رأي من جرب ايسوزوا

[ابوالليالي]

شوركم يالاجواد في ايسوزو دماكس ديزل 2005ابيض غمارتين قوة المكينه 3000 تنصحون به لراعي البر وكم تقدرون قيمته
الله لايحرمكم الاجر والمثوبه

[مهل]

فر من المجذوم فرارك من الاسد لاتوهق مثلي اذا خربت طرمبته بتكلفك اقل شيئ 17000 ورح تاكد من الوكاله ومن محلات قطع الغيار
وللعلم تراها ماتصلح يعني ودها للزباله والله يعينك على الجديد واذا ما معك حقها جب معك كفيل غارم يعطونك اياها دين هههههههه

[نحال الجبال]

السلام عليكم انا اخذت ديماكس 2005 غماره جديده بعد بعد سنه راح الجربقص قالو لى الضمان منتهى الجربقص ب11000 بعته بخساره 20000 الله المستعان انا اخوك هج ما با بسيارت البر غير الربع والشاص

[عاشق القرى]

انحش وانا اخوك منه

انا معي واحد مثله وخرب الدبل علي ولو اوديه الوكاله يمكن يقولون تتصلح ب10000 ريال

لاتشتري يعني انحش...

[هواي الصين]

???????????????

وش ذا الخرابيط ؟؟


أنا معي ايسوزو ديماكس موديل 2005

ماشي الى الان 250000 الف

وتمام التمام ولله الحمد

بس لازم تحافظ على الصيانة الدورية وبس

[مهل]

???????????????

وش ذا الخرابيط ؟؟


أنا معي ايسوزو ديماكس موديل 2005

ماشي الى الان 250000 الف

وتمام التمام ولله الحمد

بس لازم تحافظ على الصيانة الدورية وبس

اخي الكريم معي 2004 وما اعتقد فيه احد محافظ عليه مثلي ابد اغير زيت المكينه كل ثلاث آلاف وفلاتره اغيرها باستمرار لكن خرب وهو مامشى الا160000فقط ولو بغيت اصلحه بيكلفني 17000
ما بقى من المحافظه عليه ومراعاته باستمرار الا اني اسوي به مثل ما تسوي ذا الحرمه

http://up.graaam.com/uploads/images/graaam-1-b3efa58ca0.jpg (http://www.graaam.com/)

[الييرق]

يارجال استخر ربك وتوووووكل

[Nasser-ahah]

شوف خذ 2007 الدفعة الثانية أقوى أو 2008 لأن ال2005 130 حصان تيربو عادي
أما 2007 الدفعة الثانية 180 حصان تيربو سوبر شارج!!! فيه فرق

بنسبة اللي يقول إنه غير طرمبة الديزل تراه مايحافظ عليه لأنه يمكن ما غير فلتر الديزل عرفت.هذي نقطة
أو إن الديزل اللي يعبي منه غير موثوق يمكن فيه تراب
المهم فلتر الديزل تغيره كل 10ألف كيلو ,
ومع المحافظة رح يقعد معك فتره أطول

[ابن عكاش]

دبله كهرب دايم يخرب

[شاص1988]

يرجال اترك عنك هلخرابيط ان عندي 2007 الدفعه الثانيه له هلحين سنتين ولا قالت شي
ترى 2007 الدفعه اثانيه اقوى واصبر من القديم ويتحمل وترك عنك الي يقول ماتصلح للبر ان هسنه قانص عليه وكاسر ضهره ولا قالت شي يرجال اذ بتاخذ لاتاخذ الا 2007 الدفعه الثانيه اقوى واصبر ويقلع في الطعوس ماشالله

[مخاوي السامر]

المشكله ماهي في كيفية الاستخدام
المشكلة في صيانة هذي السيارة

وقيمة قطع الغيار الخيالية

[هواي الصين]

المشكله ماهي في كيفية الاستخدام
المشكلة في صيانة هذي السيارة

وقيمة قطع الغيار الخيالية



كلامك مهوب صحيح بتاتاً

لانه معي السيارة ومجرب

وياليت تقول لي وش القطع الخيالية ؟؟؟؟؟؟؟؟؟؟؟؟؟

[أبوحمد 505]

