وش افضل وضع للقيرالتماتيك في حالة صعود المرتفعات ؟؟ ابي نصيحتكم

[ابو شقط]

السلام عليكم : ابشركم ياخوان تم افتتاح طريق الهدا ( جبل كرا ):D:D بعد توقف دام 4 سنوات تقريبا للتوسعة ، ونا السيارة عند ي يوكون شاريه من قريب وماعندي ذيك الخبرة في القير التماتيك ،

السؤال : في حالة صعود كرا هل الافضل للسيارة وللقير وضع القير على نمرة 3 او 2
او اضغط الزر الخاص بسحب المقطورة :confused::confused:( طبعا d ماينفع )

وبعدين الحرارة الطبيعي على النص ، هل ممكن تزيد الحراة شوي في حالة الصعود او لا ( لني لاحظت الحرارة زادت عن النص شئ بسيط ) :no::no: وسلامتكم

[بنزرت]

في حاله الصعود لا حاجه لتغيير وضع الاوتوماتيك D
ارتفاع الحراره عن النصف بشوي عند الصعود شئ طبيعي

[ابو شقط]

بس ياخوي اذا كان على d فالقير كل شوي يغير ولا ايش رايك ،وهل يضر ولا لا

[المخبر]

اخي العزيز كل مافي الموضوع انك تضغط زر الباور
الي في عصا القير لانه يثبت نمره ولا تشد بالطلوع
خل الموتر يطلع براحته

واتمنى لك التوفيق

[faiz-111]

من رايي انك تحطه برقم 3 يعطي عزم والتغيير اقل سرعه من الدي ودائما استخدمه بالمرتفعات وجدا ممتاز

[aoh200]

افضل شي "الدي" وهاذا الي دايم نقراه في كاتالوجات السيارات

موفق,,

[كبسولة2]

رز البور أفضل للقير يريحه ويخليه في نمرة واحدة للطلوع ويقلل تعاشيقه

وفي النزول حطه في 3 يخفف عليك ضغط الفارمل كل شوي

وبالنسبة للحرارة عندك سدد بسيط جداً في الرديتر ولا يبان الا في الطلعات تشوف الأنبير يرتفع شئ بسيط

أنا عندي جمس أطلع فيه الجنوب والهدأ مايرتفع حرارته ثااااااابتة قبل النصف بشرطة واحدة في جميع الظروف

[mo7taj]

شوف الكتالوج............هم اخبر بسياراتهم

[راعي الفورت]

راجع الكاتالوج تراه أحسن لك

وأي مشكلة تواجهك راجع الكاتالوج ولا ينزل من السيارة

هو أنت توحي ...

[Magellan]

أنا ماجربت كرا وشكله الطلعة الجديدة يقولون خط سريع ...
بالنسبة لي ما أعرف إلا طلعة القدية والغاط حقات طويق ومعي شفر ...
قبل ما أصل الطلعه أعشق السيارة وأنا ماشي من D وأحطه على 3 وأزر على الموتر وأخلي الموتر يحن...
طبعا الفائدة إنه مايريح وهو طالع ، الشيء الثاني تصير دورات المكينة أعلى ومن المعلوم إن طرمبة الماء يزيد دفعها كلما زادت دورات المكينة فبالتالي ماترتفع الحرارة، ويبرد أكثر ...
بالنسبة للحرارة عادي ترتفع معي فوق النص بشعرة أو شخطه على ماقالوا وهذا مافيه مشكلة لكن سرعان ماتهبط بعد إنتهاء الحمل(صعود جبال ، انطلاق بسرعه ونحوه) ...

[مستعد للتضحية]

بالنسبة لصعود يفضل ان يكون الضغط لا يزيد عن 3 ولا يقل عن 1 و هذا اذا كان متحقق ب D فخلك عليه او اذا كان مو متتحقق فغير الى الوضع المناسب ما يزيد عن 3 ولايقل عن 1 لان هذا يضر بالقير و المكينة اذا مشيت عليه فتره , اما بالنزول فخلك على النمرة الي تثقل الموتر.
بنسبه للحرارة فانه بتزيد اشوي اذا كانت نص بتزيد لين الثلاث ارباع او اقل اشوي وهذا طبيعي جدا .

