للجميع وش ناوين بها الصيفية وين الروحة ووين الجية

[ابو الشمقمق]

السلام عليكم ورحمة الله وبركاته
الصيف على الأبواب
وكل واحد منا يخطط وين بيروح بها الاجازة خصوصا نحن المعلمين
ولامانع من ان نستفيد من اخواننا الموظفين



بالنسبة لي عندي زرقة للديرة حائل خفيفة
وعندي خلال شهر 8 سفرة عائلية لأبها ومكة ندور البراد
وبعد العيد ناوين ان شاء الله الشمال الغربي حقل وما حقل
نرجو من الجميع كتابة الخبرات والمشاركات
لكي نستفيد جميعا
لأن الواحد منا قد يكون مخطط على جهة ويقرأ اقتراح لواحد من الشباب ويعجبه ويغير وجهته
والشكر كل الشكر لمنتدانا الغالي الذي استفدنا منه
الشيء الكثير

[باريسي]

عليكم السلام


أخوي أبو الشمقمق

اللي يبي يسافر ما يفكر إلا بالأماكن الباردة بسبب هالقيض اللي يطبخ الكاتم وهو على الرصيف :D

ومع هذا وذاك الواحد لازم يشوف وش المفاجآت اللي يبي يسوونها
ملاك الشقق والغلاء الفاحش للسياح بأيام الإجازاة .

يعني مالك إلا الجنوب .. ولكن كيف بتصير أسعار الشقق

الله يوفقنا ويسهل علينا جميع

[بن شمروخ]

والله ...
ياخي مهناش خطط موضوعة ...
لكن أنا عن نفسي وعن العائلة الكريمة ...
لابد أن نمر على هذه المناطق والدول في الصيفية ليس للسياحة لكن لصلة الرحم
وحضور المناسبات وحب الخشوم ... ...
أولا . الشرقية لابد منها (حضور مناسبة زواج)
ثانيا .الكويت لابد ولابد ولا بد منها (عيال العم والجماعة)
رابعا .المجمعة (الديرة العزيزة على قلبي )
أهم شي الجماعة ههههههههههههه

يعني لابد نتعايش مع الامر الواقع والقيض الفاقع

اللهم لك الحمد حال أحسن من حال غيرنا لك الحمد والشكر يارب

[أبو إبراهيم !!]

يمدحون ديار الجنوب يقولون انهاء زينه

[mo7taj]

الهدى......نشوف الخط الجديد....

[المودع 2008]

باجو الجميل الي عندنا بالرياض
مانحتاج نسااافر <<< خبل
ابها اهم شئ البراد

[الصقور]

انا والله بختصار لحايل بعد حيي حايل العقال مايل صجونا فيها المهم
ونمر علا القصيم ومكن تخايل لمزرعه لخالي عسا الله يجمعنا
وبعدها ارجع للعاصمه الرياض

[ابو الشمقمق]

نشكر الجميع على المشاركات الرائعة
والاضافات المبدعة وبانتظار المزيد

[ابو باسل]

انا ودي اسافر إلى اندونيسيا قلبي يفرك فرك بس الظروف متحديتني:o:o
تبي تصفي على جوديرتي بريدة

[ابو الشمقمق]

انعم واكرم ببريدة

[عاشق وادي الدواسر]

اولن بعد ما انتهي من غثا الدرآسه بإذن الله راح اتوجه على طول للمدينه لأني مازرتها بحياتي ولا مرررره

بعدها لمكه اكيييييييد عشآن آخذ عمره وبعدها بروح للطآيف يومين وبعدها نرجع للفص الصيفي الله يعين عليه بخير نبي نخلص من هالدراسه


الله يعطينا طولت العمر بس ويرزقنا ويآكم طآعته ورضاه يآرب ولاهنت يالغالي على موضوعك ومشاركتك لنا في هاذا الموضوع الرهييييب

[عساس الوادي]

اول شي باذن الله الى ابها ثم الطائف ثم الباحه ...

[ابو وليد2008]

انا من مشجعي السياحة الداخلية للعوائل ولكن سياحتنا غالية وكل سنة ترتفع الاسعار على سبيل المثال السنة الماضية كنت الايجارات في ابها من 450 الى 800 هذي الشقق المفروشة -فئة ثلاث نجوم ونت طالع - مع العلم اني كنت استاجر في سنوات مضت 250 ريال وياخوفي يكون شعارهم هذي السنة ( مرحبا الف ويومك بـ1000 )

[خشكاري]

إن شاء الله أندونيسيا كالعادة وبالتحديد قرية قاروت الخلابة ... بلى سياحة داخلية بلى غلاء ومخالفات وتفاتيش في مدخل كل مدينة وقرية وهجرة

[ابو باسل]

انعم واكرم ببريدة


الله ينعم حالك يالغالي

[Lamst-Mobda]

إن شاء الله أندونيسيا كالعادة وبالتحديد قرية قاروت الخلابة ... بلى سياحة داخلية بلى غلاء ومخالفات وتفاتيش في مدخل كل مدينة وقرية وهجرة


:D

صدقت :)

أنا في المصيف الأول للمملكة :good:

يعني ما أتوقع أروح بعيد ..

