لمبة البطاريه ( جمس 98 )

[أبوسعد 511]

السلام عليكم ورحمة الله وبركاته

اخواني عندي مشكله بسيطه ان شاءلله .. وهي لمبة البطاريه شغاله في الطبلون

السياره جمس 98 استخدام

البطاريه سليمه كشفت عليها وهي جديده لها شهرين

ولكن عند الظغط على البنزين قليلاً تختفي اللمبه تماماً :confused:

اول ما ارفع رجلي عن البنزين تولع وترمش على خفيف :o

رحت لكهربائي قلي الدينمو خربان

ويقول معروف دينمو الجمس يتغير ما يتصلح

قل له طيب يمكن فحمات او كتاوت او لف :D

قال لا هذا يتغير على طول .:mad:


طيب


وش رأيكم ..؟ أغير ولا فيه طريقه اصلحه !

واسف على الاطاله ..

[أبوسعد 511]

للــــــــــــــرفع

[قطب 999]

غير الكهربائي

[سكب]

اخي الحبيب

تجربه بسيطه اذا تقدر تسويها وتتأكد اذا الدينو فيه شي أو لا
افصل سلك من اسلاك البطاريه والسياره شغاله .. اذا طفت معناها عندك مشكله في الدينمو :تغيير فحمات
واذا ما طفت السياره معناها الدينمو ما فيه اي شي والمشكله في البطاريه او سير الدينمو

تحياتي

[زنكي]

المسأله بسيطه
فيه عند الكهربائي جهاز يقيس قوة الدينمو شف كم الظغط والسيارة شغاله عادي ثم ادعس بنزين وشف يرتفع الظغط بالجهاز طبعا لازم يكون عادي على 14 ومع الدعس أكثر وهذا طبيعي لسرعة الدوران
وعلى كلن طال عمرك اول شي غير فحمات الدينمو لانها
1- رخيصه
2- يبقى معك دينموك الأصلي وهذا مهم جداً ماراح تحصل زي دينمو الوكاله واذا ما صلحت السيارة ذاك الوقت غير الدينمو ب 300 أو أكثر وترى سعر الفحمات 50 أو 60 أصليه

[كبسولة2]

المشكلة إما في توصيلات الي بينالبطارية الدينمو

أو الفحمات والكتاوت

[لن أمل من العطاء]

ابو سعد شوف الدينمو والسيارة شغال

خذ لك مفك عادي وقربه جدا من بكرة الدينمو وخلك منتبه وحري وشوف البكره هل تصير مثل المغناطيس وتسحب المفك ام لا

اذا سحبت فالدينمو يشحن وممتاز
والا فلا

ثانيا وجود لمبة البطاريةيدل على عطل في الينمو

انا معي جمس 99 وفي رمضان اللي فات غيرت له فحمات وشحيم وتزييت مع النتظيف كلها 100 ريال وشغال ولله الحمد 100%

[أبوسعد 511]

الحمدلله
غيرت الدينمو جديد من الوكاله 560 ريال مع التركيب



عموماً يعطيكم الف عافيه على المشاركه ماقصرتوا ياذيابه ..

أبوسعــد