أنوار السيارة ضعيفة وش الحل

[حفيد الأشقر]

السلام عليكم


أخواني عندي مشكلة اللي هي أنوار السيارة ضعيفة العالي لا بس به لكن الواطي أحس ضعيف ونازل تحت مع إن العالي كاشف الخط زين وعلى الخط بعكس الواطي..

ولو أبي أسوي وزنية للنور أخاف يخرب العالي ...وأنا شاك أن البطرية ضعيفه لكن أخاف أغيرها ولا يكون بها عيب...


أعطوني حل أو دلوني على ورشة مضمونه ومجربين شغلهم



السيارة جمس شفر 2005 أمريكي..

[bader358]

بالنسبة للبطارية اذا ضعيفة فالأفضل تغيرها في اقرب وقت.. ويمكن تكون سبب في ضعف او قوة النور.

بالتوفيق وان شاء الله يفيدونك الأخوان

[قناص بني تميم]

اول شي السلام عليكم ورحمة الله وبركاته
ثاني شي غير الشمعات ممكن يصيرن ضعيفات فأنت جرب ركب شمعات اقوى من الشمعات الاوله
والله يوفقنا وياك...

[حفيد الأشقر]

إذا عندك نصيحه بخصوص الشمعات..أو نوعينه ممتازه دلني عليه

[قلب العنا]

اخى الكريم حسب مافهمت من كلامك ان القصير ضعيف والعالى ممتاز والظاهر لى انها تحتاج وزنيه والشى الثانى تقدر تلاحظ قوه البطاريه اذا كانت هى السبب انك تدوس للموتر وانت مشغل النور ولاحظ يقوى ويضعف ولا لا وبأمكانك تركيب كتاوتك مقوى المعروفه لدى الجميع علما انى ما نصح فيهاا ابدأ بالارخص والله يكتب لك الخير

[bader_max]

ركب شمعات قويه تقريباً 150فولت واذا لقيت اقوى احسن

وركب كتاوت مقوي للنور وداوم ;)

[الشمطري]

ركب شمعات قويه تقريباً 150فولت واذا لقيت اقوى احسن

وركب كتاوت مقوي للنور وداوم ;)
قصدك 150 شمعة يالذيب

[التعـ King ـديل]

الغالي ركب كتاوت فرنسي هذا مايجي جاهز وركب انوار المانيه .. واذا البطاريه فيها مشكله شيك عليها مثل ماقال قلب العنا وهي انك تدوس والسياره واقفه وتشوف الكهرب يتحرك

[علي الجوال]

السلام عليكم ورحمة الله وبركاته

من بعد اذن اخواني الاعضاء
اخوي احب اقولك شي البطارية مالها اي علاقة بمشكلتك

البطارية دورها شي واحد فقط وهوا تشغيل السيارة ومالها اي علاقة بضعف النور او قوته.

[هبوب الشمال 0]

انا اتوقع البطاريه مالها علاقه المشكله بالكتاوت والشمعات

[فارس الحربي1]

اذا انت خايف من البطاريه روح لمحلات البطاريات يشيكون عليها

او شيك على الانوار عند كهررائي
ولانتسى الدينمو لان السياره اذا اشتغلت تشتغل على الدينمو

[gx 94]

اخوي لاهنت الموتر شنو وكم موديلة نصيحتي لك ركب غاز