استفسار بخصوص مساعدات اليوكن

[تبريزة]

.
.
.
.
.
.
السلام عليكم ورحمة الله وبركاته


اسعد الله اوقاتكم بالخير والمسرات


عندي استفسار بخصوص المساعدات الخلفية حقت اليوكن 2003 قصير ماشاء الله :D



اشوف خلف المساعد فيه زي الماطور ومشبوكات بواسطة لي الى المساعد واستنتجت انه المساعد هيدروليك او غاز او حاجه زي كذا لأنه له صوت اول مايشتغل الموتر


المهم اذا تعديت 120 واخذت هويه يبدء الموتر يلعب فتوقعت انه المساعدات رايحات فيها


هل اقدر اني اغير المساعدات هذي واركب مساعدات عايديه مثل جبريل ولا اي مساعد ثاني



وايضا ودي اغير المساعدات الاماميه فـ وش افضل مساعدات اماميه تركب لليوكن ^_^


ودمتم بحظ الله ورعايته

[faris2006]

السلام عليكم
ممكن تغيرها بمساعدات عادية


ملاحظه:-
افصل الكهرباء عن الماطور ولفه ببلاستك او فكه وسد المواسير للاستفاده منها في مابعد

[تبريزة]

الله يعطيك العافية يابعدي،، ريحتني الله يجزك خير

لأن المساعدات اللي فيه هذي سمعت انها غاليه بالحيل

طيب ما ذكرت لي وش افضل المساعدات الله يجزاك خير

[H5N1]

السلام عليكم ورحمة الله وبركاته
بالنسبة لمساعدات اليوكون أحب أطرح عليك استفسار بسيط عن التوازن في السرعات العالية :
هل تأكدت من حالة الكفرات جيدا وأن مافيها تحبيل أو تنفيخ في الدعسة أو جوانبها الداخلية والخارجية؟
لأن هذا صار معي وتوقعت بأنه من المساعدات وغيرتها وماتغير شي واكتشفت بأنه من أحد الكفرات .
أما المساعدات الهواء فهي مربوطة بكمبيوتر مركزي يعمل على توازن السيارة ويوجد خلف الديكور الخلفي الأيمن تحت الولاعه بجوار المكيف الخلفي ولابد من فك الديكور كاملا للوصول إلى هذا الكمبيوتر
ولكن ليس هناك فائدة من الوصول إليه .
وأقول لك باختصار:
عند تغيير المساعدات الهواء بأخرى عادية فيعني هذا أنك سوف تلغي نظام التوازن RTD مما يعني ظهور رسالة في مركز الرسائل أمامك وبخلفية تحذيرية ( برتقالية ) طوال الوقت وفيها
SERVICE RIDE CONTROL
وليس لها حل إلا بوضع مقاومات كهربائية لكل حساس لتعطي قراءة صحيحة للكمبيوتر بأنه لايلزم تعديل وضع أو ارتفاع السيارة عن طريق التحكم في المساعدات.
ملاحظة بسيطة : إذا قمت بعملية فصل الكمبيوتر الخاص بهذا النظام ف ( تحمل مايجيك !!! ) يصبح التحكم في السيارة صعبا جدا وأقل حركة من الممكن أن تحرف السيارة عن مسارها .
ولمعرفة ما إذا كانت المساعدات لديك سليمة أم لا فاستمع إلى الموتور الخاص بها عند تشغيل السيارة فإذا زادت مدة عمل الموتور عن 30-50 ثانية تقريبا وسمعت صوت تنسيم من المساعدات فالله يعينك لازم تغيرها .
ومن تجربتي في المساعدات ركبت الأصلي وبعد فترة لقيتها عطلانه وركبت منذ حوالي سنة مساعدات مونرو وهي جيدة وعليها ضمان .
وآسف جدا على الإطالة ولكم تحياتي .

