سؤال ودقة الاجابة تهمني كثيرررررر !!

[راع الجيب2002]

السلام عليكم ورحمة الله وبركاته


ادري تقولون هذا غبي او اول مرة يسوق سيارة ...
سوالي بسيط بس الاجابه عليه مو اي اجابه تحتاج منكم اتقان وحرص وتجربة !!!


كيف اعرف ان سيارتي مرتفعة حرارتها ؟ علما بان الانبير شغال ولا عليه خلاف ؟؟

[موادع الشرقيه]

وعليكم السلام ورحمة الله وبركاته
اذا وصل انبير الحرارة الى H

[my own]

اضغط على خرطوش الي حق الرديتر اذا كان لين يعني السيارة باردة واذا كان محجر السيارة حارة ,,
اتمنى ان المعلومة وصلت

[التعـ King ـديل]

اول شي اعرف السياره اللي معك حرارتها الطبيعيه وين

يعني الباترول ربع والشروكي نص والكابرس نص بعد كذا انت بتلاحظ الفرق بالسياره

اذا تحرك الانبير عن المستوى الطبيعي فلنفرض مثلا موترك باترول حرارته الطبيعيه

يكون على خط الربع ووصل للنص مثلا هنا نشيك على السياره لايكون ناقصها مويه

او فيها تهريب او الراديتر فيه مشكله .. اخوي المكشاتي اللي يقول اذا صار الخرطوش

لين معناته بارده او متحجر معناته حاره احب اصحح له واقوله اي موتر يمشي مسافه

حتى لو كان على المستوى الطبيعي للحراره يكون الخرطوش متحجر لان فيه حراره

موجوده بالسياره حتى لو ماكانت مرتفعه وعلى المستوى الطبيعي لها

[الدربشي]

على ما اعتقد عسول عنده الاجابه الصحيحة

[بدوي جنوبي]

حاشاك عن الغباء
بالعكس سؤالك مفيد جدااا ،،، يعني انت سائق وتعطل عليك امبير الحرارة
معقوله ما تقدر تحدد هل المحرك ساخن او حرارته طبيعيه
لذا
تقدر تعرف اذا فتحت كبوت السيارة تفوح حرارة مرتفعه من المحرك
وتجد الرفارف والكبوت كذلك (غير الحرارة المعتادة )

واذا نزلت من السيارة تلفح اقدامك حرارة شديدة من اسفل السيارة

وايضا اذا لامست الرديتر من الاعلي تجد حرارة شديدة جداااا تكاد تحرق يديك

بالتوفيق

[عاشق السيل]

والله الشباب ماقصروا الله يعافيهم ،،

بس ودي اضيف : إذا تجاوز الأنبير مستواه المعتاد ترى الحرارة مرتفعة ،، وإذا حسيت إن المكيف أقل تبريد من المعتاد تأكد من حرارة المكينة ،، وإذا كنت بالشتاء وحسيت إن عزم المكينة ضعف تأكد من الحرارة ،،،،

[اذاني]

تبي تعرف ان موترك محتر وبدون امبير حراره

فيه طرق كثيره وبدون ماتفتح الكبوت

عزم الموتر يضعف (( مهم جدا))

تسمع صوت قرقره بلوف

تشم روائح المويه المفوره او روائح زيوت

في المراحل المتاخره تشوف البخار من عند الكبوت


اخي العزيز كل ما كتبته من واقع تجارب مريره خسرتني كثير

اتمني لك وللجميع السلامه والله يكفيكم شر التخبيط والخساير

[البشكه]

بما أن الأمبير ممتاز

من خبرتي البسيطه

إذا كان الامبير ثابت سواء على الربع او النص فإن الوضع تمام

اما إذا كنت تلاحظ ارتفاع مستمر نحو H فعندك مشكله

[كاشت وحداني]

غالبا يستنكر الشخص عزم الموتر
يحس موتره عزمه رايح وتبين في القير التماتيك اكثر من العايدي .
انا اغلب الاحيان من صوت السياره خصوصا اول ماتمشي اعرف اذا حراراتها زايده ولا لا

وعدة اشخاص نبهتهم وبعد الفحص والتكد طلع فعلا في مواترهم حرارهولا يعطيهم الامبير قياس صحيح .

[خشم الرثمه]

بارك الله في الأخوان ماقصرو...


إسمع وش صار معي..كنت ماسك خط طويل وحر مثل هاليام...


ووقف عند ذاك اليماني..قلت له الحراره عندي فوق النص..قال أبشر نريحك من الحراره...


وكب مويه بارده على الأديتر وقال هيا شوف الحراره كيف وشوف الحرار صارت صفر...


وقال..لو وصلت الحراره للربع..أنا المسؤل..وخده الأيمن منتفخ :) الظاهر ظرسه يوجعه...


أثناء وجودي داخل السياره..فصل إمبير الحراره ( عرفت هذا لاحقا )


وماودي إلآ أشوفه مره ثانيه..عشان أخلي ظرسه يارم صدق

[efi4500_2002]

هههههههههههههههههههههههههههههههههههههههههههههههههه

سواها ابو يمن الظاهر انه مخزن

[راع الجيب2002]

شاكر للجميع حسن تعاونهم وسرعة تجاوبهم ...

وبيض الله وجيهكم واجابات روعة من مخضرمين مكشاات

وعسى ماتشووفون مكروه ...

[البشكه]

فكره ممتازه إذا ارتفعت الحراره تفصل الامبير

صدق بعض العماله مافيه ذمه أبد

[عاشق السيل]

هاهاااااااي

يقول إذا وصلت الربع أنا المسؤول !!!!!

والله من جد التخزينة خلته يفكر صحححح !!!!!!!!

[crozman]

اذا الامبير شغال مثل ماتفضلت قارن
حرارة سيارتك بكذا سياره من نفس النوع والموديل
واذا فيه فرق اعرف ان عندك مشكله
اما مسألة تحجير الخرطوش فأي موتر فيه بلف حراره
يكون طبيعي انه يحجر الخرطوش لانه يكون البلف قافل
ومن الضروري ان الواحد يغير البلف حق الحراره وكاله سنويآ
لاننا نغفل عن هالنقطه
ومن اكبر الاخطاء الغاء البلف!!!!!!!!!!!!!!