[التعـ King ـديل]

الغالي اذا الطلعه مسافتها طويله خله على 3 واذا قريبه خله على 2

حراره السياره مع الارتفاع عاديه جدآ لاتخاف مجرد ماتنزل تشوف الحراره طبيعي رجعت للنص

[ابو شقط]

الله يجزاكم بالخير ياشباب ونا حطيت القير على النمرة 3 من بداية كرا ولكن حسيت ثقل بالسيارة فماادري طبيعي ولا يضر بالسيارة وشكرا لكم

[NOYEB]

في حالة الصعود انصح بوضع القير على 1او 2 حسب السرعه مثلا اذا كانت السرعه صعوداً 5-10 كيلو متر بالساعه تضع القير على 1 واذا اسرعت اكثر تضع القير على نمره 2 واذا اسرعت اكثر ضع القير على 3 ...اما في حالة النزول فيوضع القير على D مع وضع الرجل على الفرامل (البريك) للتحكم بالسيارة .
والله اعلم واحكم.
وفق الله الجميع

[بنزرت]

يا اخوان لاتخلطون بين وضع الطلوع ووضع النزول
في حاله النزول صحيح لازم تحط نمره كبيره عشان المكينه تمسك السياره وتساعد الفرامل
لكن في الطلوع السياره من نفسها تنتقل لنمره اكبر عند الحاجه وايضا السياره من نفسها ما تغير ابدا لحد ما تريح السياره وتستوي الارض

[خيال الغلبا]

الغالي اذا الطلعه مسافتها طويله خله على 3 واذا قريبه خله على 2

حراره السياره مع الارتفاع عاديه جدآ لاتخاف مجرد ماتنزل تشوف الحراره طبيعي رجعت للنص
.................................................. .................................................. ..................

[غسان]

يا اخوان لاتخلطون بين وضع الطلوع ووضع النزول
في حاله النزول صحيح لازم تحط نمره كبيره عشان المكينه تمسك السياره وتساعد الفرامل
لكن في الطلوع السياره من نفسها تنتقل لنمره اكبر عند الحاجه وايضا السياره من نفسها ما تغير ابدا لحد ما تريح السياره وتستوي الارضهذا الكلام الصحيح

[علي101]

أبو شقط
كيف الحال
يقول المثل أهل مكة أدرى بشعابها
وأنت طالع لا تغير نمر
وأنت نازل حطه على الـ 3
ودمتم بخير

[ابو شقط]

كثرت الآراء ويالله الخيرة ؟؟؟؟؟؟؟

[crozman]

ابوي خله على الدي وريح بالك

[بدوي جنوبي]

اخي الكريم

اذا كانت سرعتك لا تتجاوز سرعة ال 80 ضعه في ال 3
واذا رأيت ان سرعتك بتتجاوز ال 80 ريح القير اكثر وضعه ال D

حسب ظروف الطريق تختار الغيار المناسب
كذلك في النزول

انقل القير من ترس D الي ترس 3،، بدون اي خوف

بالتوفيق

[abuyara]

اخي الكريم

اذا كانت سرعتك لا تتجاوز سرعة ال 80 ضعه في ال 3
واذا رأيت ان سرعتك بتتجاوز ال 80 ريح القير اكثر وضعه ال D

حسب ظروف الطريق تختار الغيار المناسب
كذلك في النزول

انقل القير من ترس D الي ترس 3،، بدون اي خوف

بالتوفيق


انا اتفق معك بكلامك
ولكن توجد ملاحظه بانه اذا كان الصعود انسيابي يعني مثلا مثل طلوع طريق الهدا اللى بالطايف لا يوجد اي اشكال لوضع القير بالصعود على 3 او ايا كان

اذا كان منطقه الصعود قويه مثل جبال فيفا عن تجربه اذا وضعت القير على ال 3 السيارة لا تستطيع الصعود لان العزم راح يكون ضعيف بالمره في هذا الوضع لا بد من استخدام الوضع العادي اللي هو ال D لانه راح يخلي السياره تبدا من النمرة الاولى وتعطيك قوة للصعود بعكس اذا كان على D3 راح يكون عزم السيارة ضعيف
ملاحظة :
بالامكان التجربه على ارض مستويه مثلا :
ضع السيارة على نمرة D وامشي بالسيارة راح تلاحظ ان السيارة تمشي طبيعي اول ما تضغط على دواسه البنزين
ضع السيارة على نمرة D3 وامشي بالسيارة راح تلاحظ ان السيارة ثقيله شوي تظطر انك تزود على دعسه البنزين اكثر من السابق