نصيحة
مر الوكالة وأسائل عن الفحمات والأقمشة والهوبات وشف أسعارها

ولا تستعجل أنا مجربها غمارتين ودبل وبنزين والله أني أحمد ربي اللي بعتها وأفتكيت
وسبحان الله ماقابلت واحد إلا يسبها خصوصا اللي مطولة معة وجرب خرابها وقطع غيارها

[هواي الصين]

نصيحة
مر الوكالة وأسائل عن الفحمات والأقمشة والهوبات وشف أسعارها

ولا تستعجل أنا مجربها غمارتين ودبل وبنزين والله أني أحمد ربي اللي بعتها وأفتكيت
وسبحان الله ماقابلت واحد إلا يسبها خصوصا اللي مطولة معة وجرب خرابها وقطع غيارها


كلامك مهوب صحيح

ومعروف ان ايسوزو مشهوره بمكاين الديزل

وانا معي موديل 2005 وكارفه كرف بران وسفرات داخل وخارج المملكة ومقناص وشغل مزرعة وماشاء الله

ماقال لا

وماشي الان فوق 250 الف

واسعار قطع الغيار معقولة صراحة

[مخاوي السامر]

كلامك مهوب صحيح بتاتاً



لانه معي السيارة ومجرب



وياليت تقول لي وش القطع الخيالية ؟؟؟؟؟؟؟؟؟؟؟؟؟


اخوي
الاخوان
الذين جربوا السيارة ومن واقع تجربة لهم

جربكس يكلف 17000
دبل يكلف 10000
اسعار ولا رنج روفر

ياليت لو تزودنا باسعار قطع الغيار

او تكلفة توظيب المكينة او القير

او قيمة الاصطبات والانوار

وبكذا نعرف ونستفيد بما انك مجرب ومستخدم

ومنك نستفيد

[الحارثى محمد]

اخى الكريم
خذ العلم اللى يجمد على الشارب:D
يكفيك ان شركة بن لادن كانت ولازالت معظم سياراتها من شركة أيسوزا واعلم أن الشركة حريصه كل الحرص على كل ريال ولو أنها رأت خسارة فى إستخدام تلك السيارات لأبعدتها عن الخدمه منذ البدايه أو من قبل أن تتورط بها
ويبقى لك الاختيار

[هواي الصين]

دبل يكلف 10000


اووووووف

رجاء يااخوي انت من وين تطلع هالاسعار ؟؟؟؟؟

انا قد خرب علي الدبل ووديته لوكالة العيسى ( وليس اليمني الحرامي )

وكلف تصليحه 75 ريال فقط وبوقت سريع

ولم يخرب علي من يوم شريته الا مره واحده بسبب كهربائي سيارات في الصناعية

(( يعني الخراب بسبب شخص وليس بسبب سوء السيارة))

[الشمطري]

جربها الوالد والسيارة حليلة قوية وتتحمل شئ واجد

لكن استبدلها بهايلكس يوم نزل الشكل الجديد :no2:2006

ومع عمي يكرفها كرف الويل ولا خالفت معه إلا ببعض المشاكل الكهربائية البسيطة

على العموم اي سيارة لو انها مدرعة وتستخدم استخدام خاطئ تبي تخسرك

واي سيارة تحافظ عليها وتستخدمها صح تخدمك صح:good2:

[شاص1988]

يرجال اترك هم عنك احكم على الي جربوه فقط ولي ماجربوه لا يردون على الموضوع لان اسياره كدت معي سنتين ولا قالت اح والله انه ماشي حدود الخمسين ولا غيرت فيه شي غير فلتر هوئ في العشرين وزيت وسيفن كل 7000 الف ولا غيرت حتى فلتر الديزل وهاذهي عايشه بعدين حتى لو صار قطع غيار غاليه يكفي ان يطربك لقمت تخيط على العروق مع اني ماحس ان قطع غياره غاليه الى ارخيصه بلعكس وترك عنك الي يقولك قير بوكس هاذ تلقاه من شراه ماقد عاير زيت القير الاخ يحزبه الموتر يعبي زيت من نفسه وشف الشركات الي احرس مني ومنك على القرش الكثر سياراتهم او كل سيراتهم اسوزو ويكفي ان تويوتا تشتري مكائن ديزل من اسوزو ولاصار عنده نقص قطع غيار يشترون من عندهم وترك عنك الي يقولك الهايلكس الديزل اقوى من اسوزو لان تويوتا تستعين بالاسوزو في مكائن الديزل وان اشور عليك اخذ ولا تشاور احد

