المساعد الشخصي الرقمي

مشاهدة النسخة كاملة : باترول فتك مديل 2003 فيه مشكله بسيطه مع الحراره !!


أبوعمران
30/05/2009, 06:03 PM
السلام عليكم ورحمة الله وبركاته

مساكم الله بالخير ..


أحد الربع .. عنده فتك 2003 !

مشكلته هي الحراره .. !

طبعا اذا شغل السياره وهي بارده وحماها ومشى عليها بدون مايشغل المكيف تقعد فتره تحت الخط الثاني .. وعلى طول من يوقف توصل للخط الثاني ولو طولت الوقفة تتعدى الخط الثاني بشكل ملحوظ جدا .. ( هذا وهو مشغل المكيف )

طبعا شيء عادي أمر مقبول يعني .. مع ان الحراره لازم من دون مكيف ماتوصل للخط الثاني

الشاهد انه اذا شغل مكيف يرتفع مؤشر الحراره الى الثلث وتسمع قحن هالمراوح

طبعا هالكلام بالظهر .. ولا بالييل كله نفس الحاله !

مع ان كل شيء بالموتر مشيك عليه .. من تماتيك المروحه والمراوح الكهربئية وموية رديتر ( الحضاره ) ومشيك على الرديتر وطلع نظيف !

واذا طفى الموتر يسمع الماء يغليييي داخل القربه .. يدل على ان دائرة التبريد فيها خلل !


خويي طرح المشكله علي يبغى الفزعه .. وانا الآن طرحتها عليكم .. ناس أجواد ونثق بمشورتكم



بارك الله في الجميع :cool:
أبوعمران
30/05/2009, 09:57 PM
للرفع بارك الله فيكمـ :)
ابونادر1111
30/05/2009, 10:10 PM
السلام عليكم عندك مشكله في الراس افتح غطاء الرديتر وشغل المكيف وراقب فتحة الرديتر لمدة نصف ساعه سوف ترى فقاعات هواء تخرج من محل الغطاء اذا كانت المشكله قد اصبحة تحتاج تصليح وهو مسح الرأس
أبوعمران
30/05/2009, 10:17 PM
ياخوك لو المشكله بالراس كان صار فيه نقص بالمويه .. !

لكن لايوجد نقص بالماء ابدا ولله الحمد :)

وأيضا لو فيه مشكله بالراس كان تأخرت تشغيلة الموتر !
والموتر ماشاء الله من اول دقة سلف يشتغل :)
BeWoLf
30/05/2009, 10:47 PM
السلام عليكم اخوي ممكن تكون المشكلة بسيطة ....
اذا كان يطلع صوت تاكد من غطاء الاديتر يمكن تكون الجلدة رايحة
أبوعمران
31/05/2009, 01:10 AM
غطاء الأديتر سليم ولله الحمد .. !

ولايوجد اي صوت او اي تنسيم .. !

ولكن الصوت هو صوت غليان الماء في القربه بعد اطفاء السياره :)
كبسولة2
31/05/2009, 01:24 AM
البلف لازم يكون أصلي أصلي أصلي
VIP-503
31/05/2009, 02:04 AM
يولد شيك على طرمبة الماء ترا الموتر من عام 2003 و الحين 2009 يعني ما تبيها تحلي و ترا النيسان اسهل شي فيه فك الطرمة لا لها خمس مسامير وتطلع معك زي الحلا وة و انا بأذن الله متوقع هالمشكلة و لا تفك الطرمة قبل تسيخ الليديتر تحياتي
الوايلي100
31/05/2009, 02:35 AM
غير بارك الله فيك تماتيك المروحه
أبوعمران
01/06/2009, 01:16 AM
ياخوان الرديتر نظيف .. وطرنبة الماء شيكنا عليها فتحنا غطا الأديتر ودعسنا على البنزين وقمززززززت المويه فووووووووووق .. !


ننتظر الحلول بارك ربي فيكم
مشاغب شوي
01/06/2009, 02:30 AM
اتوقع والله العالم المشكلة من الرديتر ..

