المساعد الشخصي الرقمي

مشاهدة النسخة كاملة : لخبراء الباثفيندر... > ما خاب من استشار <,,,(( أفيدوني))


صقرالعرب2007
03/06/2009, 11:58 AM
السلام عليكم ورحمة الله وبركاته,,,

لكل من جرب الباث الشكل الجديد والقديم

اخواني أنا ناوي آخذ لي باثفيندر لكني محتار بين شكل 2005 والشكل الجديد 2006...:rolleyes:

بغض النظر عن المظهر الخارجي للسياره أو العزم الي أعرفه من أبرز عيوب الشكل القديم أنه يصرف بنزين بشكل كبير وينقص زيت ومشكلة مسامير الثلاجه:j

هل هذي المشاكل ما زالت موجوده في الموديل الجديد أم تفادتها نيسان...؟؟؟

وبشكل عام بماذا تنصحوني للاستخدام الطويل داخل المدينه والمكاشيت...؟؟

أتمنى إفادتي عاجلاً الله يجزاكم عني كل خير....
salehhd
03/06/2009, 01:45 PM
عليكم السلام ورحمة الله

حسب تجربتي
اذا تبي موتر شبابي خذ القديم
اذا تبي موتر عائله خذ الجديد

هذي تجره قديمة للباث 2006 قمت فيها قبل سنتين ان شاء الله تفيدك

http://www.assayyarat.com/forums/showthread.php?t=99330
ولا تنسى الاستخارة
بالتوفيق
صقرالعرب2007
03/06/2009, 04:09 PM
الله يجزاك خير على الرابط الي جا في وقته أخوي...

فعلاً الشكل القديم شبابي أكثر...

لكن السراحه انه ما همني هو شبابي ولا لا.. أهم شي الجودهـ

جاري الاطلاع على التجربه
بو خليفه
03/06/2009, 04:35 PM
انا اقول اشتر 2006 لأن سعره نفس 2005 وسبع اشخاص
صقرالعرب2007
03/06/2009, 10:25 PM
الله يرفع قدرك اخوي بوخليفه ولا يهون salehdd

مطلوب مزيدا من الآراء
نيسان 807
04/06/2009, 04:49 AM
السلام عليكم ورحمة الله وبركاته,,,

لكل من جرب الباث الشكل الجديد والقديم

اخواني أنا ناوي آخذ لي باثفيندر لكني محتار بين شكل 2005 والشكل الجديد 2006...:rolleyes:

بغض النظر عن المظهر الخارجي للسياره أو العزم الي أعرفه من أبرز عيوب الشكل القديم أنه يصرف بنزين بشكل كبير وينقص زيت ومشكلة مسامير الثلاجه:j

هل هذي المشاكل ما زالت موجوده في الموديل الجديد أم تفادتها نيسان...؟؟؟

وبشكل عام بماذا تنصحوني للاستخدام الطويل داخل المدينه والمكاشيت...؟؟

أتمنى إفادتي عاجلاً الله يجزاكم عني كل خير....





وعليكم السلام اخوى صقر العرب ..

ان معي باث 2005 ومشاءالله اي مكان يدخلك فيه سوء بالمدينة او بالبر .

القديم على قولتك اخف وزن وأكثر راحة بنسبة لي وبتقول الخربات.... ماعندك الى مسامير الثلاجه ام صرفية البنزين فهي شيء طبيعي ..

مسامير الثلاجه قيمة أصلاحها 200 ريال بس..

أما الشكل الجديد فهو يحمل أشخاص أكثر من الاول بس أثقل واكبر حجم أما الخربات لحد الحين ماطلع المستور والله يستر ..

وهذى نصيحتي لك .
مستشارك1
04/06/2009, 06:05 PM
انا عندي الشكل الجديد اتوكل على واقدم وراح تدعي لي ان شاء الله له عندي اكثر من 3 سنوات.

خذ هذا الرابط ان شاء ينفعك...
http://www.mekshat.com/vb/showthread.php?t=109800
صقرالعرب2007
05/06/2009, 12:13 AM
اخوي نيسان الله يعطيك العافيه على نصيحتك ويكتب لنا ما فيه الخيره المباركه

اخوي مستشارك...

بما انك واحد من ملاك الشكل الجديد حبيت اسالك كم سعة الخزان ووش نوع البنزين الي تعبيه وكم يمشيك داخل المدينه... الله لا يهينك اخوي
مستشارك1
05/06/2009, 12:50 AM
يمشيني احياناً 490 كيلو واحيانا 512 كيلو بس من الرياض إلى الثقبة با تمام ويبقى اقل من الربع على سرعة 140 و160 والبنزين 91 اكوتين وبالتوفيق بالنسبة للصرفية.
صقرالعرب2007
05/06/2009, 03:30 PM
والله ممتاز جداً ماشاءالله
أفضل من القديم من ناحية الصرفيه

