لا اصحاب الباثفيندر ..

[باثفندر 2005]

بســــم الله الرحمن الرحـــيم

السلام عليكم ورحمة الله وبركاته :
اخواني انا عندي ستفسارات وياليت احصل ايجابة وافية
استفيد منها وغيري كذالك

اولاً : انا عندي باثفيندر 2005
اسمع صوت صرصره :confused: عند ما ادعس او عند المديورات
ثانياً : افظل مساعدات للباثفيندر خلفي :good:
ثلاثاً : هل مسامير الثلاجة ضروري الاحمها والموتر قير عادي
رابعاً : هل المراوح تنصحوني فيها ولا لا ..

[موادع الشرقيه]

وعليكم السلام ورحمة الله وبركاته

باتلنسبة لصوت الصرصرة ياليت تحدد من وين يطلع ؟ يعني من المكينة ولا من مكان ثاني ؟

وبالنسبة للمساعدات انا مركب جبريال وماشية معي احسن من الوكالة وسعرها 90 ريال للواحد بس الوكالة على ما أظن ب 400 ريال بس تراها قاسيات شوي

والمسامير ماعندي خلفية عنها لأن موتري 2001 ولاعندي هالمشكلة بس إلي اسمعه انهم يشيلونها

والمراوحة انا مركب مراوح سوبارو مرتاح لها بالنسبة لصوت وراحة المكينة وصرفية البنزين

اتمنا اني افدتك
واسف على القصور

[الاركان]

بخصوص مسامير الثلاجة انصحك تلحمها لا تهاون فيها
شف في موضوع عنها لاحد الاعضاء ومنزل صور لمسامير ثلاجة موتري بعد ماخبطت بالماكينة
عليك بالتلحيم لا تتاخر ابد
هذا الي عندي علم فيه
وبيفيدونك الاخوان انشاء الله عن باقي الامور

[رجـ الصدى ـع]

بخصوص مسامير الثلاجة انصحك تلحمها لا تهاون فيها
شف في موضوع عنها لاحد الاعضاء ومنزل صور لمسامير ثلاجة موتري بعد ماخبطت بالماكينة
عليك بالتلحيم لا تتاخر ابد


كلام سليم .. وكثير من حصلت له مشاكل بسببها ..

بالنسبة للمساعدات: مونورو جيدة وأفضلها - استخدمها حاليا
كذلك جبريال ولا شفت منها شر إلا أنها قاسية شوي

موفق بإذن الله

[alferis]

وعليكم السلام ورحمة الله وبركاته
اخي العزيز ابتكلم عن المراوح لاني مجربها
نصيحتي تقول ما يحتاج تركب مراوح ولا انصح بها لانك تبي تبلش بالحرارة و اعطالها ولا راح تحس فرق بعد ما تفكها . مع العلم ان الباثفيندر مروحته حليله ما تشكل عبئ على الموتر لانها ما تشبك بشكل كبير والمكينه ما عليها قاصر
تحياتي

[المحترف800]

كلام سليم .. وكثير من حصلت له مشاكل بسببها ..

بالنسبة للمساعدات: مونورو جيدة وأفضلها - استخدمها حاليا
كذلك جبريال ولا شفت منها شر إلا أنها قاسية شوي

موفق بإذن الله


وين القى مساعدات مونرو ... ماحصلتها من فتره وانا ادورها ...

[باثفندر 2005]

[quote=موادع الشرقيه;2779904]وعليكم السلام ورحمة الله وبركاته

باتلنسبة لصوت الصرصرة ياليت تحدد من وين يطلع ؟ يعني من المكينة ولا من مكان ثاني ؟

اشكرك اخي على هل معالومات اما الصوت من المكينة ..

[باثفندر 2005]

اشكرك اخي الاركان على هل معلومات بس وين الي يلحمونها بالرياض ..

[باثفندر 2005]

وعليكم السلام ورحمة الله وبركاته
اخي العزيز ابتكلم عن المراوح لاني مجربها
نصيحتي تقول ما يحتاج تركب مراوح ولا انصح بها لانك تبي تبلش بالحرارة و اعطالها ولا راح تحس فرق بعد ما تفكها . مع العلم ان الباثفيندر مروحته حليله ما تشكل عبئ على الموتر لانها ما تشبك بشكل كبير والمكينه ما عليها قاصر
تحياتي

تسلم يالغالي على هرد ..

[باثفندر 2005]

وين القى مساعدات مونرو ... ماحصلتها من فتره وانا ادورها ...

الي اعرفه في بريدة على شارع الخبيب ..
انا مركبها قدام وممتازات سعرها على مذكر انها بـ 300 وعليها

[باثفندر 2005]

كلام سليم .. وكثير من حصلت له مشاكل بسببها ..

بالنسبة للمساعدات: مونورو جيدة وأفضلها - استخدمها حاليا
كذلك جبريال ولا شفت منها شر إلا أنها قاسية شوي

موفق بإذن الله

تسلم يالغالي ..
بس الجبريل قاسيه والمنرو اي نوع لاان فيه كذا نوع ..

[رجـ الصدى ـع]

بعد تجربة مساعدات مونورو (الخلفية) في التحميل . . لا تتحمل الحمل الكبير (عزبتين وخزان الوادي 90)
والجبريل أكثر تحمل منها ...


تسلم يالغالي ..
بس الجبريل قاسيه والمنرو اي نوع لاان فيه كذا نوع ..

لا أعلم ما هو النوع بالضبط ؟؟
أخذتها ولونها أسود وسعرها بحدود 130 ريال للحبة
أرجو أن أكون أفدتك وأفدت الإخوة ..

[مرير الشوق]

بصراحه اخوي

طلعت عندي نفس مشكلتك

اللي هي :

صرصره صوت صفير يطلع من المكينه ... لادعست على الموتر .. لاشديت عليه
والله مخوفتني .. الله يستر

[المحترف800]

بصراحه اخوي

طلعت عندي نفس مشكلتك

اللي هي :

صرصره صوت صفير يطلع من المكينه ... لادعست على الموتر .. لاشديت عليه
والله مخوفتني .. الله يستر


طيب شيك على السيور يمكن تكون مرتخيه أو أو ....

[طايربلي جنااح]

طيب شيك على السيور يمكن تكون مرتخيه أو أو ....

غير بنزين ركب 95

ويفضل التاانكي فاااضي

بعديهااا غلق 95

[مرير الشوق]

المحترف 800

طاير بلي جنااح :

والله كل كلامكم شاك فيه الي هو البنزين والسيور

والله يستر من الصوت اللي داخل المكينه .. اعتقد