المساعد الشخصي الرقمي

مشاهدة النسخة كاملة : غطاء بنزين التاهو 2007 لراعي المشاكل


احب البرواهله
08/06/2009, 09:54 AM
السلام عليكم ورحمة الله وبركاته
إذا فيه أحد يقدر يفيدني عن غطاء بنزين بقفل يركب على التاهو 2007 لأن الحالي بدون قفل وانا راعي مشاكل وخصومي كثار :no2: واخاف يجي واحد نفسه رديه يحط شي بالتانكي يجيب اجل السياره والله يحفظنا وأياكم من مكروه
Magellan
08/06/2009, 10:04 AM
والله شيء غريب وأنا أخوك إنه مايجي في الأمريكي قفل للتانكي
أنا مثلك 2006 وأخاف يجي احد يتبلانا
ما أدري القفل بيكلف عليهم أو لا...
والظاهر إنهم مسوينه بدون قفل عشان البنزين غالي عندهم فيمكن يتوقعون أحد من أصدقائهم يفاجئهم مفاجئة حلوة ويعبي بنزين في التانكي بدون مايفتح السيارة..
لكن عندنا ممكن توقع أي شيء أعرف واحد معه هوندا اكورد قبل 5 سنين ولاهو راعي مشاكل تفاجىء بعد تشغيل السيارة إن السيارة تطفىء بعد 5 كيلو راح وعباها وقاله العامل فل بـ3 أريل قال كيف تطفي فاضي والفل بـ3 اريل مشى عالحال يوم فك التانكي ولاه يشوف به سكر ..
يعني الله يعينك
NOYEB
08/06/2009, 10:06 AM
شف عندك شارع الغرابي اذا انت ساكن بالرياض تحصل فيه مطلوبك انشاء الله ...

الله يهديك ..قل آمين
احب البرواهله
08/06/2009, 10:15 AM
اخوي كان معه اكسبلورر 2008 جديد شاريه وقف موتر عند بيت تحت الأنشاء نصف يوم تقريبا وشغل موتره صار يتفتف ويشكل وشاله بسطحه وبالوكاله حصلوا تراب بوجه العدو في التانكي والحمدالله جت سليمه
لن أمل من العطاء
08/06/2009, 10:19 AM
يا حبيبي عند السليماني تجد مطلوبك
نفس الغطاء للامريكي كله نفس المقاس تقريبا

تجده بمفتاح ولا يحتاج اي ترهيم او شيء
احب البرواهله
08/06/2009, 10:25 AM
شكرا ياشباب على الإفادة ورحم الله والدينا ووالديكم وكل مسلم وبأذن الحي القيوم بشريه اليوم
ابو شقط
08/06/2009, 09:49 PM
ياصاحبي تحصله في الوكالة انا شريت غطا تانكي لليوكون 2008 من الوكالة ب110 ريال ومعه مفتاحين وابشرك ارتحت بعدها من الاذية اللي ممكن تحصل لاقدرالله ، ونصيحة اشوفه ضروري جدا جدا
yfd
13/06/2009, 04:00 PM
يرجااااااااااال ليش تشتري وكاله مدري بكم وتركبه بكم وقلق اشتغل بنفسك اللهما قفل ابو ريالين واخرق بالغطاء وبالبدي من جوا وركبه سلام سلام وانشاء الله بنزل موضوع مصور .
آل زايد502
13/06/2009, 06:19 PM
يرجااااااااااال ليش تشتري وكاله مدري بكم وتركبه بكم وقلق اشتغل بنفسك اللهما قفل ابو ريالين واخرق بالغطاء وبالبدي من جوا وركبه سلام سلام وانشاء الله بنزل موضوع مصور .

بس كذا يخرب شكل البدي الوكاله احسن وانا اخوك
اذا ماتبي من الوكاله رح للغرابي
تقبل مروري
ابو هلال2008
13/06/2009, 06:24 PM
الفرابي في الي تبيه
ابو شقط
13/06/2009, 10:15 PM
الاخ صاحب فكرة ( ابو ريالين ) ليه هو ددسن 78 ؟؟؟؟؟؟؟؟؟؟؟؟؟؟؟؟؟؟؟؟؟؟ ويخرب المنظر

ياخوي السيارة وكالة خله ياخذ وكالة وبعدين مايحتاج تركيب انا فكيت الاول وركبت الثاني مايبي لها معلم
احب البرواهله
14/06/2009, 10:33 AM
حصلت عند الوكيل الظاهر أنه العيسى بالدمام إذا ماني غلطان نوعين واحد ب 90 والثاني 65 وأخذت الأول لأنه طبق الأصل ومعاه مفتاحين
كبسولة2
14/06/2009, 04:13 PM
هذا غطاء من هيونداى يركب على الجيب أف جي بالراحة سعره 60 ريال

بس مادري يركب على اليوكن ولا لا ؟؟؟؟

http://www.gulfup.com/uploads/12332474990.jpg


http://www.gulfup.com/uploads/12332474991.jpg


http://www.gulfup.com/uploads/12332474992.jpg
كبسولة2
19/06/2009, 04:29 PM
غريبة ؟؟؟؟؟؟؟؟؟؟؟

وين الشباب الي يسألون عن الغطاء ؟؟؟؟؟؟
التعـ King ـديل
19/06/2009, 05:18 PM
عندك السليماني وعندك محل السلام بالغرابي وعندك محل العوبثاني

وتقدر تركب مفتاح على قفل موترك بنفس مفتاح موترك عند الشايقي حق المفاتيح
m-c10
30/11/2010, 11:02 PM
ممكن تطلع على هذا الرابط قد يفيدك
www.mekshat.com/vb/showthread.php?t=351652 (http://www.mekshat.com/vb/showthread.php?t=351652)
أبو مسفر
30/11/2010, 11:17 PM
مثل ما قال اخي لن امل العطاء
تلقاه جاهز بمفاتيحه
انا اذكر كان عندي كابرس 93 وغطاء البنزين لها مفتاح كانت الغطاء وراء اللوحة الخلفية
ممكن تشتري من اي محل زينة سيارات غطاء كابرس ابو مفتاح وجرب عنده ان ركب زين وان ماركب رجعه