الفزعة يا اخوان في كاربريتر الددسن

[king_federer]

السلام عليكم .....

الوالد عنده ددسن موديل 2001 و كانت ماشية مضبوط و بعض الأحيان تعلق بنزين.

لما كثرت التعليقات وديته للصناعية و غيرت (أغراض الكربريتر).
لكن بعد فترة رجعت نفسش المشكلة و هي التعليق و اضطريت اشري كربريتر جديد.

و بعد عدة أشهر(اليوم)رجع نفس الكلام و أنا الآن محتار؟؟؟!!!!

هل أغير من جديد؟!!
وش السبب أصلا؟؟!!

و للي عنده خبرة... هل فيه قطعة بين أو شي يصفي البنزين قبل يروح للكربريتر؟ و بالتالي يكون هو المشكلة اللي توسخ الكربريتر؟؟؟!!!!

أرجو الرد سريعا تكفون بالذات للي عندهم خبرة.

[مشاغب شوي]

شيك على فلتر البنزين اول شي ..

وبعدها يمكن الوزنية او نفس الفتحة يدخلها وصخ ويخلها ماتسكر

او من السلك حق الدعسة اخرة فيه وصخ مايخليه يرجع

اتمنى اني افدتك

[راعي الطلعات]

ازيد على كلام اخوي بعض الإفادة اولا عليك ببنزيزن 95 الاحمر والاخظر انسه مره
ثم عليك بفلتر الهواء نضفه او اشتر جديد ان كان الي عندك انتهى وشيك على الوصله الخاصه فيه لا يكون هناك تشققات تسمح بدخول الغبار وانت عارف كل الاشهر الي راحة غبار في غبار والغبار يعدم الكلبيتر لونه جديد
ثم تأكد من فلتر البنزين اشتر جديد اصلي
فيه منتجات اصليه امريكيه تظاف مع البنزيزن بمقاس لتر معين مثل Stp الاصلي الخاص بالكلبيتر كا مجرب على كلبيتر وبخاخ صراحة نفع معي
ثم تأكد من البواجي واسلاك البواجي والدائرة الكهربائية

ارجو اني افدتك اذا كان هذا هو قصدك في السؤال

بالتوفيق

[efi4500_2002]

اذا تقصد بالتعليق ان السياره تعلق دعستها كانك داعس على الابنص للاخر

تكون المشكله في القاعده حقت الكلبليتر الي هي اخر جزء منه الحل انك تنضف القاعده و الخانات

من الصداء و الغبار او تغير القاعده لحالها

ولا اصبر عليه و اذا علق افتح القربه وحرك الخانات الاخيره و يفك التعليقه