المساعد الشخصي الرقمي

مشاهدة النسخة كاملة : الفرق بين VXR و GXR



فتى شنه
19/06/2004, 01:30 AM
السلام عليكم ورحمة الله وبركاته

ودي اسائلكم عن الفرق بين هاذين النوعي من السيارات من حيث المزايا والاضرار

وهل هناك طريقة لفك الجناح اللي راكب في الخلف بدون اقصد هل هو كبس ام مسمار في البدي ..............

والسلام عليكم ;) ;) ;)

Bader-M
19/06/2004, 03:40 PM
الفرق بين VXR و GXR

VXR
المحرك 8 سلندر

اما
GXR
المحرك 6 سلندر


باقي الاشياء هي عبارة عن اكسسوارت اضافية

تقبل تحياتي

الخفاش الأبيض
20/06/2004, 02:41 PM
بس اخوي طاير بالعجة تراك نسيت شي مهم

ترا الـ(GXR) اخف بالحيل من الـ(VXR)

وخصوصا بالرمال



وتقبلوا تحياتي

القناص
21/06/2004, 06:17 PM
اضافة

الفي اكس ار تنزل قيمته واجد من الجديد بعد سنة استخدام لكن مواصفاته حلوة ومميزاته مريحه
ام الجكس
ما ينزل كثير من سعر الجديد ولو بعد سنه استعمال بس مشكلة الجكس انه عادي مره وما فيه اي مميزات مثل الفي اكس ار...

فتى شنه
24/06/2004, 11:48 AM
مشكور اخواني ماقصرتوا لكن وش تنصحون به مع العلم اني سمعت ان الناس يصيحون من استهلاك البنزين في vxr .


لكن فية نوع gxr3 توه نازل في موديل 2004 مااحد يعرف مميزاته والله لا يهينكم



والسلام عليكم

بركان
26/06/2004, 11:52 AM
عليك بالفكس لو لحقك الدين!!!

الفرق بين الاثنين كبير
سبق وان اقتنيت اكثر من جي اكس
والآن لدي فيكس
وقد تأسفت على الماضي

يتميز الفيكس ب:

مركبه مريح جدا
عزمه يفوق الجي
راسي جدا في الطريق
مميزات افضل ومن اهمها مثبت السرعه والذي لا يتوفر في الجيكس وانا اعتبره من الضروريات التي لا تعرف قدرها الا عند السفر.
الفارق في استهلاك الوقود لا يكاد يذكر.
واخيرا مركب عز.

تحياتي

Y&Y_4X4
26/06/2004, 02:25 PM
خذ الي عندي ولا يهون من يقراء.

كل ماقيل عن الفكس ليس علية غبار وصحيح واما عن البنزين هناك فرق ولاكن لا يكاد يذكر مع العلم يأخوان ان كل النوعين صنعه قويه وخامات صافية وقوية بعد وكلهن يكدن واعطالهن قليلة بأذن الله اذا ما قورنت مع نفس الفئة من الصناعات الاخرى.

اما الفرق الكبير فهو باعتقادي وهو لصالح الجكس كما يلي

1- اسهل صيانه.
2- ارخص قطع غيار واوفر.
3- الوقت المستهلك للصيانة وهذا مهم اقل بكثير عن الفكس لأنه اقل تعقيد.
4- توفر مساحه اكبر بكثير وهذا بعد مهم للشباب حقون الاضافات تحت الكبوت.
5- اخف عزم شوي.

ذيب البر
26/06/2004, 06:26 PM
مع كل الميزات الي ذكروها الشباب وما قصرواا

عندي فرق واضح ما ادري انا الي ملاحظه او الشباب ملاحظينه بعد

أنا سقت الأثنين بالرمل فيه فرق واضح لصالح الجي اكس لانه خفيف ولو غرز يطلع

بسهوله مهوب مثل الفي اكس ثقيل مره

وهذا راي شخصي من تجربه


تحيااااااااااااااااااااااااااااااتي

فتى شنه
03/07/2004, 01:08 AM
السلام عليكم ورحمة الله وبركاته

اسف والله على الاطالة كنت مسافر ماقصرتوا والله يجزاكم خير على الردود


واللي عنده تجارب والى نصايح زياده على نصايح الاخوان لا يبخل علينا


والسلام عليكم ورحمة الله وبركاته

ذيب مجيرة
03/07/2004, 03:55 AM
اسمع انت راعي بر وعلوم مكاشيت

عليك بالجكس واترك الفكس

انت راعي ترزز عليك بالفاكس

فرق البزين ما يذكر @@@ هين عاد

يا ناس هذا 8 سلندر والجكس 6 سلندر الا فرق وفرق وفرق

والاهم البيع

الجكس زبونه على اول ملف تلقى عشرة
الفاكس الله يعينك وبعد حبة خشم يمكن ولا بعد الفحص

