ماهو الفرق بين التاهو من شفر واليوكون من جمس ؟؟؟

[ساري 111]

مساكم الله بالخير

عندي معلومتين عن هالسيارتين بس غير مؤكده

ياليت احد يثبتهم لنا او ينفيهم

يقال ان الفرق بينهم

بالنسبه لحام الشاصي الجمس نصف انش بينما التاهو ربع انش

ويقال ان العزل الأرضي وعزل الابواب في الجمس اعلى من التاهو بفرق واضح


مااادري هاالمعلومات اكيده او لااا ؟؟


وياليت اللي يعرف الفرق بينهم مايبخل علينا

شكراً لكم

[NOYEB]

حسب علمي المتواضع
المكينة واحدة والقير واحد والدفرنس واحد نفس الشيء في المصنع ...ولكن الفرق بالعلامة التجارية وفي السعر اعلى لليوكن والسبب انه اكثر مواصفات وديكورات من التاهو.
اهلا بك ساري

[شبهان]

اتاهو:good: واليوكن:good: لكن اتاهو( اقوا)>>>>>لكن بكيفك

[احب البرواهله]

تعوذ من ابليس ولا تشكك فيهن كلهن من بطن واحد بس واحد بنت والثاني ولد والظاهر أن التاهو ولد وما فيهن فرق مخفي غير الي انت تعرفه مثل الوجهيه والخلفيه ولون الطبلون الداخلي وأنا معي تاهو وكان عندنا يوكون سيم سيم هذا الي عندي والشباب فيهم من هو ادرى مني ولك الود

[راعي الطلعات]

انا ما ادري ليش ينزل شكلين وبطن الام واحد اقصد الشركه المصنعه :)

[كبسولة2]

الشعب الأمريكي يرغب أستخدام الشفر الي هو التاهو

أكثر من اليوكن والجمس

لمعرفتهم بقوته وتحمله أعتقد بمواد تصنيعه

[ساري 111]

يعطيكم العافيه .. وننتظر المزيد

وبالنسبه لك ياكبسوله الشعب الأمريكي يرغب الشفر لأن سعره ناااازل حدود الـ 10 الاف عن الجمس عندهم

[ساري15]

لافرق بين الإثنين

سوى الديكوراااااااااات والإكسسوارات

والسعر

غيره ماكو فرق

[بوراشد]

التاهو يختلف عنه اليوكن مثل ما تكرموا الاخوة بالفرش الداخلي والطبلون + فرق شاسع في السعر مما يرجح كفة التاهو كونه أرخص مع فروقات طفيفة

وعسى الله يوفقك في الاختيار وشوف اللي يجوز لك مع العلم ان المركب واحد (أنا معي يوكن يعني لا تقول اسوي دعاية) :)