المساعد الشخصي الرقمي

مشاهدة النسخة كاملة : سؤال يا أهل اللاند كروزر


غربي هواوي
29/05/2009, 02:16 PM
السلام عليكم

كيف حالكم

انا عندي جيب لاندكروزر جي اكس ار شريته قبل فترة
لكن الاحظ ان في رائحة تطلع منه وانا اسوق السيارة مثل ريحة الفراش اللي جاية ما وتقارب لريحة ماء الرديتر سواء كان المكيف شغال او لا مادري وش السر

مع ملاحظة ان المكيف عندي اثناء وقوف السيارة يضعف تبريده واعتقد ان السبب مروحة المكيف

ارجو من اللي عنده معلومة يفيدني
ولكم خالص التقدير
قطب 999
29/05/2009, 02:38 PM
ممكن تهريب ماء المكيف لانسداد مجرى التصريف
غربي هواوي
29/05/2009, 03:34 PM
مشكووور

وراح اكشف على المكيف ومجاري تصريف ماء المكيف
راعي الركيات
29/05/2009, 03:40 PM
يبيلك تفك مروحت المكيف وتنظفها
كبسولة2
29/05/2009, 03:45 PM
فلتر المكيف أيضاً يطلع ريحة زي ريحة الثرى تراب مع ماء
الوسم
29/05/2009, 10:16 PM
ودي أسألك سؤال ؟؟

هل فيه نقاط مويه تنزل عندك في الغمارة من عند رجلين الراكب أعزك الله ؟؟؟

إذا كانت مجوده إظاهر المشكلة بسيطة وحتى إن لم تكن هناك مويه تقطر عندك في الغمارة

وبحسب وصفك للرائحة تأكد من لي تصريف موية الثلاجة الداخلية للمكيف اللي في الطبلون خلف الدرج

أتوقع أنها مسدودة أو ملتفه وينزل منها مويه على العازل الداخلي أللي هو أول طبقة بعد البدي

وأرجوا أن تفيدنا بعد الفحص لكي نتأكد من المشكلة ولا نطرح لك نفس الحل مرة أخرى
كاشت وحداني
30/05/2009, 01:37 AM
برظه بعطيك بعض الحلول :
1- شف الفلتر اللي يمسك الغبار
اعتقد يجي خلف الدرج امام الراكب الامامي .
2- قبل توقف ب 5دقايق افصل المكيف واترك المروحه شغاله . ( حل مؤقت للقضاء على الرائحه .
3- اذا تبريد المكيف ضعيف وزادت الرائحه وانت واقف واذا مشيت برد زين ( عندي اعتقاد انه بلف الثلاجه .
والله يدلك ويساعدك على حل مشكلتك قريب
غربي هواوي
30/05/2009, 03:08 PM
جزاكم الله خير وراح اكشف على جميع الاشياء اللي ذكرتوها

وشكرا
الساهر1
30/05/2009, 03:37 PM
الله يعينك الشباب ما قصروا
VXR.2007
31/05/2009, 02:51 AM
جزاكم الله خير وراح اكشف على جميع الاشياء اللي ذكرتوها

وشكرا

تكفى علمني وش صار معك تقريبن نفس المشكله
الوسم
01/06/2009, 01:44 AM
انت رايح تكشف على موترك في الصين ؟؟؟؟

أههههههههه

دعابة أرجوا أن تتقبلها بصدر رحب

بشر !!!

وش صار معك فحصت ؟؟؟

وش لقيت ؟؟
غربي هواوي
03/06/2009, 04:29 PM
ياليت بالصين
رحت مريت على ورشة قريبة مني ويقول مافيه شيء هذا بس الكمبروسر ضعيف خلية الين يخرب وغيره ؟؟؟

قلت طيب والماء والريحة قال كله منه او يمكن انه صيني الكمبروسر يعني راعيه مغيره !

وانا وانا اخوك رجال والله ماعندي وقت والله ودي ادور غيره او اخبص فيها انا يمكن اكتشف شيء


واسف على التأخير
برسلي الخالدي
03/06/2009, 07:24 PM
وارد عبداللطيف...؟؟

اذا خليجي يمكن الربله اللي بالقير واذا وارد عبداللطيف اقولك احرقه ابركلك
لانه كله تلفيق

تقبل تحياتي
(ابو عبدالله)
03/06/2009, 07:48 PM
اخي
الريحه سببها فلتر المكيف أيضاً يطلع ريحة زي ريحة الثرى تراب مع ماء

اما اذا وقفت السياره تضعف مروحة دفع الهوا فسبب ضعف في الكهربا تاكد من شد الاصابع والبطاريه لتكون ضعيفه

ولك تحياتي
غربي هواوي
03/06/2009, 08:49 PM
شاكر لكم مشاركتكم وردودكم وكلها في عين الاعتبار

اليوم بعد العصر مريت على واحد سوري كهربائي قبل سنة صلحت عنده مكيف
وقال لي سبب ضعف البراد اذا وقفت سببه الكمبروسر
ولقاه يهرب زيت بسيط وقال اغير لك الصوفة

وبالنسبة للرائحة يقول من الثلاجة
وقلت له خلاص اجيب لك السيارة بعد كم يوم