انفوي وارد امريكي والحرارة، طلب مساعدة من اصحاب الخبرة

[بو فزاع]

السلام عليكم ورحمة الله وبركاتة

عندي انفوي Xl موديل 2003 وارد امريكي Slt وناوي اسافر به بس الحرارة عندي على النص

وهالأيام مع الحر زادت الى ثلاثة ارباع يعني باقي الربع وتوصل لمرحلة الخطر او الخط الأحمر

ومع الحرارة يضعف اداء المكيف واحيانا اثناء الوقوف

فحصت مروحة التبريد بس ما فيها شي

ابي شوركم يا جماعة الخير ويا اصحاب الخبرة

الله يجزاكم خير

[كبسولة2]

حرارته الطبيعية من مصنعه تحت النص بشرطة

والآن تقول الحرارة تتعدى فوق النص معناته فيه مشكلة عندك يبيلها حل

شيك على كلتش المروحة / طرمبة الماء / بلف الحرارة / ليات الماء

والخربان فيها غيره بأصلي بإذن الله ترجع زي الوكالة

وأنتبه تخلي مشكلة الحرارة تطول وماحليتها لأنها تظر لك رأس المكينة

[بو فزاع]

جزاك الله خير ياخوي

انا فحصتهم وكلهم مافيهم شي

بس في ناس قالوا لي غير الثرمستات الليي يتحكم بدخول الماء الى المحرك

[azaz]

وعليكم السلام
احتمال يكون الثرموستات تحتاج تغيير لانها ماتفتح الا علي درجة حراره عاليه .
ويمكن يكون يحتاج برمجة للكمبيوتر لان الامريكي يختلف بالمواصفات
اناكان عندي كابرس والحراره مثل ماقلت ثلاث ارباع وغيرت الثرموستات وبرمجة الكمبيوتر ورجعت الحراره طبيعي .(البرمجه للمراوح علشان متي تشتغل ومتي تفصل).