الفزعه ياهل الخبره Gxr

[crozman]

السلام عليكم ورحمة الله وبركاته

اخواني عندي مشكله ان شاء الله انها بسيطه
بس اهل الورش زي المثل القائل
(تعلم الحلاقه بروس اليتامى)
مشكلتي في التانكني الاحتياطي سياره gxr 98
مع العلم اني ركبت استرالي 190 لتر وكانت المشكله ولا زالت
وهي:
اذا تم التحويل الى الاحتياطي
1- ينزل ضغط المكينه بمجرد ظغط زر التحويل الى الاحتياطي
2- يبرد عزم الموتر
3- تحس بكتمه في السياره وعدم تسارع كأنه مخنوق حتى يرتفع الضغط فوق 2
4- اذا ارتفع الضغط فوق 2 يفز الموتر كانه ضعيف تدفق البنزين وارتفع فجأه
5- في حاله تغير تدفق الوقود تسمع صوت كتلوت عند ارجل السائق مثل الطقه
كأنه يشبك ويفصل

الطرمبه حقت الخزان الاحتياط تم تغييرها 3 مرات
مرتين قبل الاسترالي ومره بعد
وبعد التغيير تكون المشكله موجوده بس خفيفه بالمره وتبدا في تزايد
حتى شهرين الى ثلاثه
وبوقود 95 تكون اقوى

اصحاب الورش اذا جيتهم قالو طرمبه وكلامهم غير صحيح
اللي عنده خبره او قد مرت عليه ياليت يفيدني
وجزاكم الله خير لكل من تفاعل مع الموضوع

[crozman]

وين اهل الخبره

[اورنس الشرق]

لا اعرف عنه شي

بس برفع الموضوع حتى يفيدك غيري

[سندباد الخليج]

حياك الله اخوي

ربما تكون الطرمبه فيها مشاكل كهربائية شيك عليها عند كهربائي

وبأذن الله تكون المشكله بسيطه

[ساري 111]

اذا المشكله موجوده بتانكي الوكاله وبهالتانكي اللي انت مركب
والتانكي الرئيسي مافيه اي مشكله

ربمااا المشكله في الفلتر او احد الليات منعفط .. تأكد من الليات من تطلع من التانكي الى تاصل المكينه وانقطه التقاءه مع التانكي الرئيسي

[بوسعود 180]

السلام عليكم ورحمة الله وبركاته




اخواني عندي مشكله ان شاء الله انها بسيطه
بس اهل الورش زي المثل القائل
(تعلم الحلاقه بروس اليتامى)
مشكلتي في التانكني الاحتياطي سياره gxr 98
مع العلم اني ركبت استرالي 190 لتر وكانت المشكله ولا زالت
وهي:
اذا تم التحويل الى الاحتياطي
1- ينزل ضغط المكينه بمجرد ظغط زر التحويل الى الاحتياطي
2- يبرد عزم الموتر
3- تحس بكتمه في السياره وعدم تسارع كأنه مخنوق حتى يرتفع الضغط فوق 2
4- اذا ارتفع الضغط فوق 2 يفز الموتر كانه ضعيف تدفق البنزين وارتفع فجأه
5- في حاله تغير تدفق الوقود تسمع صوت كتلوت عند ارجل السائق مثل الطقه
كأنه يشبك ويفصل


الطرمبه حقت الخزان الاحتياط تم تغييرها 3 مرات
مرتين قبل الاسترالي ومره بعد
وبعد التغيير تكون المشكله موجوده بس خفيفه بالمره وتبدا في تزايد
حتى شهرين الى ثلاثه
وبوقود 95 تكون اقوى


اصحاب الورش اذا جيتهم قالو طرمبه وكلامهم غير صحيح
اللي عنده خبره او قد مرت عليه ياليت يفيدني
وجزاكم الله خير لكل من تفاعل مع الموضوع


اخوي شوف بعطيك حلول بسيطه وان شاء الله تكون مفيده

على كلامك تقول ان الورش يقولون ان المشكله من الطرمبه وقد تكون صحيح الطرمبه فيها مشكله مع انك مغيرها 3 مرات

واذا غيرتها تخف عندك المشكله وتزيد تدريجيا

اللي اتوقعه ان التانكي عندك مليان وصخ وتربان علشان كذا الطرمبه تسحب الوصخ وتخرب لانك اذا ركبتها جديده تكون المشكله خفيفه بس من يترسب الوصخ فالطرمبه تطلع المشكله

