وش الحل بالصدى بالسياره ؟؟؟ ارجوكم

[بدراني نت]

السلام عليكم


اخواني الاعزاء ابشركم شريت جيب لكزس امريكي موديل 2001 وماشاء الله نظيف
بس المشكله انه محلي (( مصدي )) كامل يعني بطنه وجميع المسامير مصديه مدري من
قبل او من الشحن لانه جالس بالباخره اكثر من شهر ونص وبالميناء اكثر من اسبوع
وش الحل لإزالة الصدى من السياره كامل ..


وقالي واحد من الربع اشتري درزن بخاخ الصدى وابخخ على جميع المناطق المصديه
وواحد ثاني قالي اغسله بستم بالديزل !!!
مدري هل هذا هو الحل


ارجوكم ساعدوني وشاكر لكم مقدماً ...

[كبسولة2]

الله يعينك عليه أخوي السيارة المحلية ماتنفع بريال إذا جيت تغير فيها شئ

ينقطم وينكسر مساميرة أثناء الفك والتركيب

والصدأ لا يتكون خلال شهر ولا سنة ولا سنتين بعد

يكون من فترة طويلة جداً لكن هناك مسكن زي البنادول لا يعالج المشكلة

ولكن يخفف منها فيه ورش عندها ليات هواء وجهاز نفخ ينفخونها لك بالتراب

مع الهواء أسفل السيارة لتقشير طبقة الصدأ زي الصنفرة بعدها يرشون لك السيارة

بمادة زيتية مانعة لأنتشار الصدأ بعدها يرشون لك بوية سوداء

في جدة يسونها بــ 250 ريال إلى 350 ريال للسيارات المستوردة المحلية

[بدراني نت]

مشكور اخوي كبسوله 2 وماقصرت

بس انا ابي ورشه بالرياض او القصيم عندهم حل للمشكله

لك فائق تقديري وشكري

[التعـ King ـديل]

اخوي رح لحق البستم وخله يرش ديزل بدون مايغسله بس ديزل اسفل السياره ولا يجيها ماء ولا صابون

[بدراني نت]

مشكور اخوي عسوله على النصيحه
بس هل هي تجدي

ننتظر البقيه

[بدراني نت]

ننتظر البقيه بالمشاركه

لااااااااااااااهنتو

[بدراني نت]

مزلنا ننتظر آراء الجميع

[عاشق Vtc 4800]

الله لايهينكم ياشباب ،، عجلوا علينا بالحل تكفى


أنا وضعي مثل وضع أخوي بدراني



شريت موتر جاي من أبو ظبي ،، وذابحه الحلا



وأبي له حل لاهنتوا



واسمح لنا أخوي بدراني ،، سرقنا موضوعك ^_^

[بلاتين]

السلام عليكم

اخوي البخاخات للي عنده صدى بسيط في منطقه معينه
لاكن انت تعاني من اكثر المناطق انصحك توديه للتلميع الساطع عندهم رشه اسود مطفي صحيح ان المطفي يشوه شوي السياره لاكن يعطيك ضمان عليها قبل الرش بهذه الماد يسوي صنفره كامل الموتر من تحت يعني يحك الصدى الى ماينزل يطلع الحديد همن يرش الماده معنها مايخدر الصداء لا يزيله من جذوره الله يعينك على المسامير هي الى مالها حل هم بيرشونها لك ترى تكلف حو 600 ريال لاكن توقف انتشار الصدى .
اسف على الاطاله .
الله يبارك لك في الموتر ويعطيك خيره ويكفيك شره .

[بدراني نت]

حياك اخوي عاشق

والموضع حلالك اهم شي الفائده للجميع

والله يعيننا واياك وإذا لقيت حل ارسلي عطناه على طول للستفاده منه

[بدراني نت]

يرفع للفائده للجميع

[aoh200]

مشكله السياره انها جايه من منطقه فيها ثلوج وعادة اذا جاء ثلج على الشارع يحطون ملح عشان يذوب الملح هاذا اذا مشت عليه السياره يلصق فيها من تحت وتصدي,,, وافضل حل للمشكله هاذي انك تروح الصناعيه ويرشون لك قار قيمته 400 ريال ويفضل انك تحط اكثر من طبقه من القار,,,

موفق,,

[mo7taj]

الصدا من بلدها .........وانصحك بالتلميع الساطع بس شركة طيبة

[رفيع المقام]

السلام عليكم

أحيلك على هذا الموضوع
تجد فيه ماتحتاجه ان شاء الله

http://www.mekshat.com/vb/showthread.php?t=206521


وفق الله الجميع

[قطب 999]

استخدم بخاخ الصدا وغسله ثم رشه زيت جديد وخلك مداوم على البستم
امن انه يروح انسى بس تخفف منه مدة استخدامك بعدها بعه بتسلب سرق اهله

[هويدي]

الله يكون بعونك مالك الا صنفره ورش بويه اساس سليقون وبعده طبقه اسود مطفي السيلقون ( يقصد به بويه الاساس للحديد وتأتي بلونين رصاصي ـ واحمر )

[بدراني نت]

جزاكم الله خير وبيض الله وجيهكم على هالردود الطيبه

[aboyagob]

رح لم ورشه وقله ابيك تفك كل المسامير الي تحت المحليه همن صنفر الي تحت ورشه اسود من جديد ما تحتاج مانع صدا لانك بنجد ما به رطوبه ولا بحر

ورجع مسامير جديدهـ وكان الله غفور رحيم

[بدراني نت]

جزيت خيراً اخي الكريم

والله يكتب الي فيه خير