وقيس على هذا المثال عند الصعود للمرتفعات ويستحسن انك تجرب لان التجربه خير برهان

ان شاء الله يكون كلامي او تفسيري منطقي للاجابه وان كان هناك اي خطا فصححوا فجل من لا يخطأ

[aljthab]

هلا بك اخوي
مع احترامي لآراء البعض مع اخواني ...ابعرف وشلون يطلع طلعة وضع صعود
ونحط الموتر على 2 او 3 !!!
جرب على ارض مستوية وتشوف ثقل الموتر مابالك صعود
الطريقة هذي غير مجدية نهائي ماغير داعس على البنزين المكينة مسعرة والحرارة مرتفعة ولا يعطيك الموتر العزم المطلوب
اخوي انت استشرت اخوانك والبعض اختلط عليهم المر بين الصعود والنزول
وانصحك تجرب بنفسك وانت الحكم على قولة المثل
جرب وضع الd وجرب تبداء من رقم 2 او 3 ولاحظ الفرق
بالطلوع خلك على ال d وخل دعستك وحدة وشوف الموتر كيف يعطيك حركة بانسيابية وبالنزول هو الي خلك بنمرة قوية حسب شدة النزول وانت تحكم بنفسك وتنقل العصاء حسب ماتشوفة قدامك
هذا رايي وهذي هي مماراساتي بالطريق
اتفق مع اخواني بخصوص النمر القوية في حالة كان الارتفاع قوي جدا والمسافة قصيرة
وسرعة السيارة بطيئة جدا

[ابو وليد2008]

اخي الحبيب اذا بغيت تطلع ضع القيرd العادي واذا حسيت السيارة ضعف عزمها ردها للدي D3 وانت طبعا ماشي لا توقف
وانت نازل عشق القير بd 3
والحرارة ربما ترتفع الى فوق النصف ولكن لاتخاف الامر طبيعي سرعان ماترجع الى وضعها الطبيعي اذا استوى الخط
هذي من واقع تجربة .........وسلامتك

[بدوي جنوبي]

اذا كان منطقه الصعود قويه مثل جبال فيفا عن تجربه اذا وضعت القير على ال 3 السيارة لا تستطيع الصعود لان العزم راح يكون ضعيف بالمره في هذا الوضع لا بد من استخدام الوضع العادي اللي هو ال D لانه راح يخلي السياره تبدا من النمرة الاولى وتعطيك قوة للصعود بعكس اذا كان على D3 راح يكون عزم السيارة ضعيف



رد ما خُط باللون الاحمر
هو ان العكس صحيح ،، العزم يكون اقوي ،، اذا جعلت القير في وضع ال D
صحيح ان المحرك يرتاح كثيرا ،، لكن توجد مشكله وهي ان القير في هذا الوضع
قد ينتقل من ال D الي الوضع ال 3 بأستمرار وهذا يؤثر علي القير

احشر القير في وضع واحد مثل ال3 ،، ولا تخاف صدقني لا يحصل اي مشاكل
شرط اذا استوا الطريق معك ان ترده في الوضع ال D
(بأختصار انقل القير من الD الي ال 3 كيفما تشاء وفي اي وقت دون خوف
شرط ان لا تتجاوز السرعه ال 100 كلم )

رد ما خط بلون الاخضر

مهما كان اختيارك للغيار المناسب لابد ان يبدأ مسير السيارة من الترس رقم1
يعني اذا وضعت القير في وضع ال3 لابد ان تبدأ السيارة بالمشي من النمره رقم1


مما يميز اليوكن والتاهو والجموس بصفه عامه
اذا تم وضع عصا القير في وضع ال 1 من المعروف ان القير في هذه الحاله
يكون محشور في النمره الاولى ،،، وان حد السرعه للنمره الاولي تقريبا الي 20 او 30 كلم ،،، والميزة هي انه يوجد حساس امان اذا وصلت السرعه الي 40 تقريبا ينتقل القير الي السرعه ال2 وعصا القير علي رقم 1

تحياتي :good:



كثير من السائقين بعد الانتهاء من طلوع العقبه او النزول ينسي القير في رقم 3 او غيره
فأحذر من ذلك لانه يؤدى الي تلف القير .

