نصيح6ة ( ما الفرق بين اللاندكروزر و اليوكن )

[وسام الغضب]

السلام عليكم
لاهل الخبرة والاختصاص
ابي اعرف ايش الفرق بين اليوكن واللاند من جميع النواحي
ما ابي الشكل الجديد
ابي من موديل 2000 وفوق
اذا تبو تساعدوني لاني محتار ايش اشتري ؟
وايش تنصحو ب60000او65000 كم الموديل اللي يجيب

[طرد الهوى]

هلا اخوي

تبي الواقع الي مافيه اي شك اللاند يتميز عن اليوكن بحاجه وحده انه ماسك قيمته

يعني شيك في الجيب .

ان بغيت راحه ممشى خط اليوكن وان بغيت كمان داخل البلد
ان بغيت قوه يحفر اللاند عند اليوكن ولا يمديه على غباره
ان بغيت قطع تلقاها في السوبر ماركت

انا اتكلم عن تجربه واتحدى اي واحد يناقض كلامي

وبعدين اليوكن تلاقي اسعار 2001 و2002 بــ 40 او 41 الف ما يحتاج تدفع 60 او 65 الف في سياره

[fusion]

بس الاندكروز هيبه كبيره خاصة 2002 وفوق ومافي مجال للمقارنة

[طرد الهوى]

بس الاندكروز هيبه كبيره خاصة 2002 وفوق ومافي مجال للمقارنة


اخوي هيبه كبيره في ايش اقنعني وانا مستعد اقبل كلامك

اذا فيه شي يميز اللاند عن اليوكن اذكره لنا

[fusion]

بالشكل الفرق كبير جدا واجمل صحيح الامريكي مريح بس مو معناه ان الكروزر غير مريح


والدليل انه يمسك سعره بعكس الامريكي يطيح ربع سعره بعد فتره بسيطه جدا

[طرد الهوى]

اخوي العزيز الله يرضى عليك ابي كلام واضح يعني 1+1=2

اليوكن اريح من اللاند ما قلت اللاند مو مريح ..........

وصحيح اللاند ماسك سعره
بس هذي كذبه كذبناها وصدقناها بانفسنا والدليل روح شوف اسعار الربع والشاص في الوكاله قبل ثلاث سنوات كل سنه يزيد السعر 10000 والامور هيه هيه والمواصفات هيه هيه

[sameer_1798]

اللاندكروزر ..... تعتمد عليه بعد الله عزوجل في الصحاري ... قلة خرابات .. صبور .. يتحمل جميع التضاريس . تركبه وأنت واثق أنه بيوصلك للمحل اللي تبيه .
بالإضافة إلى أنه مريح ففي الخط وخصوصاً مع مثبت السرعة ,وأكثر راحة في الوعر .

اليوكن ... مريح جداً في الخطوط وهذه الميزة في كل السيارات الامريكيه .. لكن اليوكن يختلف عن السيارات الثانيه بأنه حساس أكثر من اللزوم ... ومشاكل الكهرب فيه بكثرة .
وأنا ماجربته ولكن رأيت الأخوان في المنتدى يشتكون منه وله مواضيع كثيره .... يعني في البر لاتعتمد عليه إلا إذا كانت معك سيارة ثانيه يابانية .
إذا كنت ملزم على الأمريكي فأرشح لك الاكسبدشن من فورد ... فهو أفضل بكثير من اليوكن . ومجربينه أعضاء المنتدى ومرتاحين له وأيضاً أحد أقاربي .
ولكن لاتقارنهم بتحمل السيارات اليابانية .

[64 الحر]

لايوجد مجال للمقارنه اللاند موجود عندنا من اكثر من30 سنه ولاقد سمعنا احد اشتكي منه

[المسناة]

:good: :good: :good: :good: :good: الند كروزر شيك لك ولزمن:good: :good: :good: :good:

[وسام الغضب]

بصراحة انا مو راعي بران زوود وتوي جديد على البر وغير كذا انا ابي سيارة قوية وفوق كذا عندي مشاكل شويه في الظهر
ومحتار بين اللان ولا يوكن
ومتخوف من كثر ما سمعت عن مشاكل اليوكن
( كهرباء - طرمبة البانزين - وغيرها........)