يمكن كم زيارة سريعة للجنوب :j

والله يوفقك الجميع لكل خير..

..

[الاصلي]

ولله يالغالي انا والربع ناوين صلاله رغم البعوض والبقر
هذي السلبيات الموجوده فقط والمزايا واااااااجد
اما ابها والجنوب عموما لايهمك غالييييييييييي مره
والله يوفق الجميع

[رمز الوفا]

انا انشاء الله مخطط علي باريس نجد القصيم يقولون شي مادري واحتمال الطائف اذا عطاني صاحب المكتب سواء :good: هههههههههههههههههههه

[نجم حفرالباطن]

إن شاء الله سورياااااا

[ابوعبدالعزيز2220]

انشاء الله الرحله من المدينة -ينبع - جده - مكة - الطايف - الباحة - ثم العوده وعلى الركب التوجه للبوبه للمغادره شكرا

[كاشخ 24 ساعه]

ما حصلت الاجازه هالسنه وشكلي بصيف في الرياض تحت هالمكيف

[رمز الوفا]

ما حصلت الاجازه هالسنه وشكلي بصيف في الرياض تحت هالمكيف
تحت المكيف وبلاش اصيف
ارفع معي شعاري الجديد بسبب الطفره

[اورنس الشرق]

إن شاء الله أندونيسيا كالعادة وبالتحديد قرية قاروت الخلابة ... بلى سياحة داخلية بلى غلاء ومخالفات وتفاتيش في مدخل كل مدينة وقرية وهجرة

عزالله انك صدقت

[أبوتركي الخالدي]

أبها والمنطقة الجنوبية مازالت تشتكي من نقص المياه
وابشر برفع الأجارااااااااااات بألف وانت صاعد
وخاصة الإجازة قصيرة جدا
يحدها رمضان
والله المستعان

[قناص المخواه]

اكيد الديره الباحه يالبى قلب الباحه
لكن انا قاعد ادور لي على خيمه
بلا شقق بلا خرابيط
يالربع فيه خيمه لقيتها 6 نفر تجنن خفيفه وتركيبها سهل
لاتفوتكم

[عشانا]

بداية اجازتي 25/7/1430
اسبوع في بريدة لزيارة الاهل
ثم اخذ عمرة +المدينة لمدة اسبوع
ومن ثم السفر الى سوريا لمدة 15 يوم (الشام شامك اذا الدهر ضامك)(الماء والخضرة مع الوجه الحسين)
ثم العودة الى بريدة ثم الى الرياض

[أبوسعود711]

ان شاء الله روحه مع الاهل لجوب ومكه والمدينه
وبعد العيد انشاء الله نبي نروح لحقل والشمال الغربي مع الشباب

[سحاب1111]

السلام عليكم

والله ياخوي ما اعتقد اسافر وسبب سهل
الغلا في كل شي
قلت اريح لين ترجع الامور الي سالف عهدها
مالها داعي خساير بلا مبرر
واتعقد ان كثير من الناس لن يسافر بسبب الغلا كما لم يسافرو بعد ارتفاع الاسعار
يستثنا مذلك من يرغب السفر لمكه او المدين .

[أبوحمد 505]

أبروح عمرة لمدة ثلاثة أيام وأبرجع أدرس ترم صيفي

الله يعين ويوفقنا ونخلص الجامعة باقي سنتين عن 20 سنة

[ابو الشمقمق]

الله يوفق الجميع
لما يحبه ويرضاه

[الحوقلة]

انا قاعد ابحث عن ديرة جوها عليل واسعارها مقبولة واهلها لطاف وسعر التذكرة معقول وانا بصراحة افكر بعدة دول منها اندونيسيا ــ ماليزيا ــ تركيا ـ التشيك للتعرف على العلاج الطبيعي عندهم وكيفية الاستفادة منه والظاهر اني بعد كل هالتخطيط ابجلس بمنفوحة .


يالله العافية والسلامة

[عاشق الأسفار]

ناوي أسافر على الشام
الشام شامك لو الزمان ضامك

[khiqgmc]

يمدحون المكيف مع غلا الأسعار

[هبوب الصبا]

اليمن ثم اليمن ثم اليمن السعيد
وش مخوفكم منها
ياللـــــــــــــــــــــــــــــــــــــــــــــه

[abu_ahmad_241]

بالنسبتى لى اذا الله اعطانى عمر بطلع انا والعائله الى مكة ومن ثم امر مرور فقط على الطائف متجها الى الباااااااااااااااااحة وم ثم العودة الى مدينتى المدينة المنورة

[هاوووووي صيد]

إن شاء الله بعد إسبوعين متوجه في رحله عائليه لكيرلا في الهند
ويقولون "الهند هندك لاقل ماعندك"
مع إنه صايره غاليه شوي بس تستاهل