أفضل محل لتضليل السيارات في الدمام

[ابو نعمه]

السلام عليكم و رحمة الله و بركاتة

اخواني الاعزاء

كيف الحال

تعرفون الجو ما شاء الله تبارك الله رهييييييييييييييييييب

و الواحد يركب سيارته الظهر و يحس انه داخل فرن

و انا توني شاري لي تاهو 2009 و ودي اركب السياره و ما احس بالمعاناه من سبت
الحر

الزبده ابي اعرف افضل محل لتضليل التاهو في الدمام

و كم سعر التكلفه لتضليل كامل السياره مع العازل

و انا عندي عدة اسماء

1- كار كير
2 - في كول
3 - زيبارت

ارجو منكم المساعده

[مطاربروق]

شف الله يسلمك فيه تظليل اسمه try sheld تراي شليد
يسويه مركز قمه العنايه في شارع الملك سعود ثلاث اشاره او ثاني اشاره على ما اذكر على اليمين وانت جاي من طريق الجبيل او من غرب الدمام صراحه شغل نظيف وضمان والعماله فلبيين سويت سوبربان 2008 ب 1450 والصراحه اني لاحظت الفرق
صار له الحين حوالى السنه والنص ولا تغير ولاصارله شى فنصحك به ومن ناحيه السعر لا يقارن مع الشركات الاخرى وفي الختام توكل على الله ورح لهم والله يدلك :good: :good: :good:

[ابو نعمه]

الله يعطيك العافيه

[NOYEB]

بمناسبة الحديث عن تظليل السيارات ...
في نظري اغلب هذه الشركات مثال لا للحصر(في كول ودرايف سفن وزيبارت ولومار وكار كير وغيرهن من شركات التظليل الكثيرة ) نصابين بالأسعار ...فالأسعار مبالغ بها جداً جداً رغم كثرة شركات تظليل السيارات الا ان الأسعار تعتبر مرتفعه جداً مقارنة بالدول الثانية ....ومثل حجم الشفر التاهو وغيره يجب ان لايتعدى السعر 1000 ريال بالكثير لتظليله بالكامل ومع العازل والضمان ..

شكرا اسير

[Avalanche]

في محل بشارع الملك سعود ... ناسي اسمه

لكن هو صاير بمحطة المنصور لخدمات السيارات

شف هالرابط (يمكن يفيدك أكثر بالنسبة للموقع)

http://www.wikimapia.org/#lat=26.4420839&lon=50.0769013&z=18&l=0&m=a&v=2

أنا والله ما جربتهم .... لكن الشباب يمدحونهم

بالتوفيق

[برق تميم]

محل في كول في الدمام طريق الصناعيه
ضمان سبع سنوات ولو حصل خلل تغيره في أي منطقه فيها المحل عازل للشمس شفاف جدا يستخدم للمركبات الفضائيه جلنجر ودسكفري

[الاركان]

طيب في الرياض بس يكون السعر معقول جدا
من يفيدنا

[مروووق]

زيبارت والي مثلها بعد مرور سنة ، يكلمونك يقولون لك تعال جدد عقد التظليلة. علشان نضمنها لك قدام. و يمكن يدفعونك 1000 ريال. وانت مظلل مثلا عندهم على 2400 ريال او شي كذا. قمه النصبة !!!!!!!! وش الي اجدد عقد على 1000 ريال على تظليلة راكبة ؟؟

انا اقترح عليك Top Sheild لولا قله الكاش ولا كان ركبت عندهم. محلهم نظيف مرة والعمالة فلبينيه و تقريبا على 1200 ريال تظليلة + عازل + رش السيارة من تحت ضد الصداء.

المحل على شارع الملك سعود بعد تويوتا تجيك اشارة، تشوفها بعدها على اليمين

بالتوفيق

[النجم الهاوي]

فيه محل بعد عند الخطوط السعوديه

وانت رايح للخبر من الدمام يجيك نادي النهضه على يمينك

امسك الخدمه وديور من تحت الكبري حق دي اتش ال

يجيك على يمينك

اعتقد اسمه كار كير

تضليل ورش تحت للسياره ضد الصداء

على العموم انا جربت التضليل .. بس الحراره فيك فيك

ماينفع الا بايكه والا تحت شجره


الله يكون بالعون

[ابو نعمه]

اولا

اعتذر للجميع عن تأخر الرد

ثانيا

اجريت اتصالات

لكل من

1 - كار كير السعر 1850 ريال بعد خصم 30 % للجميح

2 - زيبارت 2800 ريال

3 - في كول 1500 ريال

و الظاهر اني بضلل عند في كول

لان اغلب الشباب مدحوهم و انا شفت شغل عند واحد قريب لي على هوندا
اكورد من 4 سنوات و ما شاء الله

تمام

اشكركم على تفاعلكم

[ZIAD_KSA]

طيب الفي كول هل هو درجات في التضليل والا درجه وحده بالنسبه لون التضليل

[ابو نعمه]

بالنسبة للفي كول التضليل درجات ان سوي عندهم

01 و 02 ما فيه فرق الي بخارج السياره يشوف الي داخلها

لاني ظنيت انها زي ابو عشره

عندهم على حسب علمي 5 درجات او 6

و اغلى شي فيهم 00

على كلام الموظف

[ابو نعمه]

على فكره ضللت عندهم بقيمة 1350 ريال

طبعا بدون الزجاجه الاماميه

[بري وبحري]

السلام عليكم ورحمه الله وبركاته
ذهبت vcool الخبر لتظليل سيارتي واخبرني ان التظليل نوعين 1950 ريال و 3450 ريال
هل هذه الأسعار فعليه ام مبالغ فيها؟
كذلك رأيت على بعض السيارات اسم ilovepjohnson
لست متأكد من بعض الأحرف ولكن شكل التظليل جميل واحترافي هل لديكم معلومات عن هذه الشركه؟

شكرا جزيلا