سؤال عن كفرات (تواير) البالون

[يا من يراعيني]

السلام عليكم
صباحكم \ مساكم خير ان شاء الله
لو تكرمتوا عندي استفسار عن كفرات البالون مقاس 900\17
بس المطلوبه ما تكون نفس عرض كفرات ابوجمل(ماكسس) او ما شابهها لانها طال اعماركم تكون نحيفه بالحيل .........المطلوب سلمكم الله انها تكون عريضه نفس اللي يركبونها اخواننا القطرين لانها بصراحه هي الكفرات الممتازه ما شاء الله عليهم
سمعت انها موجوده بالاحساء لكن مو متأكد من المعلومه........ يا ليت تفيدوني
اسف ع الاطاله

[قطب 999]

افضل نوع سوميتومو

[سماء نجد]

والله انا لي سنين ما اركب غييييييييييير ((( سيام ))) 8 كاندز
منتاز بالحيل

[بـلـيـهـان 1]

كفرات سيام هي أفضل نوع و أعرض نوع

[القناص82]

الله يعطيك العافيه البالون الاسيام تجي 16 ماتجي 17 والبالون العراض اسمها هيرو 900 على 17 توجد في قطر يمكن تللقاها في الحساء

[internetq8]

ترا الشاهين يشبه البالون وفيه اعراض واصخاف

[ابن عكاش]

السيام جربتها مقاس900/16 ثقيله انحش عنها اتوقع الماكسس اخف واقل رجه

[هاوي براونق]

من وجهة نظري
سوموتومو احسن شي
لين وعريض وسيام تاير ثقيل بالحيل


تحيتي لك

[يا من يراعيني]

الله يعطيكم العافيه
صراحه شاكر لكم تفاعلكم مع الموضوع
لكن زي ما قالوا الشباب السيام ما تجي الا 16
اما ماكسس نحيفه وهي اللي يسمونها ابوجمل وهذي ما ابغاها
السموتومو هذي ما عمري شفتها ولا ادري عن استخدامها
الشاهين صراحه مجربها على موتري الاول كان مقاس 16 اللي استفدت منها انها اعدمت كراسي الدوده ب6 شهور
الهيرو ودي اشوف اهل الاحساء اذا فيه احد يقدر يفيدنا عنها هي موجوده عندهم ولا لا؟

[saudali]

اقول هلا بك اول شي وشل نفسك زياره لقطر تمش وركب الي تبي انا توني جاي واشكال كفراتهم وانواعها كثيره لدرجة اني تهورت ب وبغيت اركب بس توني مركب كفرات الدنلوب شد البلد لاكن فقرب فرصه مركب وعندهم نوع اسمه ديزت يعني صحرى بالانجليزي لايفوتك وحتدعي لي وتحياتي لك

[عزيز النفس 66]

والله يا طويل العمر كفرات الشاهين افضل بكثير من ماكسس

جربت الثنيتين شاهين افضل واقوى وتعيش ام البالون ما تتحمل

تحيآتــي

[يا من يراعيني]

الله يعطيكم العافيه شباب
نبي نشوف اللي ربي يقدرني عليه
ان لقيت حاجتي بالاحساء كان بها ولا رحت للدوحه عشان اركبها
و ان شاء الله اعلمكم باللي يصير معي
شكرا لكم.........تحياتي

[برسلي الخالدي]

حبيب قلبي بالنسبه للرجه وللمطب والمطناج والعمر الاطول غير السيام لاتدور

بس غالي

واللي يقولك رجه ومارجه من الترصيص ركبهن عند واحد خبير لاتركبهن عند اي واحد

وبعدين ماتجي 17 الا مكسس

ومانصحك بالمكسس خذلك جنوط تجاريه 16 وفك نفسك

تحياتي

[يا من يراعيني]

فكرتك حلوه الصراحه
اركب 16 و ارتاح
شاكر لك

[التعـ King ـديل]

الغالي البالون على جنوط الوكاله متعب

خذلك جنط رياضي على لون السياره وركب لك سيام تاير 16 او ماكسس 16 اهم شي 8 غاط

انا لي خمس سنوات مااركب الا ماكسس .. واذا تبي نصيحه اخو ابعد عن الهيرو انا مجربه مخيس ولا يعيش

حق تفحيط واستعراض مب حق كرف

[GMC98]

البالون موجود في الاحساء في الشارع الملكي

نوع هيرو تقريبا سعر الواحد 400 اخر مره

سمته والان مدري كم بضبط

[بوسعود 180]

هيرو

انا مركبه من الدمام حجمه 900 على 17