الفاكس ثقيل طينه بالحيل حلالالالالالالالالالال قوم

الجكس يبرد كبدك في اي مكان
على الطعس
على الطريق
وفي المعرض

وشوكرن

بركان
03/07/2004, 10:21 AM
واذا ركبت الجيكس كانك راكب لك سلقه.
وكما يقال يدلك على السلعه ثمنها.
وانا عندما اشتري اشتري لكي اركب وادلل نفسي واهلي ولا اشتري لانني ابي ابيع!!!لانني اذا قضيت غرضي ما عاد يهمني كم يسوى , ولو حسبنا حساب العصافير ما زرعنا البر!!!

هذا هو رايي ولا يشترط ان يوافق كل الآراء وكل حر في رايه.

تحياتي للجميع.

فتى شنه
03/07/2004, 04:10 PM
السلام عليكم ورحمة الله وبركاته

شكرا على الردود وماقصرتوا بس بيني وبينك بركان ماقصرت لكن بيجي يوم وتحسب شي غير العصافير

الله يكفينا شر هاليوم ههههههههههههههههههههههههههه:good: :good:



وماقصرتوا والله والف شكر لكل من شارك والله يجزاكم خير

والسلام عليكم ورحمة الله وبركاته

خوي النشاما
07/07/2004, 02:47 AM
الاخ فتي شنه انطعت شور اخوك خذ vxr ونا معي واحد وعزللة انه موتر
وبس وفي الرمال دايم يطلع الاول ومجربه برمله مع خويي معه gxr
وكل شوي اسحبه وتحيتي لخوي ذيب مجيره وتراك من الربع

ذيب مجيرة
07/07/2004, 02:57 AM
خوي النشاما

الله يسلمك وفيك البقا يالغااالي

بس vxr
يسحب gxr
وفي الرمل والله ما صارت الفاكس وينه ووين الرمل ثقيل ويدق الى الصاجة

انت خوي نشاما والجي اكس ار موتر النشاما

اترك موتر الترزز والسكبه واذا بغيت ترزز ومركب اقحص للكزس بلا فاكس بلا هم لا وثمان سلندر

اما دروب الذيابه فلا لك الا الجي اكس

وحبه على خشمك

خوي النشاما
07/07/2004, 03:13 AM
اخوي ذيب مجيرة صارت وستوت انه يسحب
ولا يمنع انك تاخذ الثانتين الترزز والكشخه
والجلافة وروحه البران والمكاشيت على
vxr وتبي تجرب اركب تراك قريب مني
متى مابغيت وتحياتي يالغلي



خوي النشاما
________

مداوي
07/07/2004, 03:24 AM
يا اخواني الفرق واضح جدا بالنسبه للسعر والسرعه والخفه واقل صرف البنزين GXR ولا احسن منه بعدين اخوي اللي قلت مافيه مواصفات بالعكس مواصفاته احيانا احسن من الفكس فتحه هزاز ولا احسن
مشكووووووووووووورين:rolleyes: :rolleyes:

مثابر
08/07/2004, 05:58 AM
شكراً لك اخي الكريم على هذا المقال

العنكبوت
08/07/2004, 10:37 PM
السلام عليكم

من واقع تجربه البنزيم الفرق بسييييييييط وبالعكس بالخط لاصرت

محمل الجكس ار بيصرف اكثر وبيغثك اما الفكس ار ماكنك ركبت شي

ومن ناحيه الثقل ومن ناحيه النفود لا والله الفكس اار ماماثله

واذا تبي نصيحتي

كانك تبي قير عادي خذ لك جي اكس ار لانه يجاري الفكس ار تماتيك

وكانك تبي قير تماتيك انتتتتتتتتتبه تقرب الجكس ار معي واحد وطلع

النخل براسي مالك الا فكس ار

ولو انا الي بشتري كنت شريت جي اكس قطري (( الهدد ))

تحياتي

فتى شنه
10/07/2004, 03:47 AM
السلام عليكم ورحمة الله وبركاته


مشكورين على الردود الطيبة والله لايحرمنا منكم ماقصرتوا

لكن هل يجي vxr بدون هيدروليك اقصد استبنتين فل كامل بدون الهيدروليك

ووش رايكم في الهيدروليك في الجيبvxr هل هو زين.......... اسفين على الاطاله في الردود



والسلام عليكم ورحمة الله وبركاته