المساعد الشخصي الرقمي

مشاهدة النسخة كاملة : أين يمكن اصلاح ماطور البيوك بالقصيم


مريقب العيفار
19/06/2004, 01:03 AM
ألاخوان الكرام

السلام عليكم ورحمة الله وبركاته

عندي ماطور بيوك باعه علي واحد الله يهديه ولقيته

خربان يشتغل بس ما يطلع هواء

هل فيه امكانية انه ايصلح بالقصيم

وشكرا لكم سلفا
مريقب العيفار
26/07/2004, 05:38 AM
يا اخوان الله يبارك فيكم

اشوف ما احد رد علي

يعني ارمي الماطور

والا ويش اسوي فيه
اعقاب
26/07/2004, 10:25 PM
وعليكم السلام ورحمة الله وبركاته

كنك تشوف
مريقب العيفار
27/07/2004, 08:08 PM
الله يهديك اخوي اعقاب

والله يوم شفت التبليغ بالرد بالبريد

اني فرحت احسب ان فيه احد

عطاني علم وكاد

على كل مشكور على تجشمك عناء الرد

اخوك مريقب العيفار
اعقاب
27/07/2004, 09:12 PM
السلام عليكم ورحمة الله وبركاته

كان عندي واحد ولاحصلت احد يصلحه

بغيت اختصر عليك الطريق
مهيلان
28/07/2004, 12:38 AM
اخوي مريقب

حياك الله .. حالك يذكرني بقول المثل ( يامن شرى له من حلاله علة )

ماطور البيوك قديم واخر ما نزل بالـ : 84
يعني له قرابة 20سنه وهو يرن ( بتشديد النون )

يعني خويك ما باعك الا هو منتهي ( خلهم يتهاوشون )

انا جربت قرابة العشرة مواطير على مدى سبع سنوات ,, عمره الافتراضي سنتين
على فرض انك بتطلع مرتين بالشهر وبتنسم الكفرات وبتعبيها ..

اذا وصل حده فهو مثل اللي عندك يشتغل بدون ضغط هواء ,, الحل معه انك ترميه وتشتري احسن منه ..السبب ان البستم الداخلي بلاستيك ويتلف مع الحراره ..
حتى لو كان حديد فما اضن انك بتلقى ( قطع غيار توضيب ماطور بيوك )

هذي نصيحتي لك ودمت سالما
مريقب العيفار
28/07/2004, 06:03 PM
اخواني الكرام اعقاب و مهيلان

جزاكم الله خير

قال واحد من الشباب قبل يومين

انه فيه جلبه تحت الراس

يقول فك الراس وشف الجلبه يمكن مخرومه

اجرب ان صلح اعلمكم
مهيلان
29/07/2004, 01:25 PM
اخوي مريقب سلام عليكم

عندي لك هديه ماطور يرن ولا احسن منه

ونفس ماطورك حق البيوك
لكن دفعه ضعيف

خذه .... ولفق من هذا في هذا لين الله يفرجها

ودمت سالما
مريقب العيفار
31/07/2004, 03:31 PM
يا جعلك سالم وغانم اخوي مهيلان

وعدها وصلت

بارك الله فيك
ساري5000
03/08/2004, 07:10 AM
السلام عليكم ورحمة الله وبركاته ياخوي مهما تصلحه مافيه امل يرجع زي اول
لا ويمكن يوهقك
فيه مطور صيني بشنطه سعره مناسب وعملي بشكل جيد وقالولك الشباب حده سنتين اوثلاث بالكثير
اي مطور وسئل وردلي
مريقب العيفار
11/08/2004, 12:24 AM
مشكور أخوي الكريم ساري5000

والمعذرة ما شفت الرد الا الآن

والله يا اخوي انا عندي ماطور مرهي علي

لكن اللي غاثني اني لما شريت الماطور هذا

ما استفدت منه ولا مرة

يعني صرت شاري واحد خربان

وهذا والله اللي غاثني

لو كنت استعملته ثم خرب ما فيه مشكله كل شيء ممكن يخرب

بس انا ما هان علي ينهك علي بهالسهولة

الف شكر لك اخي الكريم
مشعان 2013
07/02/2013, 09:42 PM
هل فية فرع لشركة الجزيرة بالقصيم وأين(أبوحسين من خليص ضيف بالعقلة)
صاروخ الغطغط
09/02/2013, 05:36 PM
شف الي يمكن فيه شق