لان النيسان الجديد يحطون ماده للتبريد ومع الوقت تضعف

صارت معي على ددسن 2001 ووديتة للوكالة وقال لي المهندس الرديتر لازم يتغير

طبعا رحت اسيخة وطلع نظيف .. وغيرت الرديتر بـ اردني رصة << مثل الوكالة

ولا ضبط .. ركبت رديتر صيني رصتين .. وماشاءلله من ابدع مايكون
أبوعمران
01/06/2009, 02:07 PM
مشكور أخوي مشاغب شوي :)

بالنسبه للرديتر ياخوك فكيناه وفحصناه طلع كأنه جديد .. !


ننتظر بقية الأخوان
احمد الاحمد
01/06/2009, 02:15 PM
وعليكم السلام
أبوعمران
تأكد من خرطوش الماء فقد يكون سبب رئيسي فقد وجهنا نفس المشكل مع اخي فذكر له احد الاخوان بتغيير خرطوش الماء وبعدها والحمدلله نزلت الحراره
وشكرا للجميع ,,,,,,,,,
خالد الهديه
01/06/2009, 02:23 PM
تاكد من التماتيك والهوايه
ابوطاقية
01/06/2009, 02:26 PM
تأكد من السير ترى مهم جدا
اذا السير تقليد يرتخي مع الحراره وتفور السياره
وانصحك تبداء بالاسهل يعني تصييخ اديتر + سير اصلي + بلف جديد لان القديم يقفل + غطاء اديتر جديد من الوكاله
تنبيه اذا الاديتر عندك سعودي والا اردني ارمه بالزباله الله يكرم القراء وطق اللمنيوم
ولاتنسي تسوي غسيل لراس المكينه بالظغط العالي

واذا مانفعت كل هذي تروح لشيخ الصناعيه يقرا عليه يمكن مسكون
رائد240
01/06/2009, 02:30 PM
غيار غط الديتر اصلي
أبوعمران
01/06/2009, 02:39 PM
بالنسبه لغطاء الأديتر فإنه أصلي ولله الحمد .. :)

والسير سير وكاله :) .. !


عسى الله يعين وييسر


في إنتظار بقية الأخوان
ابوألياس يوسف
01/06/2009, 03:45 PM
اخوي ابو عمران المشكله هذي تكون من غطاء القربه الي بتجاه الراكب (يغلي الماء بقربه) لازم تركب غطاء جديد وتشيك على قربته ولياته مايكون يبخر الماء مع الحراره ولمشكله صارت لي والحمد لله راحت بربرة القربه وثبتت الحراره
أبوعمران
02/06/2009, 12:16 AM
ياهلا بأخوي أبوالياس .. !
بالنسبه لغطاء القربه فخويي بدل الغطيات :)

حط غطاء القربه على الرديتر والرديتر على القربه

ونفس الشيء ماتغير شيء :)
محسن اليامي
02/06/2009, 01:55 AM
صارت معي بالضبط على موتري فتك 2003 وغيرت ثلاث أشياء

1- الثيرموستات

2- غطاء الرديتر

3- تماتيك المروحه

وراااااااااحت المشكله ولله الحمد
1988
02/06/2009, 02:19 AM
شف يااخوي اسأل عن ورشة ابو صالح التركي بتلقا عنده الحل باذن الله
1988
02/06/2009, 02:26 AM
رح لأبو صالح التركي انا صارلي نفس المشكله ماخليت شي ماسويته واخر شي 400 ريال وراحت المشكله بس تراه عيا يقولي وش المشكله والا كان قلت لكم وش المشكله هذا والله اعلم
قرم العيال
02/06/2009, 11:56 AM
شف الحل يالغالي

على هالرابط

عندك الثيرموستات


http://www.nissan-arabia.com/vb/showthread.php?t=41026 (http://www.nissan-arabia.com/vb/showthread.php?t=41026)

وبتدعي لي
abo-lma
02/06/2009, 03:35 PM
على فكرة يالربع

هل الثيرموستات هي ( بلف الحراره )

شفت الرابط اليي فوق وناظرت صورة الثيرموستات الا هي ( بلف الحرارة )

هل كلامي صحيح والا ضاربله طريق مافيه عرب

وسلامتكم
ذيب عالية نجد
03/06/2009, 10:35 AM
شيك على ليات الاديتر الداخل والخارج يمكن أنها منتهية مع الوقت ولايمكن إكتشافها وانت واقف ويمكن تكون هذه هي المشكلة وبالتوفيق