بايعة بايعة ( الفرامل جننتني)

[saad729]

معي جيب 97 جي اكس الفرامل تسبب رجه خرطة الهوب وغيرت الفحمات مانفع وغيرت الهوبات وشريت وكاله مانفع والمشلكه ليتها رجه وبس بس لازم كل ثلاث شهور اغير الفحمات ، وانا نفذ صبري بايعة بايعة الا اذا اسعفتوني ولحقتوا علي قبل ادخل المعارض0

[المرتاع]

ياخوي لاتبيعها ولا شي اول شي رصص عند العضيب اليرموك ولا شف عامود التوازن افحص عند العضيب وراح يفيدووونك

[ولد الهاااص]

قصدك الرجه تجي مع الفرامل ؟

ولا رجه تجي اذا وصلت سرعه معينه .. مثلا 60 كيلو

اذا كانت الرجه نفس رجة ترصيص الكفرات فااعتقد والله اعلم .. انه وزن للفحمات والقماشات بحيث تكون الفحمات تمسك اكثر من القماشات او العكس يعني يبي له واحد فاهم !!

واما ان كانت الرجه .. تلعب بالدركسون لعب يعني يمين يسار بقوه كنه منفقع كفر عليك .. وغالبا ماتجي الا اذا كنت مهدي السرعه او ماسك بريك !!

فهذي غالبا اصلاحات الركب والصوف والرمانات الداخليه للدفرنس الامامي !! وايضاً شيك على مساعد الدركسون !!

اتمنى اني افدتك !

[راعي الطلعات]

شلون بتبيعه وهو فيه رجه ما راح يجي لك شي وراح يعيبونه الشريطيه الين يقلون بعنا بعشره حركاتهم

المهم في ورش كبيره مثل العضيب واليرموك والمجد وده عندهم بيفيدونك بالشي الصحيح ان شاءالله وراح يعيش معك الموتر ان شاءالله كم سنه قدام

اتمنا لك بالتوفيق

[saad729]

اسمعوني اسمعوني بس رحت ياطول العمر الى العضيب وشرطة عليهم يصلحونه وقال بس اذا ماصلحته خذ فلوسك المهم قال بس خرط الهوبات وخرط الهوبات مانفع وخرطها ثاني مره من دون فك مانفع قال غير ربلات عمود التوازن وغيرناها مانفع وخذيت فلوسي ورحت ياطويل العمر الى ميزان الدرع وقال وشلون الرجه قلت مع ضغط الفرامل يرج الدركسون مع الطبلون قال لا اذا رجه مع الفرامل هذا من الفرامل لاكن لو الرجه تجي من دون الفرامل صح هذا ترصيص 0

[ابو حسان الجنوبي]

شيك على مساعد الدركسون

[غربة الروح]

مرحبا اخوي

انا معي لاند مثل الي معك وصارتلي نفس المشكله وكل ما اسرع زياده تزيد الرجه الى درجه اني انتضر الكفرات تسبق السياره

والحمد الله راحت

غيرت فحمات وقماشات مع خرط الهوبات الاربع طبعاً القطع اصليه
وغير مساعد الدركسون وجلد مقصات الدركسون

والحمد الله رجع الموتر مثل اول

اتمنا لك الافاده

تحياتي للجميع

[saad729]

يااخي الرجه ليست مع السرعة الرجه مع ضغط الفرامل

[كاشت وحداني]

رح لليرموك طول الله عمرك
وهم بيعطونك العلم الاكيد
العضيب ترا لك عليهم
بكل صراحه من واقع تجربه
ينصبوون العضيب
اليرموك ما مثله
ولا يسوون شئ بالسياره الا موضحين لك ومورينك كل شئ
تمنياتي لك بالتوفيق .

[راعي الطلعات]

والله مشكله اذا اكثر من مره خرطة الهوبات ولا راحات الرجه

اذكر مره بسيارتي كانت اذا ضغطة الفرامل قام الموتر يرج رحت للميكانيكي قال يبيلك فحمات جديده وخرط هوبات وتغيير قماشات طبعا كانت القماشات تعبانه بس صراحة الحمدلله ذاك الوقت راحة الرجة

[ابو شهد جدة]

هل الرجه تروح بعد خرط الهوبات مباشرة؟؟؟؟

[مجرد هاوي]

أخوي العزيز ,,
أنا معي Vxr 94 وكانت معي نفس المشكلة طبعاً الرجة مع مسكة الفرامل غالباً تكون من مساعد الدركسون أو الهوبات ..
كان فيه رجة غير طبيعية وغيرت مساعد الدركسون وضبط معي .. بعد فترة رجعت الرجة بس أخف وغيرت الهوبات الخلفيات وكالة وضبط معي ..
بقولك شغلة . .

