من يعرف هذة النبتة ... مضبوطة مع الشاهي

[الضاري]

السلام عليكم ورحمه الله وبركاتة

من يعرف هذة النبتة ؟؟ فليفيدنا مشكوراً

مع العلم أن لها رائحة وطعم على كيفك مع الشاهي .. وتباع في المشاتل ولكن لا أعرف أسمها ..

http://www.mekshat.com/pix/upload/images5/mk658_1yyy.jpg

http://www.mekshat.com/pix/upload/images5/mk658_yyy2.jpg

تحياتي للجميع

[المرتكز2000]

السلام عليكم ورحمة الله وبركاته
اسم النبته عطره وهي نبتة عطرية تباع لدى المشاتل وسعرها ما بين 5 الى 10 ريال
وهناك نوع من الشاي اسمه ايرل جرايearl gray
وهو يحتوي على نفس النكهه ويوجد عدد من الشركات تنتجه منها ليبتون ولكن افضل شركه تنتجه هي تويننج twinning
وتقبل فائق تحياتي

[الضاري]

ياهلا حياك الله ياالمرتكز .. بين أخوانك في منتدى مكشات

ويسعدني أن يكون أول مشاركة لك هنا ..

ومشكور على هذة المعلومات المهمة

تحياتي

[مريقب العيفار]

ما شاء الله تبارك الله اخي المرتكز2000

شكلك تخصص شاي

الله لا يضرك

[( برى بحرى)]

واحد شاى وصلحوووووووو
تسلم على المعلومه الطيبه يا طيب الانفاس

[المرتكز2000]

السلام عليكم ورحمة الله وبركاته
نظرا لصدى ردي على اسم النبتة الخاصة بالشاهي عندي قصيده ولكنها غير متوفره حاليا ولكن اعدكم غدا ان ارسلها واتوقع انشاء الله ان تعجبكم فهي عن الشاهي
وتقبلوا فائق تحياتي
اخوكم المرتكز

[الضاري]

ياهلا والله بالربع .. مضبطين الشاهي هنا ..

ياحياكم الله ..

وياهلا بالمرتكز .. ولا تأخر علينا بالقصيدة ..

ترانا خرمانين شاهي وقصيد..

[المرتكز2000]

السلام عليكم
آسف على التأخير ولكن جالس ادورها الين لقيتها وهي مكتوبة على ورقه ولا اعرف مصدرها, آمل ان تحاز على رضى اكبر عدد
الشاي
خ الهديب

يا ناس انا عقب الملل والتنهات
وعقب التفكر بالامل وتعذيبه
لقيت بالشاي اسرار عجيبات
لا صار خادر والحلا نعتني به
في مجلس فيه القهاوي مركات
يضيع به وقت الفتى ما دري به
لامن دحيناها بكبسة وهبرات
والبطن ضاق وحن يبغي طبيبه
حنا بنينا له مجالس ودكات
ومن الحطب نشري جذوع عجيبه
يا زين شرب الشاي بكل الاوقات
عقب التعب حبه يزيد تعذيبه
لا صار ببريق العدن يالخوي هات
وببيالة البادريق حلو صبيبه
يا الله عسى الشاهي زروع مسقات
في كل وقت والا بغينا نجيبه
وبدارنا وبكل ديره له روات
يسهل على الشراب يشرب نصيبه
وصلاة ربي كثر الاحيا والاموات
على نبي معجزاته غريبه
وسلامتكم