المساعد الشخصي الرقمي

مشاهدة النسخة كاملة : سؤال مهم عن الارمادا الله يجزاكم خير


الهوى جنوبي
05/06/2009, 07:42 PM
اخواني الأعزاء اسأل الله ان يرحمني ويرحمكم جميعاً ويكتب لكم الأجر والمثوبه سؤالي عن الارمادا 2005 دبل بغيت اغير زيت القيربوكس سألت عنه في الوكاله وكانت المفاجئه اللتي عقدت لساني يكلف 1200 ريال مع شغل اليد وحذرني الفني يقول: لاتغيره عند اي مكانيكي لأن لها زيت خاص ما يوجد الا في الوكاله .
سؤالي هل هذا الكلام صحيح ؟ لأن المبلغ مبالغ فيه جداً والا هذه طريقة نصب جديده من الوكاله مع العلم انه يأخذ 3 لتر حسب الكتالوج
الله يرحم والديكم جميع اللي عنده علم يكفى لايبخل علينا بالاجابه لأن لي يومين اضرب اخماس باسداس محتار وش اساوي :confused:
شاكراً للجميع تجاوبهم
ولد العويني
05/06/2009, 09:22 PM
1200 ريال !

يابلاش!
العزوم
05/06/2009, 10:17 PM
الله يعينك ويصبرك على هذا الغلاء الفاحش (زيت والا زئبق احمر)!!!!!!!

اذكر واحد من الاعضاء تحدث عن ورشة في صناعية الدائري بمخرج 18 فيها مهندس سعودي يغير زيت النيسان مع الضمان حاول تبحث عنه في المنتدى
الهوى جنوبي
05/06/2009, 11:46 PM
الاخوان(ولد العويني) (والعزوم) اسأل الله ان يغفر لكم ولوالديكم
وارجوا المساعده من بقية الاعضاء (كلمه ولو جبر خاطر)
أبو أسامة
06/06/2009, 11:17 AM
نصيحة لوجه الله غير الزيت عند الوكاله وأطلب منهم خصم لو تفكر فيها شوي تشوف أنها أحسن لك لأن الوكالة تعطيك على شغيل يدهم ضمان 10000 كيلو أو من 3 إلى 6 شهور يعني لو يصير على القير مشكله راح يتحملونها لكن الورش والله لو يعطونك ضمان ما ينفع وإن صار بالقير شيء لا سمح الله راح تدفع على تغيير القير حوالي 6000 ريال وحتى بعد تغييره ماراح ترتاح لأن القير الجديد ما تعرفه أستخدامه حشمه أو موضب أو أو أو وضمانه فقط 20 يوم من التشاليح ...... يعني القصه طويله ريح راسك وغير بالوكاله وكاسرهم يعطونك بـ950 أو 1000 أنت الربحان بالأخير ...... والله يكتب لك الصالح في أمرك ......
الهوى جنوبي
06/06/2009, 03:06 PM
ابو اسامه نصيحتك على عيني وراسي واذا انحديت ما معي الا الوكاله
لكن بنتظر عسى الله يرزقنا براعي ارمادا مر عليه هذا الشيء ويفيدنا
شاكر للجميع المشاركه وكثر الله خيركم
التعـ King ـديل
06/06/2009, 06:06 PM
الغالي بالرابط اللي بتوقيعي بتلاقي ورش مخصصه للنيسان منت خسران غير مكالمه تلفون

ومنها تسوي الخطوه اللي تبي وانت مرتاح
الهوى جنوبي
06/06/2009, 08:11 PM
عسول الله يجعل ايامك كلها عسل ويرزقك المال والذريه الصالحه
شكراً لك يالغالي
فتى غسله
08/06/2009, 11:09 AM
اخوي الهوى الجنوبي
انا صارتلي نفس المشكله عندي ارمادا 2005 ماشي فوق140000 جيت اغير زيت القير رحت للوكاله وقالو لازم تغير الوجه والفلتر حق القير ويبي يكلف فوق 1500 ريال وقلت ابجيكم بعدين لأني متفاجئ من السعر وانا طالع والقى ذاك الزول تبع الصيانه نازل من ارمادا واسئله عن مشكلتي وقالي زيت القير والدفرنس حق الارمادا مايتغير يزاد في الوكاله قلتله اكييييد قال اكيد
والى يومك ما غيرت الزيت ومافيه اي مشكله
فتى غسله
09/06/2009, 01:15 PM
تكملة تعقيب
قير الارمادا رياضي يعني زيت القير ما يغير بل يزاد فقط لدا الوكالة واي مهندس يقول غير هذا نصاب
وتقبل تحيتي