المساعد الشخصي الرقمي

مشاهدة النسخة كاملة : نداء لأهل الطعوس وخبراء الرمال والجيوب !!


alhtan
29/05/2009, 04:51 PM
السلام عليكم ورحمة الله وبركاته
الحمدلله فقد وفقني الله بشراء جيب لكزس امريكي ,,والح علي بعض الاصدقاء ان نذهب الى البر نجرب الجيب ونتمشى فيه(يبون يطاعسون الشبابhttp://www.assayyarat.com/forums/images/smilies/main/mad.gif ) ,,بس اخوكم عليمي بر, وهل ينفع جيب اللكزس للبر والرمل ,وايضا لأعرف كيف استخدام الدبل وهل يجب ان انسم الكفرات !!
فياليت اهل الخبره يعرضون خبرتهم هنا ويدلونني على اهم الاشياء اللي لازم اعملها عند نزولي للرمل ؟
وشكرا لكم
~EmPeRor~
29/05/2009, 05:01 PM
88888888888
يعطيك خيرة ويكفيك شره
حط الكفرات هواء الكفرات 10 <<<< ولاتنطل ولا تلف بقووووووة يطلع الكفر برى الجنط :(
وشغل الدبل واعقلها وتوكل
دهمان
29/05/2009, 05:02 PM
مساك الله اخوي بالخير اول حاجة جيب الكزس جيب قوي لكنه حساس جدا ويبيلك اذا كنت ابتطعس فيه نسم التواير افضلك لك عشان مايتفكك عليك وعشان يفرش التاير وامش عليه برفق.
راعي الركيات
29/05/2009, 05:06 PM
اولآ : مبروك السيارة الله يطعمك من خيرة ويكفيك شره

ثانيآ : اذا اللكزس مايتحمل اجل الكياء تتحمل

توكل علي الله ووسع صدرك ولا عليه خلاف بمشيئة الله
سحابه
29/05/2009, 05:17 PM
السلام عليكم اخوي
أولا: الله يطعمك من خيرة ويكفيك شره
ثانيا: إذا حبيت تدخل الرمال يجب عليك اتباع الآتي :
أ / تنسيم الكفرات حتى 10
ب / تشغيل الدبل
بعدين توكل على الله ولا تلف بسرعة حتى لانيفسخ الكفر عن الجنط
والله يهنيك
الدوسري دت كم
29/05/2009, 10:16 PM
هلى اخوي تراك راكب جيب يعني زي ماقالوا الشباب نسم الكفرات شوي قبل ماتدخل الرمل لازم قبل ماتدخل عشان ماتتوهق وبعدين لاتحرص انك تسحب احد مغرزعشان ماتتورط انت وياه والف مبروك
عابر القارات 2000
29/05/2009, 10:28 PM
دربك خضر وفالك الخير
ابن عكاش
29/05/2009, 10:33 PM
معليش ترى الهوى10 شوي والله لو انه هايلكس
شف إذا كنت تبي تتمشى وانت مرتاح حط 20 هوى وإن كان بتقطع شعيب رمل اوعريق نفود معترض عطه الدبل الخفيف وشد عليه شوي وماعليك مدام معك دبل
والله يبارك لك ويعطيك خيره ويكفيك شره
راعيية
29/05/2009, 10:34 PM
زى ماقالو الشباب اللة يعطيهم العافية.
الدوسري دت كم
29/05/2009, 11:15 PM
احسنت يابن عكاش ماعلى قولك قول
الضاحي
29/05/2009, 11:57 PM
جيب اللكزس يشتغل الدبل الخفيف (4h) فيه على طول (مشبوك على طول)

الدبل الثقيل يحتاج توقف السيارة تماما وبعدين تعشق الثقيل.

تنسيم الكفرات ضروري جدا قبل الدخول في الرمل والهواء عند 15 الى 20 كافي بس لا تلف بسرعة ولاتنسى تعيد تعبية الهواء بعد الرمل على طول (يعني يكون معك ماطور الهواء)

ومبروك الزين
alhtan
30/05/2009, 10:17 AM
88888888888
يعطيك خيرة ويكفيك شره
حط الكفرات هواء الكفرات 10 <<<< ولاتنطل ولا تلف بقووووووة يطلع الكفر برى الجنط :(
وشغل الدبل واعقلها وتوكل
مشكور اخوي ترانيم ,لكن حبيت اسألك عن هواء الكفرات هل 10 مناسب ام 20

مساك الله اخوي بالخير اول حاجة جيب الكزس جيب قوي لكنه حساس جدا ويبيلك اذا كنت ابتطعس فيه نسم التواير افضلك لك عشان مايتفكك عليك وعشان يفرش التاير وامش عليه برفق.
تسلملي اخوي دهمان وشاكر لك

اولآ : مبروك السيارة الله يطعمك من خيرة ويكفيك شره

ثانيآ : اذا اللكزس مايتحمل اجل الكياء تتحمل

توكل علي الله ووسع صدرك ولا عليه خلاف بمشيئة الله
شكرا لمرورك اخوي راعي الركيات
والله يبارك فيك وان شاالله بنتوكل على الله

