حرارة الباثثثثثث

[أبوعبدالله202]

السلام عليكم ورحمة الله وبركاته
اخوني حرارة الباث فاندر(2002)ترتفع وتصل النصف وفوق النصف في الخط على سرعة 140كم وش الحل معها،،،،
وش رأيكم بالحلول التالية :
1 - فك البلف العلوي (يقولون فيه بلفين )ما ادري صحيح او لا
2- تركيب رديتر نحاس ثلاث رصات ينفع او لا.
شاكر لكم إفادتكم لي سلفاً،،،،،،،،

[السعساع]

مهمه البلف تنظيم الحرارة وازالته قد تسبب مشاكل للمكينة ابحث عن حل اخر:type:

[Gm Bas Gm]

اول شي تأكد من تسيخ الاديتر وهذا سبب رئيسي
البلف الخلفي الغة الى تحت الثلاجه
ان حصل وتريح راسك غير البلف الامامي بجديد من الوكالة بس اهم نقطة لا تلغي البلف الامامي بس غيره
عليك بماء اديتر اصلي وانصحك بي ماء اديتر تويوتا من الوكالة
تأكد من تماتيك المروحه مع العلم قليل ما يخرب


موضوع اديتر نحاس انحش ولا تقربه مايصلح

[أبوعبدالله202]

[quote=السعساع;2769035] مهمه البلف تنظيم الحرارة وازالته قد تسبب مشاكل للمكينة ابحث عن حل اخر


مشكوراخوي وما قصرت
في انتظار المزيد

[أبوعبدالله202]

[اول شي تأكد من تسيخ الاديتر وهذا سبب رئيسي
البلف الخلفي الغة الى تحت الثلاجه
ان حصل وتريح راسك غير البلف الامامي بجديد من الوكالة بس اهم نقطة لا تلغي البلف الامامي بس غيره
عليك بماء اديتر اصلي وانصحك بي ماء اديتر تويوتا من الوكالة
تأكد من تماتيك المروحه مع العلم قليل ما يخرب


موضوع اديتر نحاس انحش ولا تقربه مايصل

مشكور اخوي وما قصرت،،
هل فعلاً يوجد بلفين للباث واين يوجد البلف الثاني بالضبط

[VXR.2007]

نفس الكلام مع اخوي ماكسيما موديل 2001

[الوادعي29]

اخوي شيك تماتيك المروحة وطربة الماء

[بانثر2005]

أنا صارت معي قبل شهر

كل ما زد السرعه ترتفع الحراره أكثر

سيخت الأديتر وضبط معي ولله الحمد

الأديتر كان وصخ والمسارات كانت مسكره

أول خطوه تأكد من الأديتر وسيخه

وبعدها شوف وش يصير معك

[امبراطوور]

شيك على الاديتر يهرب مويته زينه وانصح بتويوتا
غير غطا الاديتر تراه يفرق والناس ماتهتم له
حرك بالموتر 5كم والمس العكس اذا كان حار بمعنى الكلمه
عندك الكليبر ماسك على الفحمه ويسوي لك حراره بالموتر

[م.بندر]

السلام عليكم ورحمة الله وبركاته
خطوات يجب اتبعها
انا مطبقها على سيارتي نفس سيارتك باث 2002
والحمدلله ارتحت من الحراره ومشاكلها


1- تسيخ الأديتر
2- غير غطاء الأديتر بغطاء اصلي
3- ثغير جميع اليات (الخرطيش)
4- جيك واحد فقط ماء اصلي والباقي ما مقطر
5- يعتبر الأهم تركيب مروحه مرسيدس او اي مروحه كهربائيه تشتغل مع المكيف دايركت على اديتر المكيف


نصيحة من اخ مجرب
ارجو منك الدعاء بالتوفيق بالدنيا والأخره لى ولجميع المسلمين

[Topstars]

السلام
نعم مثل ماقالو الجميع ,

سيخ الرديتر وغير الغطى..

هذا اسهل حل..

طبعا المروحة إذا خربت الحرارة ما ترتفع إلا إذا وقفت السيارة فقط..

فلا تدوخ نفسك انا مجرب ومرة علي نفس المشكلة..