[تبريزة]

الله يعطيك العافية وبيض الله وجهك

بصراحه كلام مفيد وبالصميم

على فكره اليوم كلمت النويصر وقال عايدي نقدر نفكها ونركب لك عايديات وبالعكس الشغله بسيطه لكن ماتطرقنا لسالفة انه تطلع لك رساله بالشاشه وتقول هالمسج اللي ذكرته

ومن ناحية المساعدات الاماميات كنت مفكر بحقات الفي اكس ار ،، مجرد تفكير ولا سمعت انه احد جربها قبل ،، لكن بما انك مجرب المونرو ،، افضل اسمع شور واحد مجرب ولا اقعد ابربس انا

بيض الله وجهك

عساك سالم

[تبريزة]

غيرت اللي قدام وركبت مونرو

وطلع لي بالشاشه رساله يقول ( تصليح صلابة التعليق ) او حاجه زي كذا

المهم فصلت اصبع البطارية ولا راحت

ماادري وش الحل

[كبسولة2]

الله يكون بعونك

[صدى1]

السلام عليكم ورحمة الله وبركاته
من باب التعاون اطرح لكم تجربتي مع تغيير مساعدات التاهو من كهربائيه الى عاديه:-
مثل ماقال الاخوان بعد تغييرها يطلع المسجSERVICE RIDE CONTROL
والحل عندي وانا ابو ........
الحل بسيط جدا
اولاً احضار منشار حديد
ثانياً نشر رأس المساعدات الكهربائيه بمفدار خمسه سانتي او حد نهاية السنن
ثالثاً شرطنة محل النشر حتى لاتسقط الابره
رابعاً تركيب الجزء المقصوص في الافياش بتاعت المساعدات وبالتالي تطفى المبات
خامساً الشكر للجميع

[صدى1]

عفواً يااخوان الشغله مازبطت
الرساله SERVICE RIDE CONTROLبعد كم يوم عادت والحل:-
تشبيك لمبه في الفيش بتاع المساعد وبكذا تزبط الشغله
وشكرا

[فهد الفراج]

مر كهربائي وهو يشوف السالفه ولا يكنسل المبه الي تولع

[yukon sniper]

بسم الله الرحمن الرحيم


السلام عليكم ورحمة الله وبركاته ........

اود شكركم لهذة المشاركات القيمة والتي افادت كثير من الناس لكي لا يوقعو في ايدي مهندسين لا ضمير لهم الا من رحم ربي . وجزاكم الله خير والى الامام ...

موضوعي : اليوكن 2007 استخدام امريكي ؟
1- ارغب في معرفة حساس الهوة اي منهما خربان كيفية التحديد اي واحد منهم
2- عندي ريموت السيارة لا يوجد عليه وضعية التشغيل عن بعد هل اذا غريت الريموت بالنوع الذي يوجد به وضعية التشغيل هل يعمل بتشغيل السيارة عن بعد .

[prof2]

انا اعتبر هذة افضل ميزه باليوكون وما تحس في قيمتها الي في الطبات والتحميل فحرام تشيلها

[مزاااجي300]

طلعت SERVICE RIDE CONTROL


يا اخوان ماهي طريقة ابعادها

تكفوووووووووووون

[كديان]

اخبر احد الاخوان خربت عليه مساعدات يوكون م2008
و كان قيمته بحدود ال4000ريال
ركب له مساعدات عادية بورشة ببريدة على كلامه مع شغل اليد ب600ريال

[مزاااجي300]

طلعت SERVICE RIDE CONTROL


يا اخوان ماهي طريقة ابعادها

تكفوووووووووووون


مازلت انتظرررررررررر

[ابووساام]

السلام عليكم ورحمه الله وبركاته
بالنسبه لابعاد الرساله التحذيريه SERVICE RIDE CONTROL اولا افصل اصبع البطاريه السالب

ثانيه افتح صندوق الفيوزات تجد على الغطاء فيوز RTD 30 amp اسحب الفيوز واحتفظ فيه يمكن تحتاجه وبعد 45 دقيقه اشبك اصبع البطاريه

بعدها افتح السيوتش على on حتى يختفي صوت الجرس وهذي الطريقه الصحيحه للتشغيل بالمناسبه وشغل الموتر وبأذن الله راح تختفي الرساله التحذيريه دعواتكم لي ولواليدي

[السيف الاول]

طلعت SERVICE RIDE CONTROL


يا اخوان ماهي طريقة ابعادها

تكفوووووووووووون
السلام عليكم انا

غيرت المساعدات الخلفية من هيدروليك الى عايدي وطلعت لي رساله
(يجب تصليح نظام التعليق)
سألت المهندس قالي اذا تبغىى الرسالة تروح لازم عمل سوفت وير للكمبيوتر وبيكلف حوالي 200 ريال
الورشه اسمها دار السلام
المهندس احمد

[الود طبعنا]

ايهما افضل مساعد لليوكن من ناحية القوه والليونه هل هي :
مساعدات مونرو
مساعدات بلستين الفضي
او مساعدات دبنسون الاصفر
ارجو من عنده اجابه تكون اجابته من واقع تجربه او متاكد من اجابته