فهذا شيء آخر اما اذا لم تتجاوز هذه المسافة فلا تصدق ابدا ان الرمان بلي هو السبب ولا الفرامل اليدوية ..
جلد التوازن الامامية وياريت تبدأ بتغييرها حتى لو ظهرت انها سليمة لانها قد تكون مرنة وليس بها قطع .
تأكد من كراسي المكينة بها قطع او تحتاج تربيط.
تأكد من كراسي الجير بها قطع او تحتاج تربيط.
صاجة الحمياية السفلية قم بفكها وتجربة السيارة .

بالتوفيق.,

[ahmad douglas]

السلام عليكم ورحمة الله وبركاته
صبحكم الله بالخير ياخوان وعساكم بخير
عندي مشكلة في سيارتي الباجيرو 2005 وهي انه من تقريبا شهر طلع صوت في السيارة ما يطلع دايم باليوم مرة او مرتين او اكثر واحيانا يجلس كم يوم ما طلع
الصوت هو عبارة عن زي الاحتكاك او شيء ماسك ( مجيم ) وذلك بعد ما اتحرك ولما اوقف السيارة وقبل التوقف باجزاء من الثانية يطلع صوت طقة زي اللي فك ويروح الصوت واكمل خطي عادي
اتمنى اني القى عندك حل المشكلة لاني ماودي اودي السيارة لورشة ويتعبثون فيها والوكالة غالين ولا بيناضرون السيارة الا بعد كم يوم يعني تعطيل
ولكم جزيل الشكر

السلام عليكم أرجو الافادة أنا عندي باجيرو 2006 3.8 أعاني من نفس المشكلة ولما رحت الوكاله قالو لي إنه سويتشات الفورويل تحتاج الى تغيير وتكلف حوالي 5000 وادا ما غيرتها يتأثر على الجير

[ahmad douglas]

مع العلم انه السيارة ماشيه 50000 بس