وشكرا

[أبوعبدالله202]

مشكورين اخواني على التفاعل ،،،،،،،،،

سؤال : هل اديتر الدسسن الدفرنسين يركب على الباث بدون مشاكل ام لا (الباث قير عايدي)

[جول قميري]

الكثير من اصحاب الباث يشتكون من الحرارة وانا اولكم

وبعد البحث بالانترنت حصلت هذا ان شاء الله يفيدكم ويريح روسكم
شوفوا الصورة والترجمة تحتها
http://www.up-00.com/dafiles/2zo22923.jpg

مثل ما تشوفون بالصورة الحرارة الى ثلاث ارباع مكتوب انه حرارة عادية.. يعني لا تخافون..

ومكتوب اذا تعدت الحرارة ثلاث اربعاء اتبع الخطوات:
1- وقف السيارة ولا تطفيها وخلها على الفاضي او التامين للتماتيك.
2- طف المكيف وافتح الدرايش كلها وشغل المكيف على الحار اعلى درجة وخل المروحة على اعلى شي.
3- اذا كان سبب الحراة صعود مرتفع او يوم حار خل سرعة الماكينة على 1,500 لمين ترجع الحرارة لوضعها الطبيعي.

ان شاء الله يفيدكم انا بعد ماشفت هالشي ارتحت.

[ابوعبدالعزيز2220]

اخوي نصيحــــــــــــــــــــــــــــــه غير غطاء الاديتر بالاصلى (تقريبا 30 ريال ) افهم الاصلى قبل كل شي حصلت معي مرتين لاتنسى . بعد ذلك متغير شي سيخ الاديتر وباذن الله تضبط بالغطى

[Gm Bas Gm]

الكثير من اصحاب الباث يشتكون من الحرارة وانا اولكم

وبعد البحث بالانترنت حصلت هذا ان شاء الله يفيدكم ويريح روسكم
شوفوا الصورة والترجمة تحتها
http://www.up-00.com/dafiles/2zo22923.jpg

مثل ما تشوفون بالصورة الحرارة الى ثلاث ارباع مكتوب انه حرارة عادية.. يعني لا تخافون..

ومكتوب اذا تعدت الحرارة ثلاث اربعاء اتبع الخطوات:
1- وقف السيارة ولا تطفيها وخلها على الفاضي او التامين للتماتيك.
2- طف المكيف وافتح الدرايش كلها وشغل المكيف على الحار اعلى درجة وخل المروحة على اعلى شي.
3- اذا كان سبب الحراة صعود مرتفع او يوم حار خل سرعة الماكينة على 1,500 لمين ترجع الحرارة لوضعها الطبيعي.

ان شاء الله يفيدكم انا بعد ماشفت هالشي ارتحت.


طال عمرك صحيح المكينة تتحمل الى ثلاث ارباع قدره تحمل المكينة
بس مو معناها ان طبيعي وصوله الى ثلاث الارباع

[جول قميري]

طال عمرك صحيح المكينة تتحمل الى ثلاث ارباع قدره تحمل المكينة
بس مو معناها ان طبيعي وصوله الى ثلاث الارباع

بس لو تلاحظ طال عمرك اني كتبت ومكتوب بالصورة المرفقة انه اذا كان الجو حار او صعور مرتفعات عادي توصل الى ثلاث ارباع كما بالنقطة رقم 3

[أبوعبدالله202]

مشكورين شباب وما قصرتو ,,, الله يعطيكم العافية.........
ابشركم صيخنا الاديتر وغيرنا الغطاء والحرارة تمام التمام .
كان الاديتر متسكر مرةةةةةةةة والماء ما يدور براحة .

مشكورين مرة ثانية الله يعطيكم العافية

[الاركان]

انا الحرارة توصل الثلث الايام هذي
الايام علما انها ما كانت تتعدى الربع

سألت ناس قالوا ان الافضل ما تصيخ الرديتر سو غسيل له بس لانه المنيوم ما يصلح التصييخ له وانا مادري الصراحة

الحقيقةاحترت
اصيخ الرديتر ولا اسوي مثل ما قالولي غسيل بس
ليت احد يفيدني من الاخوان الي صيخو الرديتر او سو غسيل
ايهما افضل