بس كم سعة التانكي..؟؟
التعـ King ـديل
05/06/2009, 04:11 PM
اخوي اذا انت تبي قير عادي خذ القديم ولا اكستيرا جديد تراه قوي ويمدحونه

اذا تبي تماتيك خذ باثفيندر جديد ولا اكستيرا قير تماتيك

بالنسبه للصرفيه انا مجرب ال 2005 عبه من ال 95 وانساه لكن تعبيه 91 بيصرف على اي موتر

وانا مجرب على باترول 97 كنت اعبيه 91 ماكان يقعد يطير بسرعه ويوم صرت اعبيه 95 حسيت بفرق بالموتر

من عزم وصرفيه
صقرالعرب2007
05/06/2009, 09:55 PM
اخوي عسول ,,, اختلف معك من ناحية ان 95 اقوى عزم واقل صرفيه

من ناحيتي أفضل الاوتو عندنا بالرياض تاخذ عايدي تروووح عليك

شاكر لك مروروك...
امبراطوور
05/06/2009, 10:26 PM
انا رايي من راي عسوول
معي 2005 الحمدلله تمام زبطت المسامير واوكي
بس اذا فيه دراهم انصحك تاخذ اكستيرا والا فتك
باثفندر 2005
06/06/2009, 11:45 AM
اخوي اذا تبي العزم والقوة والخف ..
غير باثفندر 2005 ولا بالاش
واحد من الزملاء معاه 2007 خرب عليه اكثر من مره الدبل
لاانه كهرب
هذا عير الثقل ..
صح ثلاث مراتب و مكيف خلفي
الا انه ثقيل وفيه مشاكل
لاتخلو سيارة من مشاكل ..
انا معي 2005 فاكه وكالة والحمدلله مافيه اي مشاكل لا ثلاجة ولا غيرة
حسب رجلك ..
هذا ماعندي وارجو من الله التوفيق
عبدالرحمن السالم
06/06/2009, 01:01 PM
شف المسامير خلل مصنعي ،، والحمراني جايه خطاب من الام في اليابان اى باثفندر يجي يسوي صيانه تشيلو له المسامير بدون مايدفع ولا ريال ولا حتى يدري ،، وهذا إلى عرفته من واحد يشتغل بنيسان

لكن فيه ورشه تضبطه لك ،، ماهو مهم المهم الاستخاره استخر ربك وتوكل على الله انا معي 2005 والحمد الله ياربي لك الحمد ما اشتكي منه ابد وهذا من فضل ربي

وعسى الله يوفقك
نفس السحاب
06/06/2009, 01:17 PM
الجيل الجديد افضل بكثير من القديم
abdurahman12
06/06/2009, 02:22 PM
انا مع اخوي ( نفس السحاب ) الجيل الجديد افضل بكثير من القديم من واقع تجربة الوالد معه الجيل القديم 2005 واخوك معه الجيل الجديد 2006 والصراحة فرق السما عن الأرض لا من ناحية القوة والرساوة والعزل في الخطوط واقتصادي في الوقود والسعة والفخامة .
بس فية شيئ يميز الجيل القديم عن الجديد وهو الخفة والوذافة :D ( وذف ) في البر وخاصة في النفود .ان كانك تبي رايي توكل على الله وخذ الجديد وقبل كل شيئ استخر والله يكتبلك مافيه الخير.
صقرالعرب2007
07/06/2009, 11:48 AM
الجيل الجديد افضل بكثير من القديم


شاكر لك مرورك والتعبير عن رأيك,,,
صقرالعرب2007
08/06/2009, 10:28 PM
اخوي ابو عبدالرحمن,,, الله يجزاك خير على النصيحه.. بيني وبينك ماتهم الوذافه قد المراتب الثلاث والمكيفين ومشكلة المسامير والبنزين والزيت...

شاكر لك مرورك
فارس العمور
08/06/2009, 11:04 PM
وووووووووووووووووووووووووين حرام عليكم

الجديد افضل بمرااااااحل لا نقص زيت ولا مسامير وصرفيه معقوله على ان مكينته اكبر واقوى عزم 291 حصان

اوسع واقوى محركات وعزم والي يقول فيه عيوب ماعنده سالفه

السيارة من 2006 الى 2009 خاليه من العيوب المصنعيه تماما

بس بدايه ماطلع 6 قلو مايصلح <<< مجرد لعبة شريطيه لتصريف سياراتهم فقط!!

واذا تقدر على 2008 او 9 فهو افضل شي من الداخل فخم ومميزات وشاشات وقير تبروتنك
صقرالعرب2007
09/06/2009, 12:12 PM
اخوي فارس عسانا نقدر على 6 هلحين...


السراحه الشكل القديم شاخفاً قلبي خصوصاً اللؤلؤي... لكن لا تذكرت مسامير الثلاجه ونقص الزيت وصرفية البنزين يضيق صدري ولا ودي أشتريه


شاكر لك مرورك العطر
صقرالعرب2007
10/06/2009, 01:03 PM
للرفع رفع الله قدركم,,,