السلام عليكم اخوي
أولا: الله يطعمك من خيرة ويكفيك شره
ثانيا: إذا حبيت تدخل الرمال يجب عليك اتباع الآتي :
أ / تنسيم الكفرات حتى 10
ب / تشغيل الدبل
بعدين توكل على الله ولا تلف بسرعة حتى لانيفسخ الكفر عن الجنط
والله يهنيك
جزاك الله خير اخوي سحابه وراح اطبق كلامكم

هلى اخوي تراك راكب جيب يعني زي ماقالوا الشباب نسم الكفرات شوي قبل ماتدخل الرمل لازم قبل ماتدخل عشان ماتتوهق وبعدين لاتحرص انك تسحب احد مغرزعشان ماتتورط انت وياه والف مبروك
عافاك الله اخوي الدوسري وبالنسبه لسحب المغرز هل يضر السياره؟

دربك خضر وفالك الخير
الله لايهينك اخوي عابر القارات شكرا لمرورك

معليش ترى الهوى10 شوي والله لو انه هايلكس
شف إذا كنت تبي تتمشى وانت مرتاح حط 20 هوى وإن كان بتقطع شعيب رمل اوعريق نفود معترض عطه الدبل الخفيف وشد عليه شوي وماعليك مدام معك دبل
والله يبارك لك ويعطيك خيره ويكفيك شره
ربي يبارك فيك اخوي ابن عكاش ,,حبيت اسألك وش الفرق بين الدبل الخفيف والثقيل وكيف تكون وضعية القير عند تشغيلهم ,,ومعليش تحملوني شوي

زى ماقالو الشباب اللة يعطيهم العافية.
شكرا لمرورك اخوي راعييه

احسنت يابن عكاش ماعلى قولك قول
alhtan
30/05/2009, 10:28 AM
جيب اللكزس يشتغل الدبل الخفيف (4h) فيه على طول (مشبوك على طول)

الدبل الثقيل يحتاج توقف السيارة تماما وبعدين تعشق الثقيل.

تنسيم الكفرات ضروري جدا قبل الدخول في الرمل والهواء عند 15 الى 20 كافي بس لا تلف بسرعة ولاتنسى تعيد تعبية الهواء بعد الرمل على طول (يعني يكون معك ماطور الهواء)

ومبروك الزين
الله يبارك فيك اخوي راس الشهامه
بس حبيت استفسر عن الدبل الخفيف !كيف يشتغل في الجيب على طول؟
وايضا يوجد زر عليه علامة x هذا متى استخدمه ,,وقير الدبل الصغير يوجد فيه H و L برضه متى استخدمهم وهل صحيح انه لازم قير السياره يكون في وضعيات معينه او يكون في ال D
ناصر الدهمشي
30/05/2009, 11:12 AM
شكلك مغرز مغرز

نسمت الكفرات ولا شغلت الدبل

لازم تغرز علشان تتعلم :)

والتعليقه مالك عنها

ونصيحة اذا الموتر فيه كتيب الوكالة حاول تقرا كيفية استخدام الدبل

او مثل ماقالوا الاخوان

اذا الموتر تماتيك

اول شي نسم الكفرات من 25 الى 15 على حسب نوع الكفرات وعرضها

فض الموتر وشغل الدبل على الخفيف 4h

وذا تماتيك حطه 2 احسن من الدي لان الدي يبدل بسرعه مرات ويغشك

وخل دعستك خفيفة يعني لايرتفع الضغط عن 2 وذا فيه صعدات ادعس شوي

ولاتمسك بريك فجأه لانك من تشيل رجلك عن دعسة البانزين بالطعوس يوقف بسرعه

وترى مافيها شي ان غرزت يعني خلك عندك روح رياضية سواقين راليات يغرزون
WAW
30/05/2009, 12:00 PM
رح لحالك للبر وطعس وغرز وبنشر واطلع طعوس صغيره وانزل وتعلم كل شي بعدين خذ اصحابك جوله

لكن لاتنسى ماطور هواء ، وحبل سحب ، وماء
khaled99
30/05/2009, 12:36 PM
الدبل الخفيف شغال على طول مثل الفكسار..

و الزر اللي فيه علامة اكس...هذا طال عمرك يوزع العزم 50% على الكفرات الخلفية و50% على الكفرات الامامية...

اذا دخلت الطعوس اضغط الزر هذا واسمه قفل الدفرنس الوسطي..

والتنسيم كل ما نسمت كل ما ارتاحت السيارة...والحين الرمل في الصيف يكون ناعم مررررة...

فافضل شيء انك تنزل الهواء إلى 10 ولا تنزل عنها ابد..انا اللي احطه 12 او 13<<وشرايك في الدقة بس!!:d

والدبل الثقيل ما تشغله الا وانت واقف تماما والقير على الفاضي N ..

ولو فيه كاتلوج الوكالة...اطلع عليه يكون افضل...

