ماهي افضل ورشة سمكر وسعرها معقول

[العرمه]

ماهي افضل ورشة سمكرة في الرياض وسعرها معقول

[ابن عكاش]

والله يالغالي الورش اللي شغلهم زين واجد وكل ورشه يمكن تكون افضل من الثانية في شي لكن فيه ورشه النفيعي في صناعية الشفاء شغله طيب وسعره معقول بالنسبه لغيره وهو بصراحه سمكرته حلوه والبويه رشته ماعليها وانا ماودي امدحلك الورشه ويمكن ماتجوزلك انت رحله واحكم بنفسك اناصلحت عنده لكزس 400 جايها صدمه في الرفرف وماشي الحكه إلى الشنطه ورحت بها لورش وقالو لي على طول غير الرفرف اما هو ماجاب طاري التغيير وخذ عليها 2300ريال

[العرمه]

مشكور اخوي ابن عكاش ووجهك ابيض

وانتظر تجربة بقية الاخوان ؟

[العرمه]

للرفع..........

[Cool 3la 6ooL]

في الصناعية القديمة ورشة اسمها عطارد
رشيت عندهم رفرف وصدام وطبقووه 100% من اول مره مع ان اللون جيشي يعني احتمال كبير يفرق شوي
وكان فيه طقه صغيره بالكبوت عدلوه ورشوا مكان الطقه بس بدون مايرش كل الكبوت واتحدا احد يطلع مكان الرش في الكبوت

سعرهم لك عليه شوي

[أشرس]

والله ياعزيزي فيه ورشة بالصناعية القديمة يصلح عندها شيخ المعارض طبعا العامل مصري الجنسية لكن شغله نظيف بس عيبه الزحمه ماشاء الله يعطيك موعد لكن على العموم هذا رقمه بأمكانك تدق عليه وتاخذ العلم منه : 0504966211 اسمه: عبدالله

[العرمه]

بيض الله وجهك يا كول على طول

[العرمه]

ما قصرت يا اشرس وراح ادق على عبدالله ووجهك ابيض

واتمنى يكون هذا الموضوع مرجع للجميع الله لا يحيجهم له يا ربي يا كريم ولكن لمن احتاج يكون هذا الموضوع معين له بعد الله في التعرف على الورش الجيدة

وان لا يتدهور في ورش التعليم اللي ما اكثرها عندنا