[ابوالليالي]

بداية اشكر كل اخ ادلى برأية وابدى نصيحته فلهم مني جزيل الشكر
لكن تبقى ملاحظه في هذه السياره وهي غلاء طرمبة الديزل وعدم امكانية تصليحها حتى عند الوكاله اذا كان سعرها كما ذكر احد الاخوه الكرام17000 فذلك شيئ مخيف هذي قيمة سياره اخرى هل هذا صحيح؟

[عاشق وادي الدواسر]

تكفى وانا اخوك طق عنها انا كانت معي 2005 كويس 3000 ديماكس وجننت بي مع العلم اني مانيب راعي بر واجد اكثر مشاويري سفريات من الرياض إلى الشرقيه بس

قالوا لي الوكاله بعد ماجيتهم يوم خرب الدبل تصليحه 450 برمجه بس وماتلقاها عند غيره وبعد مابرمجته طلع ضعف في الموتر قالوا لي طرمبة الديزل ترقل خلاص قريبه تخرب لاكن بننضفها وشوف تضفوها ورجعت نفس الشي ولما سألتهم عن قيمتها قالوا لي 17 الف ولازم تنتظر كم اسبوع لأننا بنصلحها في دبي على ما اعتقد تبي صيحة اخو لوجه الله لاتآخذها لو بريال


انا حذرتك وانت بكيفك

وعقلك في راسك وتعرف خلاصك


اخوك

عاشق وادي الدواسر

[Magellan]

بداية اشكر كل اخ ادلى برأية وابدى نصيحته فلهم مني جزيل الشكر
لكن تبقى ملاحظه في هذه السياره وهي غلاء طرمبة الديزل وعدم امكانية تصليحها حتى عند الوكاله اذا كان سعرها كما ذكر احد الاخوه الكرام17000 فذلك شيئ مخيف هذي قيمة سياره اخرى هل هذا صحيح؟


هذا الموضوع بالأسفل للأخ الكريم مهل سيفيدك بشأن سعر الطرمبة بالصور:

خوش توفير (http://mekshat.com/vb/showthread.php?t=202150)

[ابوالليالي]

هذا الموضوع بالأسفل للأخ الكريم مهل سيفيدك بشأن سعر الطرمبة بالصور:

خوش توفير (http://mekshat.com/vb/showthread.php?t=202150)
جزاك الله خير الجزاء اخي Magellan فعلا موضوع جيد يحكي معانة كبيره جدا مع غلا سعر قطع الغيار وخاصه طرمبة الديزل كان الله في عونه يؤيده في ذلك اخونا عاشق وادي الدواسر الذي ذكر ايضا معاناته مع هذه السيارة مشكورا
امر مثير للعجب اذا كان سعر الطرمبه 17000 والورش لاتملك اصلحها والوكالة ايضا لماذا يشتريها الناس ما الميزه التي تميزها عن غيرها !!!
حقيقة احمد الله الذي جعل لى في هذا المنتدى الغالي اخوة
يبذلون النصيحة بسخاء
17000 الف ريال لالالا يمكن ربيه احسنوا الظن

[Magellan]

أخي العزيز أبوالليالي...
عادة في سيارات الديزل تكون الطرمبة ميكانيكية ،وتعتمد على تدوير عمود الكرنك بالبداية وتكون قريبة من المكينة...
لكن في الديماكس كهربائية في التانكي،،،
الحقيقة ماجربت الإيسوزو ،لأني عندي إقتناع بالديزل ماتوفره من الديزل تصرف أضعافه على الصيانة المُكلفة وضريبة جهل الورش بالإصلاح...
فيما عدى الإستخدام التجاري للديزل(وايتات وتريلات) ومن شركة مورسيدس فقط فأعتقد البقية يلزمهم عقود من الأجيال للوصول لخبرات الشركات الألمانية في صناعة محركات الديزل

[بـدر]

السوزو كلام كبير والله

لو كان له لسان كان تكلم معنا

من عام 1993 الى عام 2002

ما بقى حادث الا وشارك فيه

لكن خذ رجال قصدي موتر

بس مدري عن الموديلات الجديدة

عز الله انه موتر بس بدون عزم !!!