بالتوفيق
سهيل تميم
30/05/2009, 12:41 PM
اول شي سم بالله ونسم كفرات من 15 الى 20 وانا اشوف ان 15 مناسبه وشغل الدبل الخفيف (كمبتدأ)

اهم شي لا رقيت طعس لاتاخذه سيدا ماتدري وش وراه..

يعني اذا رقيت خذه على جنب لأن احتمال يكون ورى هالطعس منحدر خطر..

ثاني شي وانت راقي الطعس وموترك بمنتصف الطعس طاح عزمه ((لااتديور لأن احتمال يثولث))

اذا طاح عزم موترك وانت راقي وقف ودق الريوس..

ومع الممارسه وكثرة التغاريز بتصير انشالله محترف :)
alhtan
02/06/2009, 01:09 PM
شكلك مغرز مغرز

نسمت الكفرات ولا شغلت الدبل

لازم تغرز علشان تتعلم :)

والتعليقه مالك عنها

ونصيحة اذا الموتر فيه كتيب الوكالة حاول تقرا كيفية استخدام الدبل

او مثل ماقالوا الاخوان

اذا الموتر تماتيك

اول شي نسم الكفرات من 25 الى 15 على حسب نوع الكفرات وعرضها

فض الموتر وشغل الدبل على الخفيف 4h

وذا تماتيك حطه 2 احسن من الدي لان الدي يبدل بسرعه مرات ويغشك

وخل دعستك خفيفة يعني لايرتفع الضغط عن 2 وذا فيه صعدات ادعس شوي

ولاتمسك بريك فجأه لانك من تشيل رجلك عن دعسة البانزين بالطعوس يوقف بسرعه

وترى مافيها شي ان غرزت يعني خلك عندك روح رياضية سواقين راليات يغرزون

مشكور اخوي ابوجزا على المعلومات القيمه
تصدق رفعت معنوياتي بالروح الرياضيه ,,:D
صليب الراي
02/06/2009, 01:38 PM
الشباب ما قصروا الله يعطيهم العافيه

احب انبهك ان الكفرات الإماميه لا تنزلها عن 15 قدر الإمكان لان خروجها من الجنط وارد بنسبه كبيره
لا تستعجل وتقعد تطامر زياده عن اللزوم الين راسك يضرب بسقف الموتر .. خذ الامور بالركاده .
alhtan
02/06/2009, 01:55 PM
رح لحالك للبر وطعس وغرز وبنشر واطلع طعوس صغيره وانزل وتعلم كل شي بعدين خذ اصحابك جوله

لكن لاتنسى ماطور هواء ، وحبل سحب ، وماء
هههههه رايك كذا اخلي الفضايح بعيده عن الشباب احسن :D

الدبل الخفيف شغال على طول مثل الفكسار..

و الزر اللي فيه علامة اكس...هذا طال عمرك يوزع العزم 50% على الكفرات الخلفية و50% على الكفرات الامامية...

اذا دخلت الطعوس اضغط الزر هذا واسمه قفل الدفرنس الوسطي..

والتنسيم كل ما نسمت كل ما ارتاحت السيارة...والحين الرمل في الصيف يكون ناعم مررررة...

فافضل شيء انك تنزل الهواء إلى 10 ولا تنزل عنها ابد..انا اللي احطه 12 او 13<<وشرايك في الدقة :p بس!!:d

والدبل الثقيل ما تشغله الا وانت واقف تماما والقير على الفاضي N ..

ولو فيه كاتلوج الوكالة...اطلع عليه يكون افضل...

بالتوفيق
مشكور اخوي خالد على المعلومات الجميله ,,تقبل تحيتي

اول شي سم بالله ونسم كفرات من 15 الى 20 وانا اشوف ان 15 مناسبه وشغل الدبل الخفيف (كمبتدأ)

اهم شي لا رقيت طعس لاتاخذه سيدا ماتدري وش وراه..

يعني اذا رقيت خذه على جنب لأن احتمال يكون ورى هالطعس منحدر خطر..

ثاني شي وانت راقي الطعس وموترك بمنتصف الطعس طاح عزمه ((لااتديور لأن احتمال يثولث))

اذا طاح عزم موترك وانت راقي وقف ودق الريوس..

ومع الممارسه وكثرة التغاريز بتصير انشالله محترف :)
ياسلام عليك اخوي سهيل تميم ,,معلومات محترف ...شكرا لك
alhtan
02/06/2009, 02:03 PM
الشباب ما قصروا الله يعطيهم العافيه

احب انبهك ان الكفرات الإماميه لا تنزلها عن 15 قدر الإمكان لان خروجها من الجنط وارد بنسبه كبيره
لا تستعجل وتقعد تطامر زياده عن اللزوم الين راسك يضرب بسقف الموتر .. خذ الامور بالركاده .
تسلملي صليب الراي
ونصيحتك محل الاهتمام ياغالي ,,وبالنسبه للمطامر ان شاالله بنتركد:)