رح لورشه ونظف تانكي البنزين تنظيف ممتاز وغير الفلتر والطرمبه ورح لورشه كويسه مره وناس فاهمين خلهم يفحصون الكهربا والظفيره

عندي جي اكس ار 2001 كانت فيه نفس المشكله اللي عندك بس على التانكيين

وديته لورشه وطلع لي عيوب الدنيا فالموتر

قالي موترك يبيله توظيب مكينه وتوظيب القير والقير تماتك قلت له وبكم بيكلف علي قالي بيكلف عليه 7000 او اكثر بشوي

تركته ورحت لواحد من الربع عنده ورشه وهو اللي يشتغل بيده

حطيت عنده الموتر وكلمني بعد يومين قالي تعال استلم موترك سقت الموتر لا والله الموتر رد مثل قبل واحسن ماشاء الله

قالي عطني 1200 وتوكل على الله عطيته دراهمه وسالته شطلع منه المشكله؟

قالي عندك بيب فلتر الهوا مكسور فكيته وشريت واحد من التشليح وركبته لك هو اللي مسوي لك هالمشكله اللي هي ان الموتر اذا دعست له يكون كاتم ومايمشي واذا وصل عند 2 يفز

ويقول غيرت لك بواجي واسلاك وغيرت زيوت القير والدبل والدفرنش وصوف وشغلات خفيفه

بينما بو الشباب الاولي كان بيوظب موتري وهو مافيه الا العافيه مع انه من الورش الكبار والمعروفين بس طلع شغله خرابيط

انت شيك على اللي قلت لك عنه وان شاء الله بتزبط امورك ميه ميه باذن واحد احد

[classica]

بيض الله وجهك يبو سعود

أخوي crozman (http://www.mekshat.com/vb/member.php?u=122670) مالي خبره بالمواتر
وابو سعود ماقصر أتمنى أن يكووون أصلاح مترك غير مكلف
بتوووفيق

[my own]

السلام عليكم ,,
انت تقول :

- في حاله تغير تدفق الوقود تسمع صوت كتلوت عند ارجل السائق مثل الطقه
كأنه يشبك ويفصل
شيك على الكتاوت حق الطرمبة ولو تبدله مع واحد نفس المقاس وجرب ,, لان لو الكتاوت خربان يعطيك نفس مشكلة الطرمبة ..
بالتوفيق

[ابوفرايديز]

اذا المشكله موجوده بتانكي الوكاله وبهالتانكي اللي انت مركب
والتانكي الرئيسي مافيه اي مشكله

ربمااا المشكله في الفلتر او احد الليات منعفط .. تأكد من الليات من تطلع من التانكي الى تاصل المكينه وانقطه التقاءه مع التانكي الرئيسي
كلام اخوي صحيح وتاكد من القسام اللي يجمع التانكيين الامامي والخلفي يجتمع اللي حق التانكي الامامي والخلفي بقسام تاكد منه وتاكد من الليات

[RPM..5800]

يكفي أبوسعود 180

[روق الشرقيه]

السلام عليكم ورحمة الله وبركا ته


آخي العزيز...
آلمشكله عندكـ تنحصر فى آربع آشياء تقريباً
آولاً . تنظيف التانكي
ثآنياً. تشييكـ وتنظيف قسآم آلتوآنكـ
ثآلثاً. نفخ الآهوآز من آلتانكي الى القسام
رآبعاً. آلتشييكـ على كتاوت طرنبة البنزين


هذا والله اعلم ولاتحرمنا من دعواتك


اخوك ابو نايف

[HAS5SAN]

واضح ان التانكي وسخان

[crozman]

اشكر كل من رد على الموضوع
واشكر اخوي ابو سعود
واتمنى تفيدني عن مكان ورشة خويك او تنقل له مشكلتي
واكون لك من الشاكرين
والله يجزاكم خير ويوفقكم لما يحب ويرضى
والتانكي نضيف وشد البلد مرايه من نضافته

[بوسعود 180]

حياك الله اخوي واسف جدا على التاخير

موقع الورشه صناعية الاحساء

وابشر بانقل له مشكلتك وبعطيك رقمي على الخاص للتواصل اذا احتجت شي

[crozman]

بيض الله وجهك يابو سعود