من تجاربي في الاعطال الغريبه في السيارات ادخل و اكتب تجربتك

[الجيب عزوه]

السلام عليكم و رحمة الله و بركاته

اخواني اعضاء منتدى مكشات

كثير هي التجارب اللتي نمر بها في اصلاح او صيانة السيارات

خاصه الاعطال الغريبه و اللتي يحتار فيها الميكانيكيين او الكهربائيين

فاحببت ان اطرح هذا الموضوع لعل اننا نفيد ونستفيد
من تجارب بعضنا في صيانة السيارات و معرفة و تحديد اعطالها


( من تجاربي في الاعطال الغريبه )

ارجو التفاعل في ذكر تجاربكم

و سابدا بذكر هذه التجربه اللتي مررت بها

حصلت طقم كفرات مستعمل بحاله ممتازه
و اغراني سعره ركبته على السياره و سلمت السياره للسواق

وبعد فتره قال لي السواق فيه صوت في السياره
و المشكله ان السياره موديلها حديث و بحاله ممتازه
جربت السياره والا الصوت زي صوت الكرونه
كشف اول ميانيكي و قال الدفرنس و الثاني قال يمكن
من رمانات العكوس رفع السياره و دور الكفرات سليمه

المهم ما اقتنعت

و الثالث ساق السياره و رجع و رفعها و فحص الكفرات
و حصل في الاربعه كلها اثر فرامل قوي

و قال لي غير الكفرات و يروح الصوت

اثر الفرامل ماكل من الكفرات لان الفرامل على سرعه عاليه
و هذا اللي يطلع الصوت غيرت الكفرات و فعلا راح الصوت

تجربه احببت ان اذكرها لعل ان يستفاد منها



ننتظر مشاركاتكم

[مربط القعاسي]

بسم الله الرحمن الرحيم
اتشرف اني اكون اول واحد يكتب عن موضوعك اخوي
الممهم خذ القصه
واحد من الربع معه جمس قطاع عشرة دفرنسين المهم اذا مسك فرامل رج الموتر رجه غريبه وكلش سليم ميه الميه ويقوب مافيه ورشه ماوديته حتى بغيت اوديه للعزام من القهر المهم يقول غيرت فحمات اذرعه مقصات ربلات ركب كلش جديد واصلي المهم يوم انه مل من السيارة قال هذي اكيد فيها نفس بابيعها قام ورجع الموتر وكاله وغير جنوط الى مركبها كان مركب جنوط عراض 10 انش يوم رجع الجنوط الى وتروح الرجه مرررررررررررة وثر الرجه من الجنوط فيها واحد معفوط ولا بين انه معفوط حتى في الترصيص قام ورجع الجنوط وحط الجنط المعفوط وراء وضبط الموتر

وسلامتكم

[قطب 999]

السلف ما يدق فكيته نضفته من الكربون رجع وكاله

سلف ثاني ما يدق بس يصدر صوت تك تك حركت سللك الكهربا الواصل للدقمه اشتغل وعملت له شد بس يبي له فك ولحام نحاس
السياره تدخن اسود كنها فلاته اتضح ان الباب الصغير في قربة الهوا انفتح على الاخر ولا رجع رجعته باليد والوكاله يقولون يبي له فك الراس والبخاخ
فحص كمبيوتر للمكينه يقول تحتاج توضيب طلع فيه بوجي ما يعمل غيرته وانتهت رجة وتفتفة المكينه