المساعد الشخصي الرقمي

مشاهدة النسخة كاملة : أفضل الكفرات للباثفندر


الصقر 2000
30/05/2009, 02:17 PM
ياجماعة ودي أركب طقم جديد لموتري باثفندر 2003 ومحتااااار ...

علماً إن استخدامي بر ومدينة ..


من واقع تجربتي أحس أن كفرات برجستون تعيش أطول ((تصبر)) وهو اختيار الوكالة لكن سألت أكثر من شخص اللي يقول هانكك واللي يمدح دانالوب وخذ من الأنواع ...


لكن قلت الحل أخواني بمكشات يفيدوني ...
التعـ King ـديل
30/05/2009, 02:44 PM
ركب جنوط جي تي مع كفرات دومنيتور وراح تدعيلي ركبتها على موتري سنه وبعت الموتر قبل سنه والا الحين موجوده مع اللي اشترى الموتر

مع العلم استخدامي لها بر وخطوط والرجال اللي شرا موتري مثل رايح جاي الرياض جده كملت السنتين والحمدلله كنها جديده قويه ومطبها خفيف
الصقر 2000
31/05/2009, 08:38 AM
مشكوووووور على الرد أخوي عسول

وما كنت متوقع أن أخواني بمكشات يبخلون علي بالمشورة !!!!!!
باثفندري2004
01/06/2009, 05:42 PM
اذا الجنوط 16و الكفرات : 16/70/245
ابي اركب الجنوط 17 والكفرات 17/65/265

يصير مشكلة في الباثفندر؟ يصير يحف بالرفرف ؟ لازم ابدل اليايات ؟ علماً اني ما راعي تعطعيس.. فقط راعي سفر ( اسفلت )

الفزعة يا اخوان صارلي شهر ادور جواب حق مشكلتي هذه وماابي اتورط بشي ما ينفعني

والي يسئل ليش اريد ابدل الجنوط والكفرات ؟ لاني احس فوق 140 الباث خفيف جدا وغير ثابت عالطريق!
بو خليفه
01/06/2009, 06:42 PM
ركب كفرات نفس الباجيرو ممتاز في جميع الطرقات
أبوعبدالله202
02/06/2009, 05:47 PM
اخوي انا حربت البرجستون شد الوكالة قاسي مرةةةةةةةة،،والدنلوب اكبر مقاس ويحك في الرفرف الامامي وقاسي بعدوثقيل على السيارة،،وجربت الهانكوك مرتين بسرحة روعة لين وخفيف على السيارة ولا تحس بالمطب .
فيه مشكلة الحين ،الكفر مقطوع من السوق حالياً واذا لقيت تلقى تاريخ قديم 2008م وسعرة مرتفع اشوي
اتمنى اني افدتك،،،،،،،،
ابو خالد 1992
02/06/2009, 06:10 PM
هج من البرجستون لو انسلخ قشع الرفرف معه وجرب الماكسس انواع المقاسات و سعرة معقول
مكتشف الهوات
02/06/2009, 06:25 PM
ركب كفرات مشلان صناعة يابانية
امبراطوور
02/06/2009, 09:07 PM
جربت ميشلان الله لايوريك مطب قوي وبالنفود مايمشي
بس بالخطوط عز الله انها مضبوطه
و الهانكوك جيده بالبر والخطوط ولينه بالنسبه لجنوط 17
اما بالنسبه 16 فدنلوب متفوق على كل الكفرات
الصقر 2000
13/06/2009, 12:54 PM
والله حيرتونا ......

هانكوك ولا دنلوب

آآآآآخر كلام للباثفندر وجنط 17 طبعاً خط وطريق
الوقت غريب
11/08/2009, 04:16 AM
جرب الماكسس 17/65/265... راح ترمي الدانلوب في المحرقة : بالنسبة الفروق بين الماكسس = والدنلوب ؟ 1- الماكسس سعرة رخيص #الدانلوب غالي 2- الماكسس نفس الموصفات الدانلوب وفية مميزات افضل من الدانلوب مثل الثبات في المنعطفات وعدم الزحف وراسي ياخوان عن طريق تجربتي الخاصة وعدم خروج صوت الكفرات في الخط وصوت التفحيط كما هو الدانلوب. 3- الماكسس سعرة 370 فرق عن الدنلوب 530 من بن زقركان ظلمني له سنين. 4- اشتر الماكسس وانت آمن باذن الله مريح جداًانا شريتها من الغرابي 4 طقم 1500 ريال انتاجها عام 2009. والسلام ختام
طربق طربق
11/08/2009, 06:40 AM
انا اشوف الاخوان كلهم نسوى تايرن من افضل التواير واليون

وهو كومهو والثاني برييلى

اعتقد انهم من احسن التواير والله يوفقك في التاير الى في بالك ويريحك من وجع الراس

التوفيق على الله