أنا كنت زيك متأذي من الفرامل وكانت الفحمات ماتجلس معي شهر إلا ومخلصات ..
وفي كل مرة أغير كل شي لحالة ومااستفيد إذا زان هذا خرب هذا ..
لذلك غير الفحمات والقماشات والهوبات الخلفية والأمامية جميع ..
واذا كانت الهوبات كلها كويسات غير الفحمات والقماشات .. وشوف ..
وأعتقد إن مشكلة الفرامل في الاند الأول عامة يعني أكثر من واحد يشكي ..

على العموم بالتوفيق ,,
وأرجو أن تبشرنا بالنتائج وخاصة من "اليرموك" لأني موتري فيه "حرة" اذا خليت الدعسة عند 120 مع إني مقفل "الفرار" وابغى أوديه لهم ..

[crozman]

أخوي العزيز ,,
أنا معي Vxr 94 وكانت معي نفس المشكلة طبعاً الرجة مع مسكة الفرامل غالباً تكون من مساعد الدركسون أو الهوبات ..
كان فيه رجة غير طبيعية وغيرت مساعد الدركسون وضبط معي .. بعد فترة رجعت الرجة بس أخف وغيرت الهوبات الخلفيات وكالة وضبط معي ..
بقولك شغلة . .

أنا كنت زيك متأذي من الفرامل وكانت الفحمات ماتجلس معي شهر إلا ومخلصات ..
وفي كل مرة أغير كل شي لحالة ومااستفيد إذا زان هذا خرب هذا ..
لذلك غير الفحمات والقماشات والهوبات الخلفية والأمامية جميع ..
واذا كانت الهوبات كلها كويسات غير الفحمات والقماشات .. وشوف ..
وأعتقد إن مشكلة الفرامل في الاند الأول عامة يعني أكثر من واحد يشكي ..

على العموم بالتوفيق ,,
وأرجو أن تبشرنا بالنتائج وخاصة من "اليرموك" لأني موتري فيه "حرة" اذا خليت الدعسة عند 120 مع إني مقفل "الفرار" وابغى أوديه لهم ..


كلامك مضبوط وبالعاده ياخرط ياجلد دركسون
اما الحره اللي عند 120 يبيلك ترصيص عمود دبل او تغييره

[بيّن]

اخوي سعد غيّر الهوبات اصلي وان شاء الله تروح الرجه .


ولا تنساني من الدعاااااء .

.

[العرمه]

انا صار لي مثل ما صار لك

وما بدت معي الا عقب ما غيرت القماشات والفحمات الامامية مع الهوبات الامامية

والحقيقة كن الموتر اذا مسكت فرامل منفقع فيه كفر اول مره وقفت احسبه منفقع صدق

بس تعودت عليه والفحمات ما يحتاج كل شهرين ثلاثه

اخر مره غيرت فحمات تجاري وخفت الرجه كثير

لكن الله يخلف الموتر انصدم والله يعوضنا خير منه

المهم كانك بتبيع مليت منه حنا نصبر على الرجه كرما لعيون السبعه


ان طفح الكيل وانا اخوك وبغيت تبيع وده المعارض ولا تبيع الا راد لي علم كان موترك ينصفط

تقبل تحياتي

[aboyagob]

الله يعينك

بس بقولك شغله اللند اذا مسكت بريك يمسك حتى الي ورا يمكن المشكله من ورا

[saad729]

ايه اكيد اللي وراء يمسك بس ما ادري وش المشكلة

[ابراهيم؟]

ما اقول الا الله يعينك لاكن زي ما قالو الشباب وده لاحد المراكزالكبيرة الي عليها الكلام ولا ودة عند واحد بصناعة الفواز الي بالرياض يقاله ابو مشعل ...
تقبل مروري..
ابراهيم؟

[abu naif]

شيك على الكليبر الي يمسك الفحمات احياناً يكون السبب حيث ضهر في الددسن عندي

[saad729]