ولاند صرفية بانزين مو مثل اليوكن

[طرد الهوى]

اللاندكروزر ..... تعتمد عليه بعد الله عزوجل في الصحاري ... قلة خرابات .. صبور .. يتحمل جميع التضاريس . تركبه وأنت واثق أنه بيوصلك للمحل اللي تبيه .
بالإضافة إلى أنه مريح ففي الخط وخصوصاً مع مثبت السرعة ,وأكثر راحة في الوعر .

اليوكن ... مريح جداً في الخطوط وهذه الميزة في كل السيارات الامريكيه .. لكن اليوكن يختلف عن السيارات الثانيه بأنه حساس أكثر من اللزوم ... ومشاكل الكهرب فيه بكثرة .
وأنا ماجربته ولكن رأيت الأخوان في المنتدى يشتكون منه وله مواضيع كثيره .... يعني في البر لاتعتمد عليه إلا إذا كانت معك سيارة ثانيه يابانية .
إذا كنت ملزم على الأمريكي فأرشح لك الاكسبدشن من فورد ... فهو أفضل بكثير من اليوكن . ومجربينه أعضاء المنتدى ومرتاحين له وأيضاً أحد أقاربي .
ولكن لاتقارنهم بتحمل السيارات اليابانية .


مين الي قال لك اخوي ان اليوكن مشاكل الكهرب فيه واجده .
وبعدين انت تقول لازم تطلع البر ومعك ياباني .
موتري معي ولا بقيت فيه ارض لا وبعد اقنص به في حرات ولا واجهت الي تقولونه .:no2:

وكمان على وصفكم اللاند سياره ماتخرب ابد ولاتتعطل ولو تنزل بها بحر وتبيه يسبح سبح .

[بنزرت]

سلام
انا بعد سنين من الاند جربت اليوكن ........ فرق شاسع والله لامن حيث توفير المال ولا من حيث الراحه .... انت قبل ما تشتري روح استاجر السيارتين وجربهم وانت بنفسك بتشوف الفرق . ولو ركب معك عيالك في اليوكن ماراح يرضو من بعده بالاند.
هذا اذا كان عندك اسره ... اما ان كنت اعزب وراعي مطامر وبران فلاتتعدى الشاص او الربع.

[MR.SAEED]

مين الي قال لك اخوي ان اليوكن مشاكل الكهرب فيه واجده .
وبعدين انت تقول لازم تطلع البر ومعك ياباني .
موتري معي ولا بقيت فيه ارض لا وبعد اقنص به في حرات ولا واجهت الي تقولونه .:no2:

وكمان على وصفكم اللاند سياره ماتخرب ابد ولاتتعطل ولو تنزل بها بحر وتبيه يسبح سبح .


بارك الله فيك ،،


وتأكيدا لكلامك // بأنها سيارة تطامر فيها وبالك مرتاح ،،


سيارات ارامكو اللي تجول و تصول فيها بالصحراء من عشرات السنين // بحثا عن البترول في عز الحر وايضا في اسوء الاجواء الماطرة و العاصفة ،،


وش نوعها //


طبعا جموس و الآن يوكنات xl


والله انها سيارة تعتمد عليها وقت الشدايد ،،
وترز فيها وقت المناسبات ،،
وتشد فيها وقت الزحمة،،
وتحمل فيها وقت الضيق ،،
وتحج فيها مع من تحب ،،
وتسع ضيوفك في مكشات الربيع ،،
وتفزع لجارك بخروف العيد اذا ماعنده متسع في لاندكروزر من الضيق،،

[وسام الغضب]

تسلمو على الردود اللتي اكثر من رائعة

بس خلاص نويت على اليوكن
و اطلب منكم كلشو عن اليوكن من الى

التجهيزات للموتر ونصائحكم لي

[خيال الغلبا]

مثل الفرق بين المرسيدس البنز والددسن

وش جاب اليوكن لللاند

[sameer_1798]

مين الي قال لك اخوي ان اليوكن مشاكل الكهرب فيه واجده .
وبعدين انت تقول لازم تطلع البر ومعك ياباني .
موتري معي ولا بقيت فيه ارض لا وبعد اقنص به في حرات ولا واجهت الي تقولونه .:no2:

وكمان على وصفكم اللاند سياره ماتخرب ابد ولاتتعطل ولو تنزل بها بحر وتبيه يسبح سبح .

