ونيت جمس سييرا 2009 غمارة وحده .. نصاااائحكم !!!

[أبو اسعد]

السلام عليكم ورحمة الله وبركاته


http://static.howstuffworks.com/gif/vehicle-pictures/2009/gmc/sierra-1500/5680-037-driver-side-door-open-480.jpg


اخواني اعضاء منتدى مكشات
ابي نصيحكتم بالسييرا 2009 غماره وحده ..
استخدام يومي .. دوام + كشتات :)


كم سعره وكاله ..
وكم تقريبا احصله بمعارض النسيم
يكون يعني مستعمل اخو الجديد ( ممشى 10 الاف كيلو ونازل )
وتنصحون بالموتر بشكل عام والا لا ؟؟ واذا فيه عيوب اساسية او مشاكل ياليت تنبهونا عليها


ولكم خالص الشكر والتقدير
:good:

[أبو اسعد]

up !!!

ياليت نشوف الردود من اهل الخبره .. وخاصة اعضاء رابطه الجمس :)

[ذيب الذباحية]

اسعاره قبل شهر تقريبا في النسيم بـ 100000
وفي وكالة العيسى بـــ 102000


والله يوفقك ..

[64 الحر]

معاي اخوه لكن شفر

والله موتر على كيف كيفك انسى المحطات والبنزين ومن الراحه تاخذلك غفوه عند الااشارات

يوم شريته قلت ابغا اسفطه للخطوط والكشتات وبا البلد امشى على الهايلكس

بس الهايلكس راحت للمعارض مالها داعي

انصحك فيه وبقوه ولن تندم

[عآشق الحره]

والله طالع فيه من قدام نازل بالحيل حق طعوس وزفلت بس بر مااعتقد ينفع يدق من قدام ولا هو للخطوط تقل بطياره راحه

[ابوسعيّد]

السلام عليكم
عذروب خلّي حسنها الفتان
كامل الاوصاف
طير شلوى
مركب
كل الاوصاف اعلاه تنطبق عليه اذا4*4
بس عيبه الوحيده تبلش بالعايله

[ع العمرو]

معي غمارتين الصراحة موتر ماعليه كلام وبالنسبة للغمارة احسن شوي .

[عاشق المزون]

الصراحة ماشاء الله ممتاز بس ابرز العيوب من راي او من واقع السوق
١) يطيح سعرة بعد الاستعمال
٢) كثرة الخرابات بعد عمر ٣ سنوات يطلب الورشة

يعني اذا كنت تفكر تبيع بعد الاستعمال يطيح سعرة مقارنة بالياباني واذا بغيت تستخدم مدة طويلة اكثر من ٣ سنوات الورشة الورشة اما اذا كنت تتحمل طيحة السعر فهو الخيار المناسب للبر راحة وفخامة وقوة
وشكرا

[سيف الظفير]

خذ غمارة ونص ولكن فئة 2500 السياحية

[ملف علاقي]

تحياتي للكل انا مريت علي العيسي امس ومالقيت إلا حبتين واحد احمر والثاني تركواز طبعا دبل بس رفضو يعطوني اسعارها بسبب إفلاس الشركه وعدم وضوح الأسعار وقالو تنزل اسعار جديده بعد ثلاث ايام واتصلت البارح باالكويت علي شركة بهبهاني وقالو الفل 7500 دينار والجميح لارد ولا تعليق حتي الشركه مافيه احد يداوم حتي لاينحرجون وإدا انت لاقي شي علمنا والله يوفق الجميع 00

[أبو اسعد]

مشكورين على التفاعل .. وراح امر وكالات الجمس بأقرب فرصه واعطيكم تقرير مفصل عن الاسعار .. انا حاليا متواجد في الشرقيه ..

[الدوسري دت كم]

السلام على الجميع ,
انا استعمل الموترهالحن مافيه كلام اذا انت وزوجتك بس .تراك ماتركب موتربعده , صدقني من تجربه اناعندي هو وعندي موترالاهل بس دايم احشرهم فيه احب اسوقه واروح واجي عليه. خفيف مركبه لين ماتقول ونيت وبالزحمه ولا احلى والبنزين معقول مره , وبعدين مافيه ياباني يحل محله ابد لاتقول شاص ولاغيره اذاجا الشاص قيرتماتيك ومثبت سرعه ونفس راحته ؟هاك الزمان يمكن يجاريه,

[yfd]

موتر ماعليه كلام ..وانصحك بــz71 SEL حسب تجربتي ولله ماشاءالله
شاشه نفقيشن وبلوتوث وكميرا خلفي ماتقول انك راكب وانيت والاشياء اللي ذكروها الاخوان ..
اما اا انك بتاخذ السياحي او فل او نص احرص على الدبل الارضي تراه عملي ويمسك سعره عند البيع !!

[ساري 111]

والله الأخوان يثنون عليه بقوه

شكلي ابجزم معك واطق لي واحد

بس تكفى شف لنا الأسعار واي الوكلاء افضل

[ساري15]

من المؤيدين للجمس الونيت وبقوة

ولو عندي ميزانية تغطي ... كان اوقفه عن الباب ..

طبعاً هذا بعد تجربتي للتاهو 2008 .. عز الله انه موتر خط ..

من هواااااااااااااااة الجمس منذ زمن بعيد ...
ونعم السيااااااااااااارة