[مكشاتينيو]

افضل شئ من مجرب حطه 2

[ابو شقط]

ياخوان شكرا على الردود والمشاركة ، لكن انا حطيت القير على نمره 3 ولاحظت :

1- السيارة حسيت انها ثقيلة ( سواقتها ثفلت شوي )

2 - الحرارة زادت فوق النص شئ بسيط

الان لو احط القير على D في المرات القادمة هل ستزول الملاحظات السابقة ؟؟؟انتظر

[مواسي الطعوس]

با النسبه للنزول : لازم تعشق الموتر بنمره تمسكه , يكون ضغط الماكينه بين 3 و3.5 تقريبا . علشان يقل استخدام الفرامل ولايحتمي واذا احتجته لقيته (الله يستر)


# الصعود ايظا يحتاج نمره قويه حسب السنود وحسب الحموله . ولازم يحتمي زياده لان الماكينه تحمل زياده والمنطقه حاره .

## لو وضعته في الدي رايح يرد غصب عليك لكن يعشق نمره خفيفه اذا رفعت رجلك واذا دعست على طول رايح يرد . فمن الافضل تضعه مثلا على 3 واليوكن نمرته 3 طويله مره .. وقد يعشق 2 اذا دعست للموتر خاصه مع الحموله .
# اهم شي لايصير الكمبريشن (الار بي ام) مرتفع فوق . يكون مابين 3 الى 4 .

# اذا كان الار بي ام منخفض وانت في صعود يؤثر على القير الكلتشات.

[لن أمل من العطاء]

يا حبيبي ان مجرب الهدا كثيييييير
الفاعدةالمهمه

الظروف المحيطه لها دور

مثل الزحام وحمولة السيارة وسرعتك

يعني اذا انت طالع بجمس في الصباح الباكر وانت فقط لحالك يدون عائله

تكون مسرع سرعه طبيعيه وسيارة خفيفخ ولا هناك مجال لانك تهدي
في هذه الحاله انصحك بـd وان كنت تريد الضغط على زر القير وه الخاص بتغيير النسب يجعلها بطيئة التبديل

اما اذا كنت في العصر وزحام وعائله فالرقم 3 حلو ويؤدي الغرض بشرط اذا انتهيت ترجعه على D

اما في النزول فعندك 3 حلو لو كنت مرتاح وبدون حموله او عائله او الرقم 2 اذا كنت بالزحاكم وغيره من الظروف

بالنسبه للتغييرات

D يشغل مهاك كل النمر 4 سرعات تبدأ بالنمرة 1 وبعدها 2 وبعدها 3 وبعدها 4 والزر الموجود على القير في الجمسات انما هو لتغيير كهرباء القير لتناسب الحموله او جر المقطورة

3 يشغل معاك 3 نمر فقط تبدأ 1 ثم 2 ثم3 وفقط لا تحول للنمره 4

2 هذا للنمره 2 فقط حيث تبدأ السير بالنمره 2 بدون الاول ولكن اذا احست السيارة انها تحتاج الى النمره الاولى فتحول الى النمره الاولى والعصا على 2
1 هذا للنمره 1 فقط وتبدأ بهذه النمره ولا تغير للنمره الثانيه ابدأ الا اذا كنت ذاغطا على البنزين واحست السيارة باحتياجها للنمره الثانيه تغير

طبعا هذا ينطبق على الجمسات واليوكون

تحياتي اليكم

[خيال الغلبا]

افضل شي "الدي" وهاذا الي دايم نقراه في كاتالوجات السيارات

موفق,,

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

[أبو LAMeS]