شيك على الكليبر مركز العضيب قال سليم وشيك عليه عدة مراكز ونفس الكلام وكل اللي ذكرتوه شيكو عليه قالو سليم يخش تحت الجيب المهندس ويطلع يقول مادري وش المشكله اقول خلوني ( بايعة بايعة ) الا اذا اتت المعجزه من مجرب

[مجرد هاوي]

أخوي سعد والله إذا على كلامك شيكت على كل الي قالو الشباب والمشكلة هي هي ..
فأقرب شي يكون موترك جايه عين ماصلت على النبي ..
(العين حق)
أذكر واحد من أخوياي معه Vxr 2000 يلاعب الهواء
وأشغله واحد يبيه ورفض يبيع ..( وهذي مشكلة اذا صرت ماودك تبيع حده غالي وخله يطيح من عينه ولا تقوله مو للبيع )
ثم جاه وقت مايطلع من الورشة يصلح ذا يخرب ذا يوديه للوكالة يقولون مافيه شي ..
حتى أذكر اذا ساقه راعيه يطلع فيه الصوت واذا ساقه أي واحد ثاني يروح ..
إلين باعه ...
والله يعينك في مصابك ..

[samfj40]

بالخير اخوي سعد. لايضيق صدرك لان كل خراب ناتج عن خلل في قطعه من قطع السياره.المشكله انه ماعندنا للاسف ميكانيكيه يعرفون كيف يفحصون ويحددون الخلل والحل. من واقع خبره افحص الرمانات للكفرات الاماميه فقد تكون متاكله.ثم افحص الربلات اللي ماسكه اعمدة الدفرنش الامامي في الشاصي فقد تكون متاكله. ايضا افحص رووس الاذرعه وكل مايتعلق بالتعليق الامامي وانشاالله تنحل مشكلتك .وفقك الله

[برق المساءء]

السلام عليكم ورحمة الله وبركااته
اخوي سعد والكلام للجميع
الصراااحه واحد من زملاي نصحني نصيحه واعتقد والله اعلم انها في محله
النصحيه اهي يقول اذا قالك المكانيكي لازم خرط هوب لاتخرط قل ركب فحمات او قماش مو اصلي وخله فتره لين يحك الهوب وهو يسنفره مع الوقت ثم فك التجاري وركب اصلي بدون خرط
المشكله انا حصلت معاي قبل اسبوعين غيرت فحكمات واقمشه وخرطو لي الهوب الخلفي طبعا سيارتي جي اكي ار 2000 المهم يوم اسرعت تقريبا 120 ومسكت فرامل احس ان الفرامل يرقص والطارة معه السياره ترج واول ماخلي الفرامل تزين عرفت ان الهوب مابط خرطه وخرته مره ثاني ولانقع والحين خليته يرج لين يسنفر نفسه وعموما انا عارضه لللبيع اللي يبيه جيب جي كس ار ابواب جايه الرفرف والباب الايمن واللي شريته منه يقول مغيره تغير وفيه سمكره بسيطه تحت الرفرف وماشي 270 الف اللون ابيض توماتيك وفتحه وفوتلك اللي يبيه يسومه اخر سومه له قبل شهر 63000 وانا ماني حوله واللي عنده جي ام سي يبايع يقول لي او فوتك وسلامتكم

[مروووق]

طيب مو ممكن تكون المشكلة من الدوده او بعلبه الدركسون ؟ شيكت عليها ؟

[ابو كلام]

السلام عليكم غير اصلاح الكليبر الامامى وركب فحمات جدد وان شا الله تروح الرجه موفق خير

[عبدالرحمن السالم]

هذا عيب التويوتا فحماته ماتطول ابد عكس النيسان .. طيب ليه ماتفك عمود الدبل جرب .. او فرارات يمكن لعل وعسى انها تنفع معك

وبصراحه انا مع مجرد هاوي اول ماقريت مشكلتك عرفت ان جايته عين (( الله يكفينا ويكفيك شره ))

والله يعينك وموفق خير

[النفيظ]

حياك الله اخوي سعد وانا نفس المشكله وحتى الان لم اجد حل قال الميكانيكي اخرط الهوبات الي وراء واليوم انشاء الله راح اخرط الهوبات الي وراء مابقي الا هن
طبعا غيرت الفحمات وخرطت الهوبات الاماميه ونظفت الكليبرات وركبت رمان وغيرت الكفرات والجنوط حتى الان لم تذهب الرجه باقي انشاء الله اخرط الهوبات الي وراء والله ييسر الامر