أخوي أنا ماحكمت عليه إلا من كلام الأعضاء عليه وكثرة شكواهم منه وخصوصاً بالكهرب .ومواضيعهم كثيره في المنتدى ابحث عنها .

وموترك ماشاء الله عليه المهم أنك مرتاح له والله يوفقك .:good:
والله يجزاك خير لاتقولنا كلام ماقلناه في اللاند .

طالما أن صاحب الموضوع اقتنع باليوكن الله يوفقه ويرزقه من حيث لايحتسب .

[pasel]

يا اخوان اسمحوا لي (((( الي ما يطول العنب حامض عنه يقول )))

اشوف العالم قامت تعذرب في الاند كروزر

[Magellan]

أخوي أنا ماحكمت عليه إلا من كلام الأعضاء عليه وكثرة شكواهم منه وخصوصاً بالكهرب .ومواضيعهم كثيره في المنتدى ابحث عنها .

وموترك ماشاء الله عليه المهم أنك مرتاح له والله يوفقك .:good:
والله يجزاك خير لاتقولنا كلام ماقلناه في اللاند .

طالما أن صاحب الموضوع اقتنع باليوكن الله يوفقه ويرزقه من حيث لايحتسب .

حياك صديقي راعي اليانمار...
أخوي العزيز أبو سعود
أعطيك مثال لماذا يرغب البعض في اليوكن،،
تكليف توضيب القير لليوكن مع ضمان 6 أشهر =3000-3500 في المراكز المشهورة ويكون أقل من ذلك في مراكز غير مشهورة..
تكلفة توضيب قير اللاندكروزر يصل إلى 8000 ريال سعودي والعضو mmgarni وضب له جيب أكثر من مره بـ6000 ريال ولم يضبط ،مع العلم أعرف ناس وضبوه بقيمة 8000

تكلفة توضيب مكينة اليوكن مابين 4000 إلى 5000 ريال...
بينما تزيد في اللاندكروزر عن هذا المبلغ بكثير جدا وتتجاوز 10000 ريال...

اليوكن قطعه أكثر توفر لأنه غير محتكر في شركات مثل دلفي وارتكس وفدرال والكثير مما لايمكنني أن أحصيه هنا ...
طبعا لو خيرت بين الإثنين لأخترت اللاندكروزر بلا مشاحاة مع الأخوان ، لكن يظل لليوكن زبائنه وراغبيه والحقيقة فرض وجوده بالسوق

[sameer_1798]

حياك صديقي راعي اليانمار...
أخوي العزيز أبو سعود
أعطيك مثال لماذا يرغب البعض في اليوكن،،
تكليف توضيب القير لليوكن مع ضمان 6 أشهر =3000-3500 في المراكز المشهورة ويكون أقل من ذلك في مراكز غير مشهورة..
تكلفة توضيب قير اللاندكروزر يصل إلى 8000 ريال سعودي والعضو mmgarni وضب له جيب أكثر من مره بـ6000 ريال ولم يضبط ،مع العلم أعرف ناس وضبوه بقيمة 8000

تكلفة توضيب مكينة اليوكن مابين 4000 إلى 5000 ريال...
بينما تزيد في اللاندكروزر عن هذا المبلغ بكثير جدا وتتجاوز 10000 ريال...

اليوكن قطعه أكثر توفر لأنه غير محتكر في شركات مثل دلفي وارتكس وفدرال والكثير مما لايمكنني أن أحصيه هنا ...
طبعا لو خيرت بين الإثنين لأخترت اللاندكروزر بلا مشاحاة مع الأخوان ، لكن يظل لليوكن زبائنه وراغبيه والحقيقة فرض وجوده بالسوق

ياهلا وغلا بابوعلي
أبشرك الامور زينه بعد التوضيب .. وأرسلت لك رساله وأظنها راحت مثلها مثل المواضيع اللي انحذفت .
صادق والله تكلفة توضيب الجيب عاليه ولكن مع المحافظه عليه يعيش مدة طويله .
وعلى العموم بالنسبة للتويوتا يصبر معك ... عندنا عراوي على موديله 84 وقيره إلى الآن شد بلد والمكينه ماوظبنها إلا قبل 5سنوات ماشاء الله:D ... وهذا وحنا مهملينه , وفيما بالك لو الواحد معه جيب جديد أكيد يهتم فيه أكثر .

