مشكلة الرجه باللاند موديل 94 من يحلها وله دعوات في ظهر الغيب (مليت من المشكله)

[النفيظ]

حيا الله اخواني كما هو واضح بالموضوع
المشكله هي رجه بالسياره عندما المس الفرامل والرجه بالدعسه فقط الطاره او الدركسون لايوجد فيها رجه غيرت الفحمات والهوبات وشيكت على هوبات وراء والقماشات وغيرت الرمان الي بالعكس ونظفت الكليبرات وغيرت الجنوط والكفرات وحتى الان لم اجد النتيجه الي تسر الخاطر ارجو من الاخوه الخبراء او احد من الشباب مرت عليه مثل هذه المشكله الفزعه لي الله يجزاكم خير يأهل ( الفزعات)

[هاوي m6r]

سو خرط للهوبات

[سديراوي 13]

اول شي شيك على مساعد الدركسون
ثاني شي شيك على عمود الدبل
وهذا الي اقدر افيدك فيه

[samfj40]

شيك على الربلات اللي ماسكه الاعمده بين الدفرنش والشاصي.وعلى رمان قدام ومساعد الدركسون

[كاشت وحداني]

ان كنت بالرياض
روح لميزان اليرموك
وان شاء الله يفيدونك

[عريدان]

المشكلة والله أعلم إنه بالمساعد للدركسون المنفقع

[abw1122]

هاذي من توصيلات الفرامل نسم الهواء عند المكانيكي
او الباكم حق الفرامل يبيله اصلاح
او هاذا من abs اذا كان موجود فقط

[قمري قيال]

اخوي ابي الخص لك تجربيي وابشرك الموتر نفس الموديل ونفس ماقلت وشغلي عند هندي جيد بالحيل قال لي الهندي مشكلتك بالفرامل مع العلم غيرت
هوبات قدام وكاله ورى خرطتهن فحمات جدد
ابو هناد الصدق عبقري قال ابي الغي الكليبرات كل كفر لحاله اي يوقف الزيت عنه بسداده ويمشي عليه
ويمسك فرمله
وجرب كل الكفرات وراحت الرجه عندما سديت كليبر الكفر الامامي الايمن
قلت علينا ياكومار الهوب وكاله وجديد
قال انت اخرطه تصحيح فقط وان كان مافاد ماني ابو هناد
سويت ما قال وفعلن ضبط الموتر ولله الحمد له الان سنه
ولا انسى واحد من الشباب طلعت مشكلة الرجه من وزن الفحمات واللي وجد المشكله كومار
وجد ان الفحمات مشدود عليهن وارخاهن وضبط ابشرك
واي خدمات انا جاهز
هذي تجربتي و ياليت ماتنسانا من الدعوات

[اسهيل]

اخوي هذ من الابي اس
او من احد المواصير حقة الفرامل مسدوده ولا تطلع زيت زين يعني تمسك دفعات
لا تنسانا من الدعاء حتى لو ماطلع هو الخراب وخوي قمري قايل قال ان فيه سدد كان عنده والله يوفقك

[صقر الساحل]

شيك على القمش الامامى

[العرمه]

كلام قمري قيال منطقي جدا جدا لان الرجه ما جت الا بعد ما غيرت الفحمات

[ALOTAIBI]

تحيه طيبه للجميع
المشكله موجود في جيب 94 Gx نفسها بالضبط وخاصه اذا كانت السرعة فوق 140 وضربت فرامل مهوب مره تجي الرجه قويه من الدعسه والدركسون والطبلون يرج , غيرت الهوبات وكاله والاقمشه واختفت المشكله , واخذت فتره ورجعت ,
واول ما طلعت المشكله دخل الموتر في سيل مع الخط السريع وحديده حامي خاصه الهوبات وبعدها سوت رجه , وهذا الحركه خلط المفروض الموتر ما يدخل السيل الا حديده بارد حتى الغسيل ما تغسل الجنوط بس امسحها او رش بسيط بالماء .

شوف وانا خوك سو خرط للهوبات الوكاله ان شاء الله تنحل , وانا بعد ابا اسويه

وتقبل مروري يالذيب

[النفيظ]

الله يجزاكم خير ياأخوان كل شي سويته الا خرط هوبات وراء والمشكله ماهي بالدركسون علشان اغير مساعد الدركسون المشكله بالدعسه الفرامل تجي معي رجه غير طبيعية
ومن ناحية الكليبر لازم اتأكد هو يصل لهن زيت ولالا

[حسين السبيعي]

شيك علي عمود التوازن الطويل ونشاء الله تروح الرجه

[شنطة عده]

المشكلة عندك
في اعمدة التوازن او الدركسيون
لاتتعب نفسك في الهوبات وخرطها

[النفيظ]

حتى لوكان الدركسون مايرج