أفضل شيء بالصعود تخلي القير على (d) وتغير على حسب الحاجة ما بين ( D,1,2,3) والسيارات الحين ما شاء الله نشيطة ما هي مثل أول هذا بالنسبة للصعود
أما النزول إذا كان حاد فالترس الاول أفضل شيء وايضا لا تنسى تضغط على زر O/d Off إذا كان عندك هذا الزر يلغي مضاعفة السرعة طبعا مع الفرامل من بداية النزول ...
والأفضل القير العادي بالنسبة للعقبات في الجنوب مثل ما ذكر بعض الاخوان.. لكن طلعت الكرا أو الكر ما تحتاج يكفيها الدي بالنزول والصعود
الله يحفظك ويستر عليك دنيا وأخرة

[ذيب زلفاوي]

اضغط بور عشان

[القلب المحروم]

طلعة كرا انا رحت معها كذا مرة
بالصعود ثبت دعستك وخله على الدي اهم ىشي التركيز لاتدعس وتفك لان العزم يموت

والنزول لالالاتعتمد على الفرامل فقط بل على حسب اذا معك عائلة وعفش ضع النمرة على 2 او 3 حسب ماتراه ولمس الفرامل تلميس و خل الفرامل تلقاه وقت الضيقة لاقدر الله


امـا طلعات الجنوب وابها فما ادري عنها وياليت اللي يعرف عنها يعلمنا للفاااااااااائدة لاني ناويلها ها السنة
ان شاء الله

[هاوي الله]

رد ما خُط باللون الاحمر
هو ان العكس صحيح ،، العزم يكون اقوي ،، اذا جعلت القير في وضع ال D
صحيح ان المحرك يرتاح كثيرا ،، لكن توجد مشكله وهي ان القير في هذا الوضع
قد ينتقل من ال D الي الوضع ال 3 بأستمرار وهذا يؤثر علي القير

احشر القير في وضع واحد مثل ال3 ،، ولا تخاف صدقني لا يحصل اي مشاكل
شرط اذا استوا الطريق معك ان ترده في الوضع ال D
(بأختصار انقل القير من الD الي ال 3 كيفما تشاء وفي اي وقت دون خوف
شرط ان لا تتجاوز السرعه ال 100 كلم )

رد ما خط بلون الاخضر

مهما كان اختيارك للغيار المناسب لابد ان يبدأ مسير السيارة من الترس رقم1
يعني اذا وضعت القير في وضع ال3 لابد ان تبدأ السيارة بالمشي من النمره رقم1


مما يميز اليوكن والتاهو والجموس بصفه عامه
اذا تم وضع عصا القير في وضع ال 1 من المعروف ان القير في هذه الحاله
يكون محشور في النمره الاولى ،،، وان حد السرعه للنمره الاولي تقريبا الي 20 او 30 كلم ،،، والميزة هي انه يوجد حساس امان اذا وصلت السرعه الي 40 تقريبا ينتقل القير الي السرعه ال2 وعصا القير علي رقم 1

تحياتي :good:



كثير من السائقين بعد الانتهاء من طلوع العقبه او النزول ينسي القير في رقم 3 او غيره
فأحذر من ذلك لانه يؤدى الي تلف القير .
كلام صحيح 100% وابصم بالعشره .
وفي حالة النزول استخدم القير(مع مراعاة السرعة) والبريك مع بعض واعمل توازن بينهم .

[مطارد]

مساكم الله بالخير جميعا

عن تجربة انا معي يوكن 2008 العام الماضي كنت بالطائف انا والعائلة وشفت انه افضل شي رقم 3

حتى اني من بداية طريق الشفاء اكون معشق السيارة على 3 حتى اصل للمنطقه التي اريدها وتاصل السرعه

الى حدود 120 والحمد لله السيارة محملة وتتجاوب بشكل ممتاز ..

جربت في بعض الطلعات الصعبه اني اغير لـ 2 وكانت تسبب ثقل كبير للسياره حتى اني اتوقع انها توقف

وتعرفون وش معنى توقف بهاك الطرق وخطورة الرجوع للوراء ,,

المهم القرار اللي اتخذته وارتحت معه انه من يوم ادخل طريق طلعات ونزلات خل السيارة على 3

وريح نفسك السيارة من يوم تدعس البنزين تحس انها تتجاوب معك ..

هذا ما عندي من تجربة والحمد لله رب العالمين .. والله يستر عليكم اجمعين ...