وسبحان الله المواتر توافيق من الله .. نوبات يخرب عليك جديد يكرهك بالسياره وصانعها .

[نور الصباح]

اخي وسام الغضب ولايهون غيرك انصحك نصيحة اخو خلك في اليوكن وبس ومن ناحية الخراب فهي يمكن طرمبة البنزين اذا غيرت الاصليه بعد ماتخرب على انها تقعد سنين واذا غيرت يبداء الخراب لان الي في السوق غير اصلي حتى الي عند الوكيل والعلم عند الله ولكن الحل موجود (طرمبة بنزين خارجية حقت مرسيدس 300 وريح راسك )والتكلفه 800 ريال مع الطرمبة

[هاوي الله]

أفضل موديل في اليوكن موديل 1999م عزالله انه مووووتر وبس

[بـدر]

يوكن اتوقع من موديل 2005 الى 2006 حسب النظافة

اما الكروزر فيالله 99 الى 2000 بالكثييييير

لكن وش جاب لجاب

رأيي يوكن

على حسب فلوسك الى 65 اشور عليك بيوكن

شكرا

[أبوسليم]

وتفزع لجارك بخروف العيد اذا ماعنده متسع في لاندكروزر من الضيق،،


إقناع بالدليل

[بـدر]

إقناع بالدليل

يرجال
كلها يوووم بالسنة

والله لو العيد كل شهر

اقناع بالمنطق ...

[وافي السبيعي]

السلام عليكم ورحمة الله وبركاته :جميعأ

الصراحة انا من الناس الي قبل كنت أقول مافيه غير الكروزر ولاكن بعد اشتريت يوكن بكل صراحة
سيارة عليها الكلام وخصوصأ الدبل منها

[H5N1]

ياجماعة الخير :
تبغوني أرسل لكم صورة دفتر العائلة مكتوب فيه
الإسم : يوكون
صلة القرابة : سيارة ماتباع:no2: وتورث فقط
تاريخ الميلاد :؟؟؟؟؟؟؟؟؟؟؟؟؟؟
مكان الميلاد : الولايات المتحدة الأمريكية
السجل المدني : 1GKKGJHGUTYDH1125
مع العلم والله يشهد إن هذا رابع يوكون استعمله ولا راح تتغير له نظرتي إن شاء الله

[بنزرت]

شف وانا اخوك
اذا مرره احترت
رح للسوق واشتري اللي تفضله اكثر
ترا السيارتين زينات ..... وحده شعبيه ووحده واسعه ومريحه

[ابوظبي سيف]

يالربع كلكم وافين فيه سياره للعيال وفيه سياره للطير وانتم ابخص مني ،،،،،،،،،،، تقبلوا مروري وشكرا

[يوسف عبدالله]

إذا كان الشخص ممشاه في البلد والسفر أكثر .. بالتأكيد يكون اليوكن خيار جيد

لكن إذا كان الواحد ممشاه بالبر واجد .. بالتأكيد الأفضل اللاند بكل انواعه

في طريق بري فوق 120 كلم مشيت أكثر من مره والسياره ( برادو ) مافيها إلا العافية ..
نف الطريق مشاه واحد من الربع معاه يوكن بعد ماشافني أمشي معاه .. اول ماوصل باع السياره .. بعد ماخراب مساعدين وظهور جميع انواع الصرصره والطقطقه ..

طبعاً على الطريق المزفلت كان اليوكن هو الأفضل .. والأريح

بإختصار .. إحتياجاتك .. وطريقة قيادتك هي من تحدد ماهو الأفضل لك .

[0راعي الجبيل0]

سلام عليكم جميع
أخوي فيه مثل يقول (( لولا اختلاف الاذواق لبارت السلع))
اخوي من وجهة نظري اللاند افضل مثل ماتفضلوا الاخوان لأنه بكل بساطة تقدر تصلحه باي مكان وقطع الغيار تلقاها حتى في البوفية والميزه الاهم أنه خوي لك بالبر يعني تانكيين بنزين - ونش -ثلاجه وعطالاته قليله مهما كرفته ....
لكن الامريكي للأسف صار مرقع وكهربته واجد ويخون فيك خونه بوقت ماتتوقعه (( وخاصة اذا صرت بمقطعه والجوال مايشتغل والوقت ضيق عليك .. وقف وقال هذا محلي )) واكبر دليل ان الوكاله تبيعه لك جديد ويعطونك مع المفاتيح مثلث سلامه

[H5N1]

يقول عبدالرحمن بن سعود رحمه الله : لبسوا لاعبينكم رشرش وخلوهم يسجلون أهداف .
مع تحياتي لابو مثلث سلامة .

[عآشق الحره]

والله اعرف واحد معه صالون لاند كروزر 86 ما شاء الله وكاله مايخلي فيه محل روح دور يوكن موديل 2000 يشتغل

[مراسل وراط]

اخوي خذ يوكون جديد افضل وخاصة الي عنده مشاكل في الضهر ولاتشاور

[أبو فهد ( 1 )]

خذ لاند إلا إذا لك رغبة تصادق أهل الورش الامريكي لا فتح باب الخراب ما تقدر تسده ما عدى الجديد والجديد عمره الافتراضي أربع سنوات أما الياباني انس الورش وعمره الافتراضي عشر سنوات حسب تقديري
مثال: أحد خيرك بلاند أو يوكن تقطع النفود من عند الحيانية حتى الجوف أنا بصراحة أختار الاند وإذا أخذت اليوكن ما أصدق إني آصل من حرارة أو خرطوش أو غيره أما إذا كنت بالمدينه يمكن اليوكن بس أبعد عن الزحام والحر لا يفور.

[eameh]

كلامكم كله صح في صح ولا يصح الا الصحيح وكلن بعقله راضي

[درب الصحراء]

اخي وسام الغضب ولايهون غيرك انصحك نصيحة اخو خلك في اليوكن وبس ومن ناحية الخراب فهي يمكن طرمبة البنزين اذا غيرت الاصليه بعد ماتخرب على انها تقعد سنين واذا غيرت يبداء الخراب لان الي في السوق غير اصلي حتى الي عند الوكيل والعلم عند الله ولكن الحل موجود (طرمبة بنزين خارجية حقت مرسيدس 300 وريح راسك )والتكلفه 800 ريال مع الطرمبة

الشهر مبارك عليك

انا معي يوكون 99 واعاني من هذي المشكله والان مركب طرمبه من شركة دلفي وهي اخت طرمبه الوكاله

لكن ابي اركب خارجية منعاً للاحراج والتوهق

فإذا كنت تعرف ورشة شغلهم مضبوط فياليت تدلني علها

واكون شاكر لك

[راعي المجهم]

اليوكن ورووووح لأهلك

معنا حوض 2001 دبل مقاس 1500زي اليوكن بالضبط

قانصين 3 مرات للرملة ومحملينها كل شئ

صراحة سياااااااااااارة جبااااااااارة بمعنى الكلمة

منسمين الكفرات 20 ولا نحتاج للدبل الأ نادراً ماشي بدون مشاكل

لا وأزيدك من الشعر بيت معنا شاص غرز مرتين ولا سحبه الأ الجمس !!!!!

توكل على الله وخذ يوكن راحة فخامة قوة كشخة قطع متوفرة ورخيصة

صيانة في كل مكان وفوق هذا كله ماااااسكة أسعارها بعد الناس ماجربوها

وعرفوها

أعترف لك لا يوجد بالجمس عيب غير طرمبة البنزين فقط

وحلها بسيييييييييييط جداً جدا تركيب طرمبة مرسدس أو طرمبة فكسار

وتعيييييييييييييييييييش معك بإذن الله

[ahmad995]

اللاند بدون ادنى شك
تبي خط تبي بر تبي كشخه تبي مركب تبي شيك بمخباتك كل هذي مزاياه
اما اليوكن فيه ميزة وحده وبس وهي موجوده بكل الامريكي انه مريح فقط
اما بالبر معليش ما يقارن باللاند