كهرب النيسان ومشاكلها المستمره

[الكابتن]

السلام عليكم ورحمة الله وبركاته
اخوانى الاعزاء من حدثت لديه مشكله فى سيارته وهى جيب باترول وعرف حلها لايبخل علينا بالحل

(المشكله تحدث فى بعض الاحيان وهى انطفاء السياره اذا لم ادعس البنزين يعنى اثناء السير باى سرعه
اذا قمت برفع قدمى عن دعست البنزين ودعست الكلتش تطفى السياره كذلك ضهور صوت فرقعه فى الشكمان
وبعد فتره تذهب المشكله)

منتظر الردود ولكم جزيل الشكرررررر

[1988]

وش موديله ونوع مكينته بخاخ والا كربريتر

[شمالات نجد]

الأمر بسيط بإذن الله

هل عملت تصفية مكينه؟

ماهو مستوى ضغط البنزين؟ (يمكن يحتاج زياده فقط)

هل تحدث المشكلة أثناء تشغيل المكيف فقط؟ (تأكد من التماتيك الذي يزيد دوران المحرك أثناء تشغيل المكيف)

تأكد من البواجي إذا كانت قديمه قم بإستبدالها

تأكد من أسلاك البواجي كذلك

سلام

[الكابتن]

حياكم الله اخوانى ويعطيكم العافيه
بالنسبه للسياره كيبليتر ولكن المشكله ماهى منه المشكله حسب راى ميكانيكى ثقه هى كهرب وشار على افحصه كمبيوتر عند الوكاله وانا بصراحه ما اثق بالوكاله من واقع خبرات سابقه فقلت ان احد من الاخوان مرت عليه المشكله لايبخل علينا ودمتم سالمين

[turkiq]

روح لكهربائي جيد يتأكد من وزن الديلكو ..
الشغلة سهلة وغير مكلفة وان شاء الله تحل المشكلة
لكن لازم ترجع للكتلوج علشان الكهربائي يلتزم بالقراءة الموجودة في الكتلوج والمعلومة هي زاوية او نقطة ضبط الاشعال
وبالتوفيق


تركي

[سوبر152]

أنا أذكر الددسن إذا سوت كذا يصيرالصطنص مقطوع وهو يجب زي الفيز الأبيض حق البيت وموقعه على الرفرف الأيسر بجنب الكويل

[ابو ريان .]

غير طقم بواجي بشرط أصلي مع التركيب المظبوط وعلى مسؤوليتي .

[فهد 003]

اخوي اول شي وقبل البواجي وقبل كل شي
تأكد من الديلكو ووزنه
واذا موديل موترك قديم تأكد من البليتين والبويبينه اللي تبع الديلكو
لان الديلكو بدايه الكهرب الى السياره وبعد هاذا كله شوف البواجي وأسلاكها
الكبليتر نصيييييييييحه مني لاتلمسه اببببببببد
لا اذا اشتغلو فيه اعرف انه ماراح يضبط اشتر لك جديد

تحياتي لك

[مرساب]

اخوي الكابتن :
اسمع الله يحفظك اذا كان الموتر يطفي لا دست على الكلتش وكذلك يرمي بعض الاوقات هذي بسيطة جدا فقط السلك اللي يشبك الديلكو بالكويل غيرة بنفسك ونصيحة لا تاخذ اصلي خذ تجاري لان السلك اللي داخلة زهر ممتاز قيمتة من 10-15 ريال ويركب على اكثر السيارات وباذن الله تزين معك.

[صوت الجزر]

عزيزي انا مرت علي مثل هالمشكله بس ياليت تحدد موديل الباترول وهل يطفي كانك مطفي السويتش وتبقى لمبات الطبلون والعه واذا نتعته يشتغل طبيعي واذا اخذت فتره ممكن تطول وممكن تقصر يسوى نفس الحركه
وان شاء الله اقدر اساعدك يالغالي باللي اقدر عليه
>> الله يعينك <<

[شمالات نجد]

وش هالميكانيكي اللي يقول أفحص الكمبيوتر عند الوكالة!!!!!

يا أخوي السيارات اللي مثل هذي واضحة ما فيها خرابيط واجد مثل التاليات

أنصحك تروح لغيره وبشرنا وش يصير معك عشان الكل يستفيد

سلام

[مشاري الصقر]

شيك على البليتين وعلى الديلكو والبواجي

[ابوريما99]

إشتر لك متر ليات هواااااااااااء
اللي تجي تحت الكلبليتر

ورح لمهندس مختص فيها
ويضبطها لك

وهذا ماصار معي

اذا دعست الكلتش والسيارة تمشي
او وقفت السيارة تماماً
